شنو افضل حليب لحديثي الولاده وش رايكم بالحليب الي يجي جاهز من الصيدليه في رضاعه للاستخدام لمره واحده ؟؟ اعتقد اسمه اس 26 جولد ؟
السلام عليكم ورحمة الله وبركاته..
عزيزتي اعطي ولدي الحين مكمل شهر وكم من يوم.. رضعه طبيعيه ولكن ما يكفيه فاعطيه اس جولد 26.. لاني جربته حق بنتي سعيده وارتاحت له والحمدلله ما يسوي غازات ولا شي.. علشان جيه الحين اعطي لولدي وما شاء الله عليه يصير نشيط هههههههههه علشان سهرة الليل 
بس ما اعطيه الي في الرضاعه لاستخدام واحد لالا اشتري علبه وآخذ منه متى ما ابغيه احسن..
وشكرا..
عزيزتي انا عطيت ولدي بعد حليب اس 26 جولد وشفته مناسب له .
اختي نجووم الليل مو كل حليب يناسب الاطفال ويمكن حليب اس 26 ناسب اطفال العيناويه
وام سعيده بس مو شرط يناسب طفلك ….
لان ولد اخوي اعطته امه حليب اس 26 ولا غير فيه شي ابدا ولا ناسبه نهائياً…
لا تغلطين غلطتي لاني ماعرفت استخدم الحليب الانسب لبنتي واستخدمت مثل ما استخدمو خواتي لعيالهم …حليب نان
وصارت ترجعه احيانا جزء منه واحيانا الرضعه كلها ترجعها ..
ولما وديتها الدكتو اعطاني لها حليب منزوووع الدسم اسمه لاريلاك ضد التقيؤ تركيبة ar بس ما شاءالله عليها بنتي تغيرت عليه كثير وناسبها جدا والحين هي كملت 6 شهوور واستريت لها لاريلاك رقم 2 ….
واتمنى اني افدتك
انا ولدي عمره 3 شهور و نص تقريبا..و ارضعه طبيعي طبعا بالاضافه للحليب الصناعي كوني امرأه عامله…
بديت معاه بالحليب الصناعي و هو عمره 10 ايام…بديت معاه بحليب اسمه كيكوز…و كان وايد زين…بس من اسبوع غيرت له الحليب…لأني غرت من ولد اخوي اللي مولود مع ولدي..بس بينهم فرق يوم واح بس وكانت صحته قبل مب مثل صحة ولدي… كان ضعيف وايد…هو بعد كان ياخذ كيكوز….بس الحين ما شاء الله عليه صار مدبدب لأن غيروله الحليب.. و صار ياخذ الحين حليب اسمه نيرسي. (على فكره…هو ياخذ حليب صناعي فقط..مفطوم)
عاد انا غرت و غيرت حق ولدي بعد الحليب…بس ترى مب شرط ان صحته تصير مثل صحة ولد اخوي…بس قلت اجرب و اشوف..و الحمدلله لين الحين اوكي…بس في الصحه ..بعدني ما شفت فرق…..بعده بكيييييير :shy:
سيميلاك