تعودت ان اشكر زوجي عند قيامه باصلاح شيء معين في البيت ، تعودت ان اشكره عندما استيقظ صباحا لأرى ملابس العمل مكوية ومجهزة لي ، تعودت ان اشكره اذا فاجأني في يوم من الأيام ( وهذا نادر وقليل ) بتجهيز الغداء لنا في يوم عطلته الاسبوعية .. تعودت ان اشكره سواء كان ماقام به واجب من واجباته تجاهي او تجاه البيت او تجاه لفتة لطيفة منه مثل ان يهديني باقة ورد او رسالة لطيفة ..وهو في المقابل يشكرني ايضا ..
فهل تعودتي ايتها الزوجة /ايها الزوج على شكر شريك حياتك ؟؟ وهل تعتقدون بأن هذا مهم وان كان في فترات متباعدة ؟؟
وفي نظرك ما اهمية شكر الزوجين لبعضهما في توطيد العلاقة واحساس الآخر بتقديره تجاه مايبذله وان كان بسيطا ؟؟
انتظر آرائكم ومشاركاتكم ولي عودة مع مشاركتي
موضوع مفيد جدا
كثير منا ينجرف في اشغاله اليومية
او يأخذ الامور المقدمة اليه كانها واجبة او غير مهمة
لكن كلمة الشكر والامتنان تنمي شعور جميل في الانسان مابالك بين الازواج
فتشجعهم على العطاء اكثر واتؤلف بين القلوب اكثر
ومن لم يشكر الناس لم يشكر الله
انا عن نفسي دايما احب اشكر زوجي على الاشياء اللي يقوم بها لي حتى لو كان مجرد انه ناولني شي مثلا
ودايما اقوله لو سمحت قبل ما اطلب شي
و اسفه حتى لو شي بسيط وبالغلط
هذه الكلمات لها تأثير سحري و تمحي اي نوع من الامور اللي ممكن اتكون مترسبة في نفسية الازواج
واكيد كثير بيقولون انها تخلى العلاقة رسمية بس انا اقول عمر آداب الكلام وخاصة مع الاهل والزوج ما كانت رسميات وهم اولى بها
اشكرك على موضوعك
واسمحيلي عالاطالة
السلام عليكم ورحمة الله وبركاته
تسلمي يا Ro0o0omy_M على الموضوع….
الحمد لله أشكر زوجي دايما…أقول له يعطيكي العافية و تسلم إيدك يا أبو مريـم…
و ساعات أدلعه بالسوري و أقول له ( يسلموا لي هالديّات ) 
و أقول له كمان…إنت الخير و البركة…من غيرك ما كنا عرفنا أبدا نعمل كذا…
يعني من هذا الكلام…اللي ينعش الطرف الآخر..و يخلّيه دايما له نفس للعطاء…
نورتي الموضوع …
واكيد كثير بيقولون انها تخلى العلاقة رسمية بس انا اقول عمر آداب الكلام وخاصة مع الاهل والزوج ما كانت رسميات وهم اولى بها
انا معاك في هالنقطة … التودد في الكلام مايعتبر مجاملة خاصة انه نابعة من القلب واذا كانت عن طريق التعود .. حلو اني اشكر ولدي مثلا لمن اناديه يجيب لي شي او ينفذ لي طلب ..
يعطيك العافية
اعتقد ان شكر الزوجين لبعضهم مثل ماذكرتي ينمي حب العطاء لديهم .. لو كل زوج شكر زوجته على طبخة عجبته مثلا .. راح تتحمس انها تطبخ له كل مرة عكس الزوج اللي ياكل وهو ساكت ويقوم وهو ساكت .. وحتى لو سوت له زوجته شي مميز مايعطي الموضوع اي اهمية .. يصير مالها نفس لا تطبخ ولا حتى تبتكر ( هذا مثال بسيط فقط )
اسعدني مرورك ياحلوة
يتطلب منا جميعاً أن نشكر أزواجنا وبالعكس لأن هذا الشي يقوي أواصر العلاقة الزوجية ويشجع كل طرف على القيام بالأفضل دائماً…
الصراحة لما يشكرني زوجي وخصوصا لما أعمل أي شي لأهله أو أهديهم أحس أني أكبر بعينه أكثر ويقدر هالشئ، وأحس بالفخر على شكره هذا….
رانيا البحرينية
أسعدتني مشاركتكم لي بالآراء … طبعا هالشي ينطبق على الزوجين يعني الزوجة لازم تشكر زوجها بين فترة والثانية والزوج نفس الشي … اكيد راح يزيد التقدير بين الزوجين
دمتم بود
المميزه RoOoOmy_M
تسلمين على الطرح الحلو ،، والله يسعدك مع ابو الشباب و يجمع بينكم على خير:flower:
عني انا
اي شي يسويه بو خالد مهما كان بسيط
اسوي له كرنفاااال 
واااو ،، ثانكيو ،، الله لا يحرمني منك ،، ما قصرت ،، مادري شنو كنت بسوي بدونك
و فعلاً هالكلام كان يخليه يفرح مع انه عارف ان الشي اللي سواه بسيط
وبجذي صار يحب يعطي و يقدم اكثر و بطيب خاطر..
بالجهه المقابله تعلم يشكرني على اي شي اسويه و حتى لو ما كان يستاهل الشكر
لي اضافه بسيطه لو سمحتي له:
اذا رجع من الجامعه او كان طالع يخلص شغله ،، يرجع البيت يقول اللي بخاطره مسكين
اسكت واسمع بأهتمام و بأبتسامه واذا خلص كلامه ابوسه على راسه واقول له يعطيك العافيه بو خالد
هنا يحس ان التعب كله رااااااح
و حتى لو الرجال ما اشتكى او تكلم يكفي ان الوحده تبين له انها حاسه فيه وباللي يقدمه
يرتاح و يفرح
والله يدوم على الجميع الراحه و السعاده
تقبلوها مني :flower:
الله يخلي لك ابو خالد وخالد ان شاء الله
مشكورة على الاضافة حبيبتي .. صحيح احساس الوحدة بمشاكل وهموم زوجها حتى لو ماوضح لها .. يخليها تكبر في نظره
بس عاد مو تشوفه مهموم وتلح عليه بالسؤال : شفيك ، شصاير ، مسوي لك بلوى !!! لحد مايطفش منها
كل شي بحدود
تسلمين على المرور الحلو