ابا استفسر عن زيت الخروع .. الصراحة انا شريته وابا اسويه لولدي عمره 6 شهور بس الصراحة وايد ثجيل ولزج يعني ما يندهن …
كيف اسويه في شعره؟؟ شعر ولدي وايد خفيف وهالشي وراثة للأسف . 
انتوا كيف تستعملون الخروع ؟؟ طيف تدهنونه وايد غليظ .. واللا اخطله مع زيت زيتون شوي او ماي ؟؟
تراني ما اعرف ياريت اتدلوني …
يزاكم الله خير
انصحك بزيت الزيتوووووووون
اختي سويت بيبي قصدج زيت زيتون مع خروع ؟؟
واللا زيت زيتون بروحه؟
أهلين حبيبتي وربي يحفظلج ولدج..
الغاليه هو بعدنه صغير وما انصحج بخلطات الزيوت هذي..كل زيت اثقل عن الثاني..
اول شي زيت الخروع ممتاز.. يمكن النوعيه الي عندج رديئه او مستخلص 100% بالخروع..
روحي لاي عطار واطلبي زيت الخروع الخفيف وان شاء الله بيعطيج.. وعلى طول البيت وسمي بالرحمن وجربيه على الياهل..
نسبه بسيطه منه ومساج على خفيف جدا واتركيه..
تراه احسن زيت يستخدم للاطفال وعن نفسي استخدمه لبنتي ومرتاحه منه والحمدلله..
فعلاً زيت الخروع الي يبته انا من الصيدلية .. وسألته عادي للشعر قالي هيه هذا حق كل شي طبيعي وممتاز ..
خلاص ان شالله بسير للعطار الوحيد الي عندنا في بوظبي وباخذ عنه زيت الخروع