السلاااااااااام عليكم ورحمة الله وبركاته,,
بما انا مقبلين على موسم افراح ومناسبات وش رايكم نتكلم ونتناقش بموضوع الزواج والمبالغة والاسراف بالتجهيزات والمهور ……………..الخ
ياااااااااااهو انفقع قلبي لما اقرا كلام بعض البنات الله يهدينا واياااهن وانا ابحث بالنت(وهذا الي خلاني اكتب الموضوع)
وربي اضحك واستغرب بنفس الوقت عن بعض العقول وتفكيرهااااا:confused:
الي تقول شاريه فستان (ملكه) ركزوا ملللللللكه مو زواج بـ4000وفوووووووق! لا والطامه الي قريت موضوعها وتقول فستان عند المصمم الفلاني !!!!!!!!! وبكم؟؟؟؟؟؟؟؟؟
بـ15الف تخيلواااااااااااا!!:-o
اسالكم بالله 15الف كم ممكن تاكل اسره جائعه؟؟؟؟؟؟؟
وكم ممكن تفيد يتيم ومسكين وفقير؟؟؟؟
نعم افرح بنفسي لكن مو لهالدرجه !
مو لانه عند المصمم الفلاني!يكون بهالسعر؟؟؟؟؟؟
لا وياليته حلو وربي مشخلع ومايسوى حتى 3000ريال,الشغله كلها مظاهر حتى تقول شاريته بالسعر الفلاني ومن المصمم الي مادري وش اسمه ولا حتى اصله!!
وكل الي صار معاهم هالشي نادمين ورامينه بالدولاب وكارهينه بعد!!!
وبيتصرفون فيه باي طريقه!
والان طالعه مواقع بالنت تبيع فساتين رووووعه وماتتعدى3000ريال ومره حلوه وتستاهل,,
والمشكله نشوفها ولا شييييييييي ولو جات على صدقه ولا مساهمه بمشروع خيري ولا غيره نشوفها كثييييييييره!!!
والله الالف ريال نعجز ونتكاسل نطلعها بالسنه!صدقه لكن مانشوفها شي على فستان ولا تفاهااااااات راح تخلي الحساب عسير وطويل يوم القيامه!!
اسالكم بالله وانتم تعرفون انه لاتزول قدما عبد يوم القيامه حتى يسال عن اربع ومنها عن ماله من اين اكتسبه وفيما انفقه!!
وش راح تجاوبين يالي تدفعي الآلاف وترميها رمي على فستان ولا تفاهات اعراس كوش وتوزيعات ومسكات…الخ ماتودي ولا تجيب ماغير معاير بين (صغيرات العقول)بلاش نقول النساء بشكل عام لان كثير من البنات ولله الحمد تكون ليلتها فيما يرضي الله ورسوله صلى الله عليه وسلم وتفرح بنفسها وبالمعقووول,,
وش لك وفلانه وفلتااانه ارضي ربك عشان الناس ترضى عنك ووالله ياما وياما سمعت عن ناس حطوا وجابوا وتكلفوا وبالنهايه وربي ماحد مدح بعرسهم بالعكسسس الكل قال مفاخر وشين!!!!!!!
ونتيجه طبيعيه لان من اسخط الله في رضا الناس سخط الله عليه واسخط عليه الناس والعكس صحيح,
وايش نستفيد من كوشه مزركشه وفخمه ولا مسكه كبيرررررررره ولا ….بتوفقني بحياتي؟ ولا بتزيدني جمال؟؟
ولا وش الفايده بالضبط؟؟
غير الفشخره والكلام الفاضي,
والله حطيت يدي على راسي من الصدمه الي تقول كلفتها زينة القاعه من تلبيسات وورود ومسكه وكوشه 23الف!!!!!!!!^o)
لا وكل شي كوم والتصوير كوم ثاني يعني ادفع 3000ريال على كم صوره يقولون انها بالبوم!!والله واعلم وش يصير بالاستديو وهل الي فيه يخافون الله؟؟؟؟؟
جيبي لك(ان كان ولابد)كاميرا فوريه وتصوري على كيفك بمكان حلو بالبيت ولا بالقاعه وخلاص! دخليها بالكمبيوتر وسويها مثل ماتبين وبلاش هالكلفه عشان صور واصلا تعتبر من الشبهات لان العلماء اختلفوا فيها!
ولا الطقاقات الي تجيك بحول 15الف وفوق وهي تطق طيران وتغني مثلها مثل غيرها!!
بس الفرق انها المطربه الفلانيه ولا معها رجال وفرقه!!(وهاذي النقطه للتنبيه لاتجوز وابحثوا بالنت وتاكدوا)
لا والمشكله احيان كثيره تكون من اهل العريس في المبالغه والتجهيز لان ام فلان سوت وفعلت بزواج والدها وام فلتان ماخلت شي الا وسوته بعرسهم؟؟؟؟؟؟؟؟؟؟؟والخساير والمشاكل على ظهر ولدها وابوه كمان!!
اسالكم بالله
ليش زادت نسبة العنوسه؟؟؟؟؟؟
ليش صاروا الشباب يعزفون عن الزواج؟؟؟
ليش صرنا نقول بناتنا ماعرسن وبناتنا ماحد جاهن؟؟؟؟؟؟
الملكه بقاعه والزواج بقاعه!!!!!!
طيب اجمعوها بليله وحده وليش هالتكاليف؟؟؟؟؟وربي تفاهات واشياء غريبه ماتستوعبها العقول!
وعلى هالمسكين الي يدفع ووراه مهر واثاث شقه وهدايا شبكه وووو!!!!!لا وشهر عسل في المكان الفلاني وووو….الخ ونهايتهها ديون ومشاكل على حساب ليله وحده فقط!!
فلا عجب انا صرنا نشوف وبشكل كبير جدا عوانس وشباب تعدوا 30وماتزوجوا!
ولا تزوج من برا بـ10الاف وريح نفسه
بالعكس كل ماكان الزواج حلو ومتواضع وبتكاليف مقدور عليها ومعقوله كل ماكان ابعد لعيون الناس الي ماترحم!
كم سمعنا عن ناس تطلقوا بسبب عين!
ولا ما انجبت من فتره طويله والسبب عين!
ولا زادت المشاكل والفرقه بين الناس والسبب عين!
هذا الواقع وللاسف,والله اكتب من قهر ومن الواقع المؤلم الي نعيشه ومن الهوايل الي اقراها واستغرب بصراحه الالاف تنرمي باشياء تافهه ومالها داعي ولو استبدلنها باشياء افضل لكسبنا الاجر والتوفيق من الله وبعضهم تقول هي ليله وبافرح واتميز بكل شي!!
انا ما اقول لاتفرحي بنفسك لاوالله بالعكس افرحي وتميزي بس بحدود المعقول وبدون تبذير او اسراف,ووالله راح تكون فرحه اكبر كل ماكانت بحدود المعقول وبدون تبذير ,,,
وهذا الكلام طلعته من قلبي من حرصي وخوفي على خواتي من العصيان لله تعالى بالتبذير والاسراف فيما لايرضيه سبحااانه ولا احد يامن على نفسه الفتنه لكن ما اقول الا الحمدلله الذي عافانا مما ابتلى به كثير من خلقه وفضلنا على كثير ممن خلق تفضيلا,,
شاركوني بالراي وخلونا نتناقش بالموضوع لعل الله ينفع به الكثير ويبتعدوا عن الاسراف باعراسهم وتذكروا اعظم الزواج بركه ايسره مؤونه واعتذر لو قلت كلام قاسي بس غصب عني
نسال الله ان يوفقنا لما يحب ويرضى…:L:
(ومو لازم يعجب هالكلام الكل لكن حبيت ابري ذمتي وانكر هالمنكر والمرض المزمن المتفشي في مجتمعنا واللهم هل بلغت اللهم فاشهد)
والي تمر عالموضوع ترفعه ولو بدعوه عشان الكل يستفيد باذن الله
بانتظار الاراءF:
و كلامج عين العقل
ربي يحفظج..
بصراحه معك حق لما قلتي انه البنات يتفاخروا بالمصممين إللي و لا أحد سمع عنهم
و كمان معك حق بأنه أصلا من زين هالفساتين
أنا عن نفسي شفت أحلا بكتيييييير و رخيصه كمان
الله يهدينا و يهديهم
شكرا على الموضوع الرائع و المفيد
ولاوش بستفيد اذا سويت فستاني عند مصمم كلها ليله وحده وخيرته بدولاب صحيح الكل يحب يطلع مميز بس التميز بشغلات كثيره مو شرط اني لابسه احسن لبس او شاريه اغلى ذهب او حاطه افخم مكياج او جايبه اغلى مصوره
وحتى لو سويتي كذا لأرضاء الناس ((ارضاء الناس غايه لاتدرك )) بالاخير اكيد بيعايبون
الجمال جمال الجوهر مو المظهر
اتمنى الكل يستفيد من كلامك وياخذه على محمل الجد ومو مهم الشكليات والمظاهر
عشاء خفيف لاني عارفه الخساير
واشوف انه شيء تافه ادفع فلوسي عليه
اهم شيء انا وهو مستانسين والناس مايهمون