شخباركم حبيايبي؟؟
الي يذكروني في القسم يعرفون شكثر انا اهتم في بشرتي 
بس الحين عندي مشكلة ابيكم انتوا تحلونها لي لاني والله تعبت
المشكلة: انا ماكان يطلع في ويهي حبوب ابد واذا طلع مستحيل اتبقع
الحين يطلعون لي حبة او حبتين بس يبقعوون بشكل مو طبيعي
تخيلوا بنات انا طول حياتي بشرتي صافية مايصير الحين تخترب انا بسافر بالصيف
وبشوف الغالين ومايصير اروحلهم جذيه …المهم هاي مو هي مشكلتي بالضبط "بجننكم بس استحملوني"
انا اعرف شلون اشيل البقع واعرف شلون اودي الحبوب المزعجين بس اللي موعارفته هو شلون ماخليهم يطلعوون
وهم مايطلعون الا لما اقوم من النوم
بس انا يوم انام اغسل ويهي بصابون الشبة الخاصة للبشرة …وخصوصا لو حاطة مكياج لازم انظف بشرتي عدل
وامرر ثلجة عشان اصك المسااامات
يعني وين المشكلة؟؟؟ بعد تفكير قلت يمكن من التفكير !!!!! بس انا وايد تصيدني حالات اتضايق وافكر بس مايير جذيه
شرايكم؟؟؟؟
أبي حل وانا مو توني مراهقة!!!! انا متاكدة ان في مشكلة غايبة عني بس شنو هي عشان اعرف احلهاااا
يالله يالخبيرات ساعدوا اختكم !!!!!
والله ينول الي بتساعدني الي بقلبها ويزوجها ولد الحلال الي يسعدها ويحطها بعينه والي متزوجة ان شاااء الله تجيب الذرية الصالحة والله يخلي لها زوجهاااااا ياااااااااااااارب
(f) #رومانسية#
غاليتى #رومانسية#
هلا والله بالزين كله
يا عمرى اولا لازم يكون عندج مضاد موضعى مثل Dalacin T
واخذى اللى فيه اسفنجه ولما تطلع لج اى حبه حتى لو بسيطه اقضى عليها بالدالاسين
والنتيجه حلوة والحبه مستحيل تترك اثر مع الدالاسين
وعموما الهرمونات مالها دخل بطبيعة البشرة
كل سن وله تغيراته وكل وقت له تاثيره على هرمونات المرأة او البنت
وحتى لو الشخص واجه مشكله او فكر فى اى شىء كان صدقينى هذا يترك أثره على بشرتنا
لان الانسان ينام اما هرموناته تظل صاحيه 24 ساعه فى ال 24 ساعه!!
وكل حبه فى وقت غير مناسب ماهى الا تنبيه هرمونى لوجود مشكله عضويه كتغييرات فى الجسم
او مشكله نفسيه او ما يشغل بالك ويترك آثاره على بشرتج
واحيان كثيرة الحبوب تطلع نتيجه لشده الجفاف فى البشرة
بالضبط كما يحدث اذا زادت الافرازات الدهنيه فى البشرة
وجربى تغيرين منتجات عنايتج بالبشرة الى مواد خاليه من الصابون
وغسولات لتعادل ال PH لبشرتج
واستخدام الحليب يا عمرى كمنظف للبشرة يوميا له مفعول السحر فى الحفاظ على بشرة صحيه بلا حبوب
اقصد الحليب الطازج طبعا..
وبخصوص صابونة الشبه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
علامة استفهام عليها..
صدقينى ساعات اجابات اسئلتنا للعنايه موجودة فى حماماتنا او من ضمن منتجاتنا اللى نستخدمها
وربى يحفظلج صحتج وبشرتج
وتسافرين بوجه قمر منور ياخذ عين الغاليين
وتحياتى
أختج
بنت عذارى