عندي سؤال للي جربت خلطه (زيت عافيه) مع الحلبه…
انا شعري خفيف وصاير كل ما تجي عليه يوم يضعف زياده ففكرت استخدم ه الخلطه بعد ما مدحها الكثير منكم بس بصراحه خايفه استخدم زيت عافيه واستبدلته بزيت الخروع..
انا الحين مليت البرطمان بالزيت و اضفت كاس من الحلبه وبتركها 10 ايام مثل ما قالوا الاخوات عشان تتفاعل المواد مع بعضها..
سؤالي هو: لما ابدا استخدم الخلطه هل استعمل بس الزيت اللي موجود ف اعلى البرطمان بروحه على شعري ( لان الحلبه تكون بالقاع بسبب وزنها)؟؟؟ ولا امزجهم و بكذا اكون حطيت الزيت و الحلبه على شعري؟؟؟
ارجو ان يكون سؤالي واضح 🙁
اظن ان الحلبه بعد ماتقعد 10 ايام مع الزيت تكون تنقعت واختلطت فوائدها معاه
انا مثلك شعري يتساقط بكثره بس الحلبه ياترى تروح ريحتها بسهوله
ان شاء الله تستفيدين من الخلطه
بس حبيت أنبه أن المشكلة تكمن من الداخل
يعني يمكن التساقط يرجع لنقص الحديد بجسمج
وتحياتي
شكرا على ردك.. بخصوص الريحه والله انا لحد الحين ما جربت الخلطه بس مثل ما سمعت ان ريحه الحلبه قويه وما تروح بسهوله بس لان شعري تعبان كل شي يهون و بستحمل بس ان شاء الله تفيدني
شكرا ع النصيحه وانا بالفعل عندي نقص ف الدم ( اخر مره قسته كان 10.7) وفكرت ان ممكن تكون المشكله عندي من هذا السبب عشان كذا صار لي شهرين وانا اكل حبوب الحديد.. بس انا شعري بدا يضعف من حوالي 7 سنين.. ولاني كنت صغيره ما كنت افهم اني لازم احافظ عليه حتى ما تسوء حالته.. ما اعرف هل هو حسد او عندي صح مشكله..
شعري كان تضرب بي الامثال من غلظته و طوله بس تعالي شوفيه الحين حتى ان صارتلي فراغات ف راسي.. وظهرت لي القشره و تغير نوع شعري من الجاف الى الدهني!!!! يالله ما اقول غير الحمدالله على كل حال..
أنا جربت الزيت مع الحلبة، فترة يعني،، لاحظت نعمت شعري، بس مااستخدمتها فترة أطول عشان جذي ما لاحظت اذا شعري غلظ ولا لا،،،
بس عموما الخروع وايد زين يغلظ الشعر،،
واذا تحاتين الريحة،، اخذي ريحان واخلطيه في الخلاط مع ماي، وبعدين صفيه،، وعقب ما تغسلين شعرج عن الزيت صبيه على شعرج ،، خليه شوي وعقب اغسليه او خليه عادي،،،
وبعد تقدرين تبخيرن شعرج وهو رطب…
أتمنى اكون افدتج،،، وبشريني بالنتايج…
ريحتها
اسفة ماجربت هالخلطة
مشكوره ع الخلطه والنصيحه.. والله يوفقك دوم يا رب
اختي و manary
مشكوره ع المرور و المشاركه.. اتمنى لك التوفيق
بانت النتيجه من اول مره احس ملمس شعري نعم حتى وانا اغسله ما يتشابك وسهل بالمرة وووولمعه بس كنت احطه بالليل ولما والفه ببلاستيك وانام ولما اصحى اغسله اوكي هذا لمدة اسبوعين بعدين ثلاث مرات بالاسبوع فترة بعدين بعد كم غسله احطها وكل ما خلصت رجعت انقع زيت وحليه ثانيه
حتى وللامانه مرة كان فروة شعري تحكني مو قشره لا ولما سالت الكوافيرة قالت يمكن البصيلات علشان بيطلع الشعر انتي تستعملين شي
وااااخر شي نصيحه لين خلصت العشر الايام صفي الحلبه من الزيت علشان ما تتعفن بالزيت على كلام جدتي
واما على الريحه هذي على حسب الوحده اذادايما تعرق وكذا فيبين فيها انا الحمدالله لما اغسل شعري ما اشم شي حتى زوجي مايقول شي لو متضايق لان الريحه تروح مع الغسيل والشامبووالبلسم
وعذراااااااااااعلى الاطاااااااااله ولكن رجوت الفائده،،