ولدي يوم كمل الآربع اشهر وديته للفحص والتطعيم ولما وزنته الدكتورة كان وزنه 8.5 كيلو قالت لى ان وزنه وايد وكنت تونى بادية معه الأكل ((اول اسبوع اعطيه كمثري ومن تقريبا 3 اسابيع عطيته بسكوت فارليز مع الحليب )) ومن الخوف وقفت سؤالي لاي وحده عندها فكرة عن هذي الموضوع صج انه وزنه وايد بالنسبة حق سنه
الله يخليه ويفرحج فيه يارب
انا بصراحة أحس انها ما عندها سالفة هالدكتورة
يعني حتى لو كان شوي زايد وزنه بعد فترة بيبدي يسنن وبيحاول يتحرك
يعني نص وزنه بيروح مسكين بعدين حبيبتي لا توقفين الأكل وانتي ما عطيتيه غير الفاكهة والبسكوت يعني الفاكهة ما تسمن والبسكوت مخصص للأطفال فلا تجوعينه مسكين على شي ما يسوى
عادي لاتحاتين اكليه اكلات بسيطه ومن الشهر السادس ابدئي معاه الاكل الفعلي 
ومثل ماقالت لج الاخت احلى شوق ممكن بعد فتره بيسنن ويممكن ينقص مو اكيد انا بلنسبه لولدي الحمدالله مانقص وزنه من التسنين
اتذكر وحدة من صديقاتي نفس الشئ اول ما يابت بنتها كانت بعافية اشوي كان وزنها 4 كيلو وشوي ويوم راحت ثاني تطعيم 4 شهور بعد كان وزنها فوق المعدل 8 وشئ تدرين الدكتورة اتقول للأم وهي تهز بطن الياهلة خليها اتخف شويه بكرة لما حتكبر مش حتلاقي فستان كواز ادها :gum:
الدكتورة مصرية " علشان تقرون الكلام عدل "
واتقول خليها تخف اشوي ولا تأكلينها واجد ،، الأم استحمقت على الدكتورة وقالت ليها اصلآ طبيعي وزن البنت راح ايزيد كل ما كبرت واصلآ هذا عندنا وراثة بالعائلة
المهم بصراحة ساعات اتحسين ان الدكتور مخة صغير ما يعرف اوصل المعلومة بطريقة صحيحة
وتدين يوم كبرت البنت ما شاء الله عليها خست وصار جسمها حلو وتدرين اذا بسننون يهلك جسم الياهل
حرام عليش اتخففين الأكل تدرين الحين حليبش مو كفاية ليه عطية واتوكلي على الله
ذابحني يرفض الاكل نهائيا وييتف أي شي أغصبه عليه ويصيح …
الكل يلومني فيه جربت الفيتامين والحديد وهو نهااائي مو راضي يأكل بس بيلعب بالكل…
مع أنه ما شاء الله حركي ونشيط ويحبي كل مكان ..
ماشاء الله لااله الا الله
الله يحرسها ويخليها لك .. انا بنتي شكلها كبر بنتك لي اسبوعين من طعمتهااا وقال وزنها 7ونص
ماشاء الله الله يحفظهم
وحبيبتى دلوعة هذي العسل سعود مب بنوته
(حرام عليج ولدي ريال)
لاحق على النحف اذا بدا يسننننننن((تطلع له اسنان))
وبدا يحبي ويمشي:happy1: ينحف الطفل طبيعي
انا بنتي كانت دبدووووبه بسم الله عليها
والحين عمرها سنه وعشر شهور ووزنها تقريبا 11
دايما يقولون لي اهل زوجي اكليها
اهتمي فيها.. وانا والله ذابحه عمري معها
بس ما تشتهي الا الحلويات
ما تاكل ابدا بنفسها
لازم الاحقها واكلها وهي تلعب
والحين انا حامل وتعبت منها:cry::cry:
مدري ايش اسوي
من عمر ه حتى الممرظات رغم اني مااعطيه الا فرليز والحليب