ماراح ابدي بالكلام المألوف .. بس بختصار … السايت هذا روعة واهو اللي خلاني اتشجع واسأل بنات الكويت خصوصا … لان بصراحة قاعدة اشوف ان الكل ماشالله بسرعة يردون ويبردون الجبد 😮
حبيت اسألكم عن صالون زين حق مكياج وتسريحة .. لان عرسي انشالله بعد شهر ونص وبصراحة محتارة :confused: انا شفت مكياج الاء دشتي ومكياج الشيراتون ومكياج سهام مالت كونتيننتال .. بس مادري بغيت شي احلى من جذي .. انا نوعي احب المكياج الثقيل . اما بالنسبة للتسريحة فأحب التسريحة العادية .. ماحب شغل تبهلل 
اتمنى انكم اتردون علي باسرع وقت ممكن الله يخليكم
اي صج نسيت :s
حبيت اسألكم عن مكان يسوون فيه حنة .. @@ لان زوج المستقبل يمووووووووووووووووووووووووووووووووت فيها .. وابي مكان ثقة يحطونها لي .. نقشة والكاملة اللي بالايد اتوقع اسمها قصعة اذا ماني غلطانة :s … انا حظرية وماعرف بهالشغلات .. اتمنى انكم اتساعدوني
ولي طلب اخير .. ادري اني اذيتكم
ممكن اتراسلوني على ايميلي الخاص؟ اي عفية
ومشكورين وماقصرتوا
بنت الكويت
وفي كاتالوج اعتقد راح يفيدج حييل خصوصا وانتي مقبله على زوااج وتعرفين تجهيزات العرس كل التجهيزات تلاقينه في هالكاتالوج اسمه ((سحرالشرق)) تطلبينه من808080 يوصلونه لج للبيت
انا مع راااي الاخت (براري) ترى ما قصرت….
أنا شخصيا رحت حق هذا الصالون يوم عرس أختي (لولوووه) .
مكياجهم رووووووعة، يهبل وينننننن ،وحسبي احسابج ترى سعر العروس كامل (200 دينار كويتي فقط لاغير) كاش أو كي نت .
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
تحياتــــــــــــي لجميـــــــــــــــع قارئــــــــات مجلــــــــــــــة عـــــــــــــــــــــروس
اولا الف مبروك وانشاء اللة تتوفقين بحياتك
واخذي نصيحتي مكياج العرايس في (كونتيننتال) ترى توني شايفة صور عرس رفيجتي يهبل اما الصالونات الثانية خليها حق المناسبات الخاصة مثل شارمن ولا تروحين حق الاء دشتي صج اني عاجبني مكياجها بس يقولون ماتعب نفسها الا للمشاهير
مع السلامة الحين سمعت صفارة الانذار اللة يستر علينا وعلى ديرتنا
وعئبالنا يارب 😉
شوفي من خلال رفيجاتي
ممكن انصحج بليلى العراده وايد مكياجها حلو و شفت اكثر من وحده بعرسها كانت وايد حلوه وبالنسبه للشعر زينب بنفس صالونها هم ايدها حلوه
في وحده ينقالها سهيله ايرانية ترا هم مكياجها حلو
اووو منو بعد خل اذكر ………… اي ساس ترا مامدحوا ولا شيك اللي على البدع مو شي 😮
بس هالذول اللي اذكرهم الحين سهيله و ليلى واذا ذكرت انشاءالله بقولج
ومبروووك مقدماااا
انا نفسج محتاره وايد وايد وكل يوم افتر واشوف الصالونات قالولي عن عبير الياسين وشفت مكياجها حلو بس وايد وتقول على حسب الطلب……وعندج آلاء دشتي مكياجها وايد حلووهم على الطلب…….وشارمل وايد حلو وعندج رشا شيك بس والله لايعلى على مكياج مرفت (المنتجع)…
وأتمنى اني ماقصرت;)
مبرووووووووووووووووووووووووووووك اختى قطوه اول شي بالنسبة للاخت مريم احمد .. مشكورة على الرد وانشالله بروح بعد مرة حق ساس وبشوف .. لان انا مايعجبني شي .. كله وع وع 😮 وبالنسبة للاخت manauer تسلمين وماقصرتي وعلشان عيونج بروح هم حق كونتننتال والله يستر من الصفارة والله اتعبت نفسيتنا بس شنسوي .. الله كريم انشالله
والاخت fatma الله يسلمج ويسلم اهل الامارت كلهم والمسلمين كلهم انشالله من كل شر
الاخت pinkyq8 هلا وغلا بريحة هلي والله ..ليلى زينة بس قامت اتخوره . مو نفس او ماطلعت اختربت حيييييييييل اما سهيلة ف ويييييييع والله مكياجها مثل ويهها .. اهي حطت حق مرت اخوي يوم عرسها .. وكانت جنها شقول 😮 عادية حدها .. وعدل كلامج شيك مو حلو كلش .. جنه شغل اول
صمت الجروح .. مشكورة ياعسل والله يعينج بس ترة شغل عبير مو حلو كلش .. اتلطخ من غير معنة ولا اتعرف ترسم الويه عدل .. اما بالنسبة لشيك فمو حلو .. احسه وايد عادي مو مال عروس .. وآلاء حلو مكياجها والله بس مادري ليش يقولون انها ماتحط الا حق المشاهير او على حسب مزاجها !! مع ان وحدة اتصير لي كانت حاطة عند آلاء بعرسها وكان وااااااااااااااااااايد حلو .. صج صج كانت عروس ! ترة على فكرة ! انا اعرف احط مكياج واحط حق خواتي ورفيجاتهم ورفيجاتي وحريم خواني .. والكل عاجبه مكياجي .. الكل يحسب شغل صالون .. اعرف ارسم الويه عدل عشان جذي مو اي مكياج يعجبني .. جني بحط مكياجي بنفسي 😮 😮 😮
نون النسوة .. الله يبارك فيج اختي والفال لج انشالله 😉
اختكم .. قطوة بنت الكويت
هلا فيج حبيتي
شوفي سهيله انا شفت رفيجتي بعرسها كان مكياجها اينن وبعدين تلعب بالفاونديشن يعني مو تحط فاونديشن اي كلام …..
اما بالنسبة لليلى والله انا سمعت انها قامت تخوره بس اخر وحده كانت مسويه عندها قبل فتره وااايد كانت حلوه
و شوفي مع اني ما ايد بس يمكن انتي تحبين هالستايل دنيا اللي بالفاتنيه عرفتيها ؟؟؟؟
عندها وحده هناك بعد اسمها صفء والله شغلها لا باس فيه
وانشاءالله تطلعين احلى عرووس والله يتمم لج انشاءالله
وعئباااااااالييييييييي
وبعدين انا بشره عليج ليش ماعزمتنينا 😮