السلام عليكم ورحمه الله وبركاته
هذي اول مره اكتب موضوع ف هالقسم >>>حلفي انتي بس خخخ 
وان شاءالله ما يكون الاخير 
كانت زيارتي لفندق ارماني بتاريخ 7 8 2024
وطبعا كانت مفاجأه من بو الشباب …خلووووووني اعيشكم الجوو وياااي
اليوم الي قبله اتصلي فليل :call:وقالي "جهزي نفسج باجر من الصبح بنطلع وحطي ف بالج
بنبااات عملي احسابج">>>فديت الجدي انا 😎
وبدات حملة ترتيب الشنطه المزعوومه
وكانت عباره عن لبستين طلعه وقميصين نووم:oلاننا
مارح نبات ف الفندق غير ليله >>>يلا شي احسن عن لاشي:p
نبذه عن الفندق>>>>عدااال يا ام العرييف:study:
طبعااا فندق ارماني يقع في قلب دبي النابض الي هوه برج خليفه
وهذي صوره برج خليفه من الخاارج وهو اطول برج في العالم
>>>الصوره منقوله
ممم ننتقل لزيارتي
فندق ارماني شوووي عليه اذا بقووول رووووووووووووعه لاني ماحسيت نفسي ف بلد عربي
بالعكس حسيتني ف اوروبا من كثر ما هوو متطوور ان كان ف الترتيب او حتى الادوات الالكترونيه
سكنا الشقه رقم 604
وهذا الفيو من الغرفة
النافوره الي تحت يسمونها النافوره الراقصه كل نص ساعه يشغلونها ومرات ع موسيقى بس
ومرااات الجسمي وربعه >>>>صج بانوراما روووووعه خاصه بليل
وهذي صووره للنافوره وهي مسكره
والمبنى الي مقابلنا هذا يسمونه سوق البحر والي ع اليسار دبي مول
وهذي صووره دبي موول من فووق وانعكاس برج خليفه باين >>>ياخطييير انته:rolleyes:
خلونااا ندش ف الغرفه عشاان اراويكم اياها يلاا هجووووووم
هذي الغرفه ماعليه شووية كركبه:052: ..بس لان من اوول ما وصلنا قلت نصوور يووم كل شي مسنع :rolleyes:
عااااااااااااااد هني يبدا السحرر
قولووو وياااي هابركا دابراااااااااااااا >>>>والا احسن افتح يا سمسم:biggrin:
فتحنا اول باب 
وطلعلنا التيفي
الي عجبني ف التيفي انه مو بس تيفي لا بعد كمبيوتر وتقدرون تدخلون فيه النت
والكيبورد محطايه تحت وفيها وايرلس يعني اروم استعملها وانا منسدحه ع السرير
ثاني باب فتحنا كان بار صغير وفيه كوفي مشين
يمي سووويت كووفي حقي وحق بعلي العزيز:C:
وهذي طاووله عشان اذا ياااج الالهااام تكتبين :study:
يتبع…
نكمل نروووح لدار الراحه الله يعزكم
مثل ما ملاحظين الحمام عباره نص دايره بارزه لبرا
خلونا ندخل ونشووووووف;)
هذا البانيووو روووعه بس صغنووني يعني اذا بتنسدحين ريوولج بتم برع
وهذا شور وقافي
وهذي المغسله >>>>عرفتوو منوو الي يصوور فديته هااي ايد بوالشباب:o
وهذي فيووو من ع بعد
الصراحه صج صج استااانست ف الرووحه واحلى شي انها لا كانت لا ع البال ولا ع الخاطر
وفي الاخير اذا عجبكم موضوعي لا تنسوون تقيمووني 
وتدعولي
ان ربي يعووضني ويرزقني حمل ثابت معافى عاجلا غير اجل
ودي ازور الامارات ان شاء اله يحقق لي هالامنية
وانت الله يحقق لك كل اللي تتمنيه
مشكورة يالغلا وتم التقييم
ويسعدج دووم .
ويرزقج الذريه الصااالحه ياااااارب..
تتهني
اللة ايخليكم حق بعض ويعوضج رب العالمين عن جنينج الي فقتيع حبيبتي مشكورررة علا الصور اكثر من روووووعة وتم التقيم حبوبة
الله يعوضك ويرزقك الذرية الصالحة عاجلا غير اجل
شنوووو هذاا روعه من جد بصرآحه مفآجأه ولا احلـــــــــــى
الله يهنيييييكم يااااااااارب وفدييييت العسل انا
.. وصج تقريييير حلوووو
ربي يعوضج قريييب ياام منصوووور ونفرح فيج وبضنااج
رووعه المفاجأه
وربي يهنيك ويسعدك ..
وتحملين ياااااااااااااااااااارب ..