السلام عليكم اجمعين
كيف الحـال ؟
انا داخله على الله ثم عليكم
عندي حفله لصديقتي امم يعني خطوبه جذي
المهم انها حفله بعد العقد ..
وهي حفله بسيطه في صاله و الصاله مو كبيره واايد .. يعني مو راقيه .. عاديه !!
وهي صديقتي و حابه اسوي لي شي بسيط
اولـ شي فكرت بفستان من القمـاش الحرير ( الساتن )
ويكون لونهـ احمر و بدون كم ,, و فيه حركات بسيطه ..
رسمته بس السكنر عندي خربانه شووي جان بحطه لكم ^^
على العموم و بعدها بفتره حفله صديقه ثانيه بعد خطبه
بس حفلتها كبيره و راقيه و صاله كبيره بعد ..
قلت بفصل فستان ناعم بس يعني فيه حركـاات
ولونهـ فيروزي بعد رسمته بس للأسف 
.. السكنر مره ثانيه ..
انزين يا بنات فكرت للحفله الاولـى اني اغير عن الحرير
وخاطري من زمان اسوي سـاري مال هنوود ..
وخصوصاً ان انا شعري طوويل و لونه كستنائي ,,
وخاطري اسوي وفصلت كل شي في بالي ..
اختي قالت لي مال اول محد يسوي الحين
خيبت ضني ..
حبيت اسألكم صج مالـ اول و لا عادي للحين يلبسون !
طبعاً انا ماباسوي شكله مكرر
انا احب ارسم الاشياء الغريبه و يكون من تفصيل مخـي 
!
هــاا شرايكم اسوي سـاري ولا .. ؟
انا افضل فساتين لانه موضة الساري قديمة والحين موضة الحرير والساتان والشيفون وموضة الالوان الصارخة الاصفر والازرق الفاقع والخضر العشبي الفوسفوري
فتخيلي لابس فستان راقي وسمبل ولونه صارخ غصبن عن الكل بينتبهولج لووووووووول
عجبوني اختيارج للونين كان ودي اشوفن عسب اقولج كيف التسريحة والميكب والاكسسوارات بعد
السموحة منج الغالية
صج الساري أحسه موضة قديمة وحتى مو حلو كلش مادري شعاجبكم فيه!! مع إحترامي..
ومثل ماقالت الأخت اللي قبلي الحين الموضة الحرير والشيفونات والألوان الصارخة وأنتي ماشاء الله عليج مبين عندج ذوق وتعرفين ترسمين وتنسقين ..
والأولوان اللي مختارتها روووووعة ويبي لها لمساتج الحلوة عليها ..
بالتوووووووووفيق يارب وإن شاء الله تكونين أحــــــــــــــلاهم في الحفلتين