انا عندي سؤال بالنسبه للمراضع البلاستك …
قالولي الزجاج احسن عن البلاستك .. ومثل ما تعرفون ان الزجاج خطر وخاصتا على ياهل مثل عمر ولدي .. لانه روحه يمسك المرضعه ويوم يخلص يفر ها واذا زجاج تنكسر … والشي الثاني ولدي ما يحب حد يمسك عنه المرضعه والزجاج ثقيل عليه ..
المهم من الشهر الخامس انا استخدملة المراضع البلاستك وهم هم المراضع من ذاك اليوم ما غيرتهم .. ومن فترة سمعت في الاذاعه ان المراضع البلاستك لازم تتغيرون من فترة لفترة وانا كنت جاهله هالشي …
عندي لكم سؤالين ..
كل كمن شهر لازم اغيرله المراضع….؟؟
وليش لازم اغيرهم دام اني اعقمهم ..؟؟
اتمنى انكم تفيدوني ……..
المراضع لازم تتغير كل شهرين او 3 بالكثير خصوصاً البلاستك،
لأن التعقيم المتكرر يخليها تتحلل او يفقدها نظافتها،
بالاضافة الى ان البنات هني ومن خلال تجاربهن، يقولون انه تطلع لها ريحة مب حلوة اذا طولت في استخدامها..
ام فاشله 😥
شت شهور ليش؟؟؟؟؟
أنا ولدي مراضع زجاج و كل شهر أروح اشتري له
أمي تقول بنفتح محل في الأخير لبيع المراضع
بس كله الا النونو ….
أوعية الغذاء لازم تكون نظيفة معقمة غير متهالكة ولا متغيرة نتيجة الإستعمال الطويل و التعقيم المتكرر
حطي لج اختي ميزانية
كل شهر اربع مراضع جديدة.. أو على أكثر تقدير كل ثلاث شهور مثل الملابس كل ما كبر شوي كل ما غيرتي ملابسه المراضع بعد
و المصاصات عاد شهرياااااااااااااااااااااااااااااااااااااااااااااا ولا اتنازلعن هذا الامر
هههههههههههههههههههه
ولدي اول ثلاث شهور كنت اشتري له المصاصه اليومية مالت المراضع اللي مرة وحده و ترمينها
أمي قالت انتي مجنونة
قلت لها هو صغير و ما يتحمل شئ( طفلي قاصر)
بعد الثلاث الشهور بدأت المراضع العادية بس كل شهر خمس ست مراضع جديدة
اللي تنكسر و اللي هي احتياط
أحاول ان كل مرضعه ما استخدمها الا مرة واحدة في اليوم
اعقمها بعدها و احطها على طول بالثلاجة ( ثلاجة خاصة للمراضع و اغراض النونو ) و الحمد للهرب العالمين..
ما شكيت من ريحة المرضحة وإلا من المصاصه
والمصاصه ما مصها الا اول 4 شهور ووقت النوم فقط
بالنسبة لتغييرهم، بصراحة لأنهم زجاج ما أغيرهم إلا إذا انكسروا..بس أغير المصاصات كل حوالي 4 شهور…
أحس أن أختي ومض الحياة مبالغة شوي،، عاد من حقها، بس أنا كنت جذي، واااايد موسوسة في أغراض ولدي، بس من كبر لاحظت أن معدته صارت واايد حساسه، أي شي ياكله من بيت حد أو من برع يمرض أو يرجعه أو يسويله إسهال والا إمساك…
أمي قالت لي أنتي السبب، عودتيه على النظافه وايد
فبديت أخف شوي…