بسم الله الرحمن الرحيم
السلام عليكم ورحمه الله وبركاته
كيفاتهم الغاليات .. اشتقتلكم كومات كومات
وش أخباركم ؟؟ وش لونكم ؟؟
وكيف الوالدين ؟ ان شاء الله مرتاحين ^^
زمان عنكم والله …
امممممممممم
من فترة طويلة وأنا تراودنى فكرة دهان الحائط ..
لا أعلم لماذا لكنى عندما تخيلتها ونفذتها فى خاطرى سعدت جدا بها وظللت أحلم بتنفيذها
إلى أن جاء اليوم الذى التقيت به بــ " المعلم ريهام " ^^
التى أشارت أنها تنتوى دهان غرفه بعد ان دهنت شقتها وشقه أمها وشقه جارتها ^___^ ..
ووجدتها فرصه جائتنى على طبق من ذهب وقلت لها … أنا سأكون مساعده لكِ
وتمكنت من تنفيذ التجربة على أرض الواقع
كانت تجربة مررررررررة حلوة …
كشخه …
غير شكل
استمتعت فيها كتيييييييييييير كتييييييييييييير
كل الشكر أرسله لمعلمتى ريهام التى أعطتنى فرصة أن " أعيش اللحظة "
تعلمت اشياء ومعلومات لم أكن لأعلمها إلا بالتجربه …
وأحببت أن أشارككم هذه المعلومات ,, والتى أتمنى أن تنفعكم وتستفيدون بها
وان شاء الله الصور توضح اكثر
نعتذر على المقدمة الطويلة .. ولنبدأ العمل
==========
اهم شئ فى هذى العمليه هو عنصر الدهان " أو البويه "
احنا استخدمنا للدهان نوع بلاستيك مش زيت … أسعارالبلاستيك بتبدأ من 45 جنية إلى 350 جنيه …
وانتى وإمكانياتك
يعنى لو انتى مثلا بتحبى التجديد وهتغيرى الدهان بعد فترات أو لو عايزة تدهنيها بس " نظافه "
ممكن تستخدمى اللى بــ 45 جنية …
تمام … تمام
اشترينا جردل بوية لونه أبيض ….
واشترينا ( رولّا ) بتشديد اللام ^^ .. سعرها ,, تقريبا 30 جنيه
اهيه هى دى الرولا ..
واحنا عشان نطولها .. وصلناها بــ عصاية المقشه ^^
الدهان كان تقيل أضفنا عليها شوية مايه ,, وقلبناها كويس ..
وبدأنا بسم الله ندهن السقف
دهان السقف صعب شوية .. عشان بتحسى انك مقلوبه … وراسك وراكى أو تحتتك.. ياريت تكونى متغدية كويس … عشان ماتتقلبيش من ع السلم 
سقف الأودة اللى احنا كنا بندهنها كان " خشب "
وانتى بتدهنى ماتقلقيش لما تلاقى اللون اختلفت .. لما تجف تماماً .. كلها هتكون درجة واحدة
اهووة … السقف كده خلص وبقى زى الفل
=====================
نبدأ بقى فى حائط الغرفه .. احنا كنا عايزين ندهنها لون " بيج "
اشترينا " علبه لون جَمَلى " قريب من البُنِّى … العلبة بــ 4 جنية
هو ده شكلها
واضفنا العلبه على جردل البوية البيضاء …
نسيت اقولك ان الجردل الأول خلص .. واشترينا واحدد تانى
كده البويا بقى لونها بيج ..
هاتى عبوة صغيرة او زجاجة فارغه او اى شئ واحتفظى بالقليل من هذا الدهان البيج واتركيهم على جنب وانسيهم
اهوه انا احتفظت بشوية دهان من اللون الابيض وشوية تانيين من اللون البيج
هقولك بعدين هنعمل بيهم ايه
========================
وبدأنا بسم الله ندهن الحائط باللون البيج … كده
لما بتدهنى جزء ويجف شوية بتحسى ان لونه اتغير عن الجزء الذى لا زال تحت العمل …
لا تقلقى
بمجرد ان يجف الحائط تماماً .. سيصبح كله درجة واحدة
وآآآآآآآآآآدى الحيطة خلصناها … وجفت .. وبقت زى الفلللل
بصى كده فوقيكى على الحيطة اللى قدامك ^___^
هتلاقى حد مستقيم فى اعلى الغرفه غالباً هيكون لونه ابيض .. وهيكون متساوى و مستقيم ..
كنت بقعد اسأل نفسى .. هو ازاى بيقدر يساوى الخط كده بدون مايحرف او يحيد عنه وازاى يكون متساوى بهذه الطريقه
واليوم عرفت السر … ^^
وهو " لزق دوكو "
هو اسمه كده .. لزق دوكو "
هو ده
اشترينا منه بكرتين .. الواحده بــ 8 جنية
ممكن تستخدمى السلوتيب العريض عادى .. لكن اللزق الدوكو افضل
وقبل مانبدأ فى دهان الحائط .. تركنا مسافه 3 او 4 سم .. من أعلى الحائط … ولصقنا شريط لزق دوكو بالعرض
كده
بس الجزء ده صغير جدا .. ومش هنعرف ندهنه ابيض بواسطة الرولا …
فعلا
اشترينا " فرشة دهان مقاس 3 بوصه "
اهيه
دى بنستخدمها فى اعلى الحائط وأسفله أو الزووايا والحدود والجوانب او اى مكان لا نطوله بــ الرولّا
===========
معايا يا حبايب ؟؟؟
احنا كده ممكن نكون خلصنا دهان الغرفه … لو انتى عايزاها كلها لون واحد بدون حركات ^^
بس احنا حبينا ندلعها ونعمل فيها حركة حلوة وسهله وبسيطة
تعالى شوفى عملنا ايه .فى حائط من حوائط الغرفه ….
بواسطة اللصق الدوكو .. قمنا بعمل خطوط طولية على الحائط بهذا الشكل
جانب عماويد ضيقه والاخر واسعه
طبعا كل واحدة وزوقها …
فيه رسومات واشكال جاهزة بتتباع بتكون زى استيكر متفرغ اسمها (ستنسل )وانتى تقومى بلصقها على الحائط وتقومى بدهان الجزء الداخلى المتفرغ .. زى طباعه الملابس بالظبط
المهم …. بعد ما لصقنا اللزق على الحائط ….
وقع الاختيار على اللون الموف ^^ .. البيج مع الموف حلو ..
اشترينا عدد 2 زجاجة لون بنفسجى …
واحضرنا الدهان البيج المتبقي من دهان الحائط يعنى مثلا ربع الجردل وأضفنا عليها الزجاجتين الموف كلهم .. وتقلبى كويس اووى ..
وبدأنا بسم الله ندهن الخطوط الطوليه اللى حددناها باللصق
خلاص دهننا وخلصنا
تعالى بقى نشيل اللزق ونشوف المنظر والشكل كيف صار ؟؟
بنشيل اللزق
وده بعد ما شلنا اللزق
انا صورت الصور دى اول ما خلصنا علطول .. كان فيه اجزاء جفت واجزاء لم تجف ..
عشان كده اللون مش واحد
هتشوفى فى النهاية صورتها لما جفت واصبحت كلها لون ودرجه واحدة
=================
اخخخخخخخخخخخ شوفى ايه اللى حصل ؟
وانا بدهن الخطوط الطوليه الموف ايدى شولت وعينى حولت .. وبهدلت الحائط البيج المجاور ..
عادى جدااااا مش مشكله .. الخطأ واااارد
فاكرة شوية البويا اللى قلت لك اركنيهم على جنب وانسيهم …
افتكريهم دلوقتى وادهنى الحته الصغيرة دى تانى باللون البيج اللى احتفظنا بيه ..
وكأن شيئاً لم يكن
============
آخر حاجة
اشترتيت " ستينسل " على شكل وردة
وزيننا بيها الحيطة البيج
اول شئ تثبتى الستنسل على الحائط باللزق ,, كده
ثم تبدأى بالدهان بالفرشه الصغيرة مش الرولا
ودى بعد ما تمت
=============
نفترض ان انتى اشتغلتى النهاردة ولم تنتهى من الدهان واردتى ان تكملى عملك فى الغد .. ولا زال الجردل به " دهان أو بوية "
لا مشكله .. فقط قومى باضافه ماء على البوية .. واتركيها حتى اليوم التالى ,,
ستقوم هذه المياه بحفظ البوية من الجفاف
واحضرى جردل اخر به ماء وضعى فيه الرولا والفرشة ….. لتنظيفهم والمحافظة عليهم
============
اممممم كده خلاص احنا خلصنا دهان الغرفه
ودى صور نهائية للغرفه
لما جفّت نهئيا …
اللو ن الموف اصبح رائع جدا وهادى ومتناسب جدا مع اللون البيج
==========
شوفتو الموضوع سهل ازاى وممتع ولذيذ
لازم تجربوها ,,, هتتبسطوا اووووى زى ما انا انبسطت
اتمنى انى اكون موضوعى افادكم ولو بالقليل
اترككم بحفظ الله على أمل اللقاء بكم فى تجربة جديدة ^^
كونوا بخير
أحــــــــبــــــــــــــكــــــــــم
الله يعطيك العافيه
اللون الموف طلع روووعه
تسلم الأيادي
من وراااانا .. روووعه ماشاء الله ونظيف وعقباااااالي اصبغ غرفه بس اخاف ماتطلع حلوة 
..
تسلمي ..
غرفة طلعت رااااااااااااااااااائعة
الله يعطيك ألف عافية
ما شاء الله
الله يعطيج العافية
شغلج حلو ومرتب تستاهلين التقييم
 |
اقتباس |  |
 |
المشاركة الأساسية كتبها وصال الطائف  |
 |
 |
| ماشاء الله روعه شغلكم الله يعطيك العافيه اللون الموف طلع روووعه |
||
 |
 |
وصال الطائف
على مرورك الجميل
F:
دمتى بود
سمسمه
|
اقتباس | |
|
المشاركة الأساسية كتبها om sajjad |
|
|
| ماشاء الله شغل حلو ومظبوط تسلم الأيادي |
||
|
|
على مرورك الجميل
F:
دمتى بود
سمسمه
|
اقتباس | |
|
المشاركة الأساسية كتبها الحاضره .. الغائبه |
|
|
| خطيييييييييييره طلعتي ياسمسمه ..
من وراااانا .. روووعه ماشاء الله ونظيف وعقباااااالي اصبغ غرفه بس اخاف ماتطلع حلوة تسلمي .. |
||
|
|
على مرورك الجميل
انتى الاروع ياقمر
F:
تشجعى وما تخافى … والله مرره سهله وبسيطة
لا تخافى
F:
دمتى بود
سمسمه