زواج البنات 2024.

اخواتي ادري الزواج قسمة ونصيب بس عندي اختين اصغر عني وحدة 25 سنة ووحدة 27 سنة واخاف يطوفهم القطار لان هم من البيت للدوام ومن الدوام للبيت خاصة دوام الشفتات في المستشفى ما يعطي فرصة للخروج صح تقدم لهم شباب بس مو كل شاب بيتقدم الواحد يوافق عليه والحين البعض يبا وحدة اصغر بوايد واصلا بعايلتنا ماشي شباب بنفس العمر يا متزوجين يا صغار واصلا ما عندنا عم عشان نقول عيال عم وعيال الخالة ماشي لانهم اكبر ومتزوجين يعني العايلة ما فيها شباب الاكثر بنات نسلنا بنات هههههههههههههههههههههههههههه

حتى عندي عيال عمتي وعمتي الثانية بعد بنات وبنفس العمر والله كل روحاتي للحج كنت ادعي لهم وبصلاتي لكن شو نسوي النصيب لكن والله خاطري يتزوجوا حتى اختي الي اصغر عنهم عمرها عمرها 23 تزوجت وهالشي الي معور قلبي هم ما يبينوا هالشي بس اكيد بداخلهم لازم خاطرهم بتكوين اسرة بس شو الحل دعيت ماشاءالله عليهم علم وادب وجمال وأصل لكن النصيب مرات استغرب من حريم مطلقات يتزوجون والبنات لا وحتى بنات يعني مو لذلك الزود بالاخلاق والله يرزقهم وهم لا لكن كل شي قسمة ونصيب واحنا ما عندنا خطابات عشان هالشي فأرجوا منكم الدعاء لكل بنات المسلمين

رائعتي قلووووووب

ادعوا الله ان ييسر أمرهن … ويرسل لهن الزوج الصالح … وسيعد عنهم كل شر يا رب

رائعتي … خليهم يطلعوا معاكم … ويحضروا جلسات ولمات … ترى احيانا والكثير من
الحريم … يخطبوا لعيالم من هذي الجلسات … لازم البنت تتنفس شو … وتندمج مع المجتمع

الله يبارك لهم … ويستر عليهم ويحفظهم … ودعوا لهم في هذي الايام المباركة … ان ربي يوفقهم

العتب

هم يطلعوا ما انهم ما يطلعوا بس نادر لان دوام الشفتات تعرفي صعب ليل او نهار ما تصدق تحصل الوحدة منهم يوم راحة ترتاح فيه بالبيت ولا تقضي بعض احتاجاتها

ذكرتيني بوحده تعز علي واتمنى تتزوج اليوم قبل باكر .. الله يوفق خواتج يارب ويرزقهم وكل تأخيره فيها خير يمكن مو اي حد يستاهلهم

استغفر الله العظيم
لا تقولين جذي اختي الزواج قسمة ونصيب ولازم نرضى بالنصيب
كتار اكبر منهم تزوجو وجابو عيال
لا طافهم القطار ولا شي، وتوهم في شبابهم
واعرف شباب كثار ما تزوجو الا بعد الثلاثين او ما تزوجو للحين
يعني بيجي اليوم وبيتيسر حالهم ان شاء الله
والله كريم

لازم يطلعو ويشوفو العالم الخارجي مو محيط الدوام وبس

ولازم العالم تشوفهم

اي مناسبه تصير لازم تاخيهم معاكي من سهرات او عزايم

صدقيني الناس تدور بنات لكن بعضهم ما ينشافو عشان كذا محد يعرف

وغير هذا الدعاء مهم ادعيلهم دايما ربي يرزقهم بالازواج الصالحين والذريه الصالحه

لن تموت نفس حتى تستوفي رزقها وإن أبطأ

احس هالشي طبيعي جدا كل وحدة تتمنى خواتها يتزوجوا ويستقروا في بيوتهم

ويجيبوا اطفال انا بعد ادعي لخواتي يتزوجوا وحدة اكبر مني ووحدة اصغر مني

بس هذا نصيب ويمكن التاخير فيه خير لهم

بس مشكلتنا احنا ما نحب نروح الاعراس وجلسات الحريم وننشاف صدف هههه

كنت والاهل زايرين عيال اختي اهل زوجها عندهم مناسبة شافتني عمتي ام

زوجي وهي جارتهم وخطبتني يعني هي ارزاق من رب العالمين والله ييسر

على خواتش وخواتي ويزوجهم وكل العايزين

الله يرزقهم ويرزقنا وبنات المسلمين بالازواج الصالحين ..