أبي شفايفي تلفت النضر مثلها وين احصله ؟
والسؤال الثاني هو .. شنو أحسن صالون يطلع عرايس ..بالكويت ؟؟؟
أنا حايره بين 4 …
1 = راديسون ساس
2 = شارمل
3= إنتر كنتونينتل
4 = صالون نورا السيد .. <<< إخت إيمان السيد اللي تطلع بقناة قطر ..؟
وين تنصحوني ؟؟
ومنو اللي يمكيجوني فيهم سمولي بالإسم .. وقولولي فلانه وعلانه ..
وشكرا. .
بنسبه للحمره الحمره
انا الي عندي سارلوران
بس قديمه قديمه ماخذتها من خالتي واهيا شاريتها يمكن من 10 سنين
بس تصدقين ماختربت وحتى الطعم للحين ماتغير
احطها واحط فوقها غلوس شفاف تطلع فاقعه وتلمع
اما بصالونات مااقدر افيدج بهشي لأنه مالي خبره بصالونات
تحياتي
بنت الكويت
انا تو شايفه لون احمر فاااااقع عند بورجوا بسنتر بوينت ( لاند مارك) ويبيله وحده جريئه .. انا ما تجرأت اشتريها ..بس رهييييب واخذت الوان ثانيه من الفوشي والبيج والمشمشي خوش ماركه و ثااابتين حتى لو اكلتي و مسحتيهم يبقى اللون .. وقلوساتهم هم حلوه
وصالون العرايس انا سويت عند الهام بالانتر وكنت خااايفه وقبل العرس كل اربعا اروحلها اشوف مكياجها واسأل العرايس من كثر ما احاتي …. بس لاحظت شغله اذا قلتي ابي لونين او 3 الوان بالشدو يطلع موشي و حتى اهي ما تحب تدمج الوان تقول احب لون واحد ويطلع راااقي .. وانا اخترت سموكي زيتي لون واحد بتدرجاته بس طلعت احلى مكياج و في بنات مسوين عندها وحاطين الوان بس تقول هذا طلبهم يعني لا تخترعين
بس نفسيتها حلووووه وعسللل
واذا تبين غيرها روحي عند حنان دشتي عند شهلا او امل وبسسسس لان مكياجهم ناعم وراقي و دقي عليهم وسألي اذا في عرايس وروحي تفرجي …بس روووعه المكياج احلى من الصور وانعممممممم والله واذا ماني غلطانه ب300 دينار للعرايس
والمكياج صدقيني عالطلب وعالملامح … في بنات يحبون الالوان والزري يعني لا تحكمين عالصالون من بعض الزباين
قرقت واجد خخخخخخخخخخخ ما اصدق اسولف
جويل
ويسلموا. . .
حبيبتي .. رايعة السان لوران ..؟ 10 سنين ؟؟ الله يعين الحمره عليج بس. .
<<< مو كفو ؟أحدد يقولها شيء تموت بالطنازه. .
ههههههههههه
يالله جو جو. .
سا لوران والصالونات صالون بيور عند هبه العنوان ميدان حولي مقابل مسرح النقابه
العماره فيها محل كاكاو اسمه صبا هذا خذيته من المنتدى كل من يمدحها
وعندج ايمان السيد شفت لها صور وااااااااايد حلوه واذا لقيتي رقمها عطيني اياه
اسيا الياسين …………………
عبير الياسين ………………
تهامه العبيد ……………………..
يمنع وضع الأرقام على العام
هذيل كويتيات انشا الله يعجبونج
هلا حبيبتي … الحمره الحمرا !! مادري يمكن غيري يفيدونج اكثر …
لـكن بالنسبه للصالونات حنــان دشتي روووعه … اهتمـــام … وبالهم طويــل
العروس اول ماتوصل يسوونلها مساج ريلاكس … وتحس صج انها عروس ما يخلونها حتى تعصب ..
وبالنسبه لشغلهم معروووف وبالذات اللي اسمها (حياة) … كريمهم روووعه طبيعي مايطبع عالبدلة ويلعوزها … اما التسريحات انا عندي انهم احسن مكان بالكويت يسوي تسريحات …
بعد كونتننتال حـــلو شغلهم … لكن احس العروس تطلع روحها ..
واهي اللي تجاملهم عشان مايعصبون … مو اهم اللي يجاملونها …
اممممممممم شيراتون يمدحونه بس صراحه ماجربته لكن اللي عجبني انهم مايستقبلون اكثر من عروستين في اليوم …
احسن شي تروحين انتي تشوفين المكياج والتسريحات على مزاجج … شوراج روحي ايام الخميس لما يكون زحمه 😉
وبالنسبه للصالونات
عندج ليلى العراادي مكيااجهم يهبل
وكل ديور بالجابريه عند وحده اسمها فاطمه رووعه مكياجهاا
ونورا السيد الي ذكرتيهااا قمه مكيااجهااا وحلووووو للعرووووس
انشالله افدتج
ما عندي شئ اقوله عقب اللي قالوه البناااااااات