كيفكن خواتي يا ريت تفيدوني بالنسبة للتشقير
كيف بيتم وايش ايجابيته واسلبياته
وسمعت ما بعرف اذا صح انه بيطول الشعره نفسها الي علي الوجه
وبارك الله فيكم
حبيبتي التشقير يكون باستعمال البودره الخاصه بالتشقير وهي تلقينها في السوبرماركت او الصيدليه وفي منها ماركات مثل wella و jolen
تتبعين التعليمات وتخلطين المكونات وتحطينهم على الشعر اللي تبين تشقرينه
اما بالنسبة للسلبيات والايجابيات، فمن ايجابياته اذا كنتي بتستعملينه للوجه واذا كان وجهك بعد حف الشعر بالخيط أو الشمع يطلع فيه حبوب فالتشقير ممكن يحل هالمشكله هذا اذا ماكانت بشرتك حساسه منه
وبعد ممكن يستعمل لتشقير الحواجب وهذي بعد تعتبر ايجابيه لانها تغنيك عن نتف شعر الحاجب
ومن السلبيات انه ممكن يؤثر على البشره على المدى البعيد لأنها بتمتص المواد اللي فيه فكثرته أكيد بتأثر كأي منتج ثاني كثرته ممكن يكون لها نتايج سلبيه
أما عن انه يطول الشعره أو ان الشعره تطلع امتن من قبل فانا جربته ولا صار لي اي شي من هالاشيا
وان شاء الله البنات يفيدونج اكثر
والسموحه
وجزاك الله خير
انا ما بتنف شي بوجهي بحكم الحرام وهذا الي انا بعرفه
وكنت حابه اشقر منطقه اعلا الحواجب وبشرتي بيضه
مع اني راح اخذ بنصيحة اختي انا الشوق بس هذا الاسلوب الي ما حبيته في المنتدي الاهمال في الردود
بس لو انها وصفه بتلاقي صاؤ اكثر من صفحه ردود
اسفه لاسلوبي الجاف بس هذه الحقيقه
انا عن نفسي استخدمهاااا ماحسيت انه الشعر زاد………..عادي مثل ما هو
بس يوم بتحطين حاسبي لا تزيدين الاوكسجين لانه لو كانت بشرتج حساسه بياثر عليهااا
هاا اللي اعرفه ……………والله اعلم:gum:
اختج سمسم33
وجربته ولاحسيت ان الشعر زاد او صار امتن .. بس مثل ماقالت اختي لاتكثرين الاكسجين
وتسوين مثلي يوم كثرت الاكسجين حرق بشرتي وتحول الحرق الى دم متجمد وصار شكلي يكسر الخاطر
اختي اذا تخافي تستعملي الفتله عشان تشيلي الشعر من الوجه او تخافي تستعملي الحلاوه او الشمع على الظهر واعلىىى الذراعين
مافي قدامك غير التشقير او المشقره
وانا شخصياااا استعمله على الوجه والرقبه والظهر واعلى الذراعين لاني اخاف يطلع لي حبوب من النتف سواء بالحلاوه او الشمع او الفتله
التشقير افضل انواعه ويلا او جولين تلقينهم بالصيدليه
اما المشقره فهي عباره عن حديده شكلها مثل السكين تنتف الشعر بعد ماتحطين على البشره رماد الجمر ممتازه جداااااا بس لازم تروحين لصالون اما التشقير انا اسويه بالبيت
اما بالنسبه انه يطول الشعره صح التشقير يطول الشعر بس مووو مره لا شي بسيط جداااا انا لي اكثر من 4 سنوات استعمله وماشي معاي
دمتي بالف خير