في هالموضوع أباكم تفضفضون
هل هالشي يسببلكم ضيج ؟؟
وكيف اتقضون أموركم ؟؟
واللي عندها عيال ؟؟ كيف ادبر أمورها ؟؟
وين تسكنون ؟؟ بيت عمكم ؟؟ والا اتردون بيتكم ؟؟
واللي تسكن بروحها ؟؟ كيف امشيه أمورها ؟؟
طبعا نحن ندري ان بعض الرياييل طبيعة عملهم تطلب ان ما يردون الا في الويك اند ؟؟
انا أحس صعبه .. انتو شو رايكم ؟؟
انا مش متزوجه بس اعتقد ان وجود الزوج والاب ضروري جدا مش مجرد ممول فلوس وبس
وربنا يعين كل زوجه عايشه لوحدها لاي ظرف
انا خالتي كذا زوجها يشتغل بمدينــه وهي بمدينة ثانيه
لها 8سنوات
بأيام الأسبوع بيت اهلها وتروح الظهر بيت اهل زوجها وتطبخ وترجع بيت اهلها بالليل
بس تقول مو مرتاحه مافيه استقرار نفسي ماتجلس معاه كثــير
حتى بناتها ماتشبعوون من ابوهم
وكل ماقررت تنقل لمنطقة عملــه الظروف ماتكون معاها
والله يجمع بينهم وبين كل وحده زوجها مو معاها
صح صعبه وايد … وساعات الظروف اقوى
و متبهدلة هي و عيالها يا شاقلتهم لبيت عمتها .يا جايبتهم البيت ..واللي بالمدرسة واللي بزر ..و خدامات وشنط وحالة
تقولي ما احس بالاستقرار , و كأني انا الام والابوا في نفس الوقت , تعبت من المسؤولية الي على ظهري..تقول ما احس فيه ولايحس فيني ولا ندري عن بعض واذا جاء منالشغل يبي يرتاح وانا ابغي يشيل عني ..
و مسكينه لا تقدر تزورنا ولا نزورها لين عندها زوجها ..تبي تشبع منه , و يوفي لهم كل طلباتهم ..شوقق تمشاية جمعية ,,الخ
و الله يعين اللي مثلها
الرجال وجوده مهم بحياة زوجته وعياله
يجلس معاهم ويتكلم ويمزح ويعوضهم
عن الساعات اللي يغيبها عنهم
لكن الظروف من جد صعبه
انا ماباقي الا فتره بسيطه على الزواج يعني تقريبا اسبوعين وجاء خبر تعيين زوجي في الجنوب
يعني بعد الزواج بيباشر عمله بعد اسبوع او اسبوعين من الزواج وبعداها بيروح يداوم ويضبط وضعه هناك لان صعبه اروح معه خاصه في الشهور الاولى يعني لازم يجهز شقه هناك
يعني بجلس لحالي وبضطر اروح لبيت اهلي وبيت اهلي مافيه احد غير اخوووي وزوجته في شقتهم فوق وانا تحت لاني اخر العنقود والوالد والوالده متوفين الله يرحمهم ويغفر لهم يعني صعب اجلس لحالي وارجع لوحدتي من بعد اسبوع او اسبوعين من زواجي
وصعب اجلس في الشقه لحالي
الله يكون باالعووون
اهي اهي