سؤال عن عيادات الجلد والتجميل في الامارات !! 2024.

السلام عليكم ورحمة الله ..

حبيباتي بنات المنتدى ومشرفات المنتدى .. وبنات الامارات بالاخص ..
فديكم كلكم ..

لاتردوني حبيباتي ولا تبخلون علي بالرد

ابغي اسئل عن احسن وشاطر دكاترة جلد عندكم بديرتكم الامارات ..
شوفو اللي ابغي اسئل عنه بالضبط :
1- ليزر الشعر وين ممكن الاقي احسن عيادة واجهزة حديثة وناس عندها ذمه وشاطرين يعني مو يسوون ليزر اي كلام وعقب شهر الا الشعر طالع مره ثانيه … ولا فيه اي تاثير هذا غير الفلوس اللي ياخذونها ..

2- ابغي اسئل عن عيادة جلدية وتجميل ابغي انفخ شفايفي لحد يضحك علي
والله في خاطري وان شاء الله انه مايكون حرام ..
فلذلك حبيباتي اللي تعرف اي دكتورة شاطرة او دكتور في الامارات ينفخ شفايف بالحقن او مادري شيسمونها لا تبخل علي
ضرووووري ابغي انفخهم حق مناسبة وايد وايد مهمة ..

واذا في وحده جربت هالشي تقولوني رايها ونصيحتها ..

3- ابغي اعمل فيشل مع عناية وكريمات وماساكات للوجه وللهالات الي تطلع تحت العين
دلوووووووني عليهم سواء عيادات جلد او صالونات كبيرة او عيادات الماركات ابغي اعرف وين الاقي عيادة الانكوم اللي في الامارات ؟؟؟

حبيباتي والله
اتمنى الاقي رد لاستفساراتي
وانتو اهل الكرم كله

:think: هلا اختي
انا اعرف عيادة اختي اسوي عندهم ليزر بسسسسسسسسسس طبيعي يطلع بعد شهر
اسمها مركز الصحة و الجمال ااذا تبينها بعطيج رقمهم
و ما عرف غيرها و عرايسنا ما بيقصرون ان شاء الله

حبيبتي نوووووووووووال والله يبعد عنج الحزن والدموووع
مشكورة مشكورة مششكوووورة على الرد

حبوبه انا من قطر فياليت تقولين لي وين مكانها بالضبط
عيادة الصحة والجمال لليزر ..
ادري حبوبه ان الشعر يطلع بعد شهر بس لازم على الاقل يخف الشعر .. مو كل مرة نفس الشي .. انا سمعت انه يعتمد على نوع الجهاز وقوته ..

تسلميين لي والله …

واتمنى من باقي العرااااااااااااايس ومن المشرفات ومن كل الحلواااااااااات الرد علي

بليز لاتبخلون علي ..
احبكم كلكم ..

افااااا والله وين الردود
كتبت لج العنوان على الخاص
دامه محد رد مالة داعي احطة على العام
اوكيك حبوبة
و سوري على التاخير

أختي بعد ممكن تحصلين بالنسبة لليزر مستشفى الامارات في مدينة العين
اللي جربه قال عنه زين بس طبعا تحتاجين جلسات على الاقل 5 جلسات

خواتي دموع نوال .. وام سارة
مشكووووووووووووووورين وايد وايد على الرد وماقصرتوااا

اختي دموع نوال .. وصلني الرد على الخاااااااااااص ومشكورة من كل قلبي والله على اهتمامج ..
الله ينولج اللي في بالج ويسعدج
انتي واختي ام سارة

وماعليه اختي انا عاذرة كل البنات …..

شكلي بسوي بحث لكل المواضيع اللي ابقيهااااا وآآآآآه من البحث
بس انا بغيت البنات يشاركوني في اللي يعرفونه

وسلمتي حبوبه

يا هلا بك اختي وبكل اهالي قطر

الصراحة انا شفت وحدة من ربيعاتي مسوية ليزر في مركز التاج في الشارجة
والصراحة من اول جلسة حست بالفرق
بس بعد ثالث جلسة اختفى الشعر الغليظ والغامج
وما بقى الا الشعر الرفيع اللي لونه فاتح

هي اتعالجت عند الدكتورة كيران
تدفعين قيمة 3 جلسات ، وتعطيك 3 جلسات مجانا (بس للشعر اللي تم)

بس نصيحة لك اذا كانت عندك مشاكل في الهرمونات ترا الليزر ما بيفيدك

تحياتي لك