زوجي مسوي نظام رجيم وماشاء الله نازل وزنه وصاير انحف مني
وانا اللي ذابحه نفسي بالرجيمات مو فايدني شي !!!!
المهم .. اهو نزل وزنه الى الحد اللي يبيه .. واللحين طالب مني انظم وجباته
الفطور والغدا والعشاء وانا ابصراحه شايفه هالمهمه صعبه ولو مانفذتها راح يزعل مني
يبيني احضر له وجبات مغذيه لكن بدون مايتاثر فيها وزنه … وانا محتااااااره وماني عارفه شسوي
قولولي اخواتي شنو ممكن اسويله ؟؟؟؟
ولكم كل الحب والتقدير
– حبة تفاحة مع كاس حليب خالي الدسم أو علبة زبادي.
– كورن فليكس النخالة مع موزة مقطعة ولا فراولة ولا أي فاكهة حلوة يحبها وحليب خالي أو قليل الدسم.
– شابورة مع جبنة بيضا قليلة الدسم وشاي.
– بيض مقلي بملعقة واحدة زيت مع نص رغيف أسمر وشاي.
الفطور عادي يعني سوي اللي يحبه بس شيلي منه الدسم الزايد وخففي الكمية وخلاص..
والغدا نفس الشي لا تكثري الدهن في الرز والأكل عامة وكثري له من السلطة وحددي له كمية معينة ياكلها ما يزيد عليها.
والعشا يفضل يكون سلطة خيار بلبن ولا حبتين شابورة مع كاس شاي ولا أي شي خفيييييييييييييييف..
وانشالله أكون أفدتك لو بالقليل..
في كتاب رائع اسمه التغذية مع كارلا
الكتاب لبناني ممتاز وسهل التطبيق فيه انواع التغذية لكل الأعمار
والحالات موجود بكل المكتبات الكبيرة في جميع الدول العربية وهو أفضل من الأنظمة الغذائية
العشوائية
تحياتي لك