يا بنات انا محتارة في الوان الصبغ و الديكورات و المطبخ تبع شقتي
مو عارفة ايش اختار و خطيبي يبيني اختارهم هاليومين
اول شي بعطيكم شرح مبسط عن تفصيل الشقه
اول شي الشقة اول ما نفتح الباب على طول الصاله بشكل مستطيل على قدام
و على اليمين زي الموزع الصغير و غرفتين و بينهم حماام
و المطبخ يطل على الصالة و مفتوح بقوس
محتارة ايش اصبغ الصالة مع العلم ان السيراميك تبع الصالة و المطبخ لونه بيجي مايل على وردي على خفيف مرررررة
يعني مو مبين الوردي
صبغوه بيج ,, بس احتمال كبير نغيره
و فيها اعمده مصبوغين بني غامق و مو عاجبني
لان الاطارات اللي في السقف مصبوغين بني فاتح
و بالنسبة الى المطبخ ارضيته نفس ارضية الصالة
و جدرانه جايه بني فاتح من فوق و من تحت ,, و في الوسط بيج
0000000000000000000000000000000
اتمنى من اللي عندها خبرة تفيدني بالوان الصبغ الى الصالة و اللى غرفة النوم الرئيسية (( اثاث غرفة النوم لونه بني غامق ))ولون الستارة و المفارش و موكيت الارضية لان غرفة النوم و الغرفة الثانية ناوية افرشهم موكيت
و لون المطبخ الدواليب و الجرانيت و صبغ الغرفة الثانية اللي لحد الحين مدري ايش بسويها 
_smil1:
بس هي راح تكون غرفة العيال في المستقبل :21_207:
و تسلمون حبيباتي مقدم :balloons:
و اتمنى بعد منكم تساعدوني في طريقة توزيع الاثاث في الاصالة اللي بللون البيج
لان مكانها مضيع و مو عارف ايش احط فيها
و سوووري اذا كنت ثقلت عليكم بطلباتي :21_207:
الباب الللي في الصالة اللي باللون البيج هو مدخل الشقة 
:sm229:
جبرتي بخاطري
فرحت لما شفت ردك
اهلا فيك ياعسـل :9_33:
ان شاءالله تعجبك صالة البيت الجديد
بسم الله ..
نبدأ
الوان الصاله
اخترت لك هذه الالوان لان صالتك راح تكون مستطيله
فهذه الالوان مناسبه جدا لشكل الصاله .. وراح نخلي الصاله كلها
من هذه الالوان
العنابي – البرتقالي – البني – البيج
صبغ الجدران
جدار واحد فقط نصبغه عنابي وهو الجدار اللي على اليسار
وباقي الجدران بيج فاتح او غامق
بهالشكل التوضيحي
طقم الكنب
اخذي طقم الكنب بالالوان هذي
sofa باللون البرتقالي
والـ sofa الصغيره خذيها باللون البني
الكراسي الباقيه خذيها عنابيه
والعبي بالمخدات والثرو ..
ارمي ثرو بني على الكرسي البرتقالي ومخدات بيج عليه
والكرسي العنابي مخدات بيج بعد
والكرسي البني مخدات برتقاليه وعنابيه محمره
السوفا البرتقالي ينحط امام الجدار العنابي
ومقابله عالجدار البيج شاشه التلفزيون lcd معلقه على الحائط
وباقي الكراسي وزعيها بالتنسيق المناسب للصاله
ممكن تغيرين لون السوفا البرتقالي الى اللون البيج
انتي وذوقج في اختيار الالوان
راح يطلع شكل الصاله غير اعتيادي ومميز والاحلى ان ستايلها كلاسيكي رومانسي
السجاده
اختاريها مختلطه بالالوان كلها ..
مثل هالاشكال
اما بالنسبة للاعمده ممكن تخلينها بنفس اللون بنيه او ممكن تبدليها باللون
العنابي والذهبي راح تعطي منظر احلى
وتقريبا حاولت الاقي لك صورة توضح لك شكل الصاله اللي اقترحتها عليك
ولقيت لك هالصورة الجميلة .. شوفي الالوان شلون متناسقه .. :21_207:
اما اذا الصبغ العنابي ماعجبك ..
ممكن تبدلي جدار واحد بني غامق والجدران الباقية تكون بيج معتق بني خفيف
وتسوين نفس فكره الكراسي
او يكون سوفا بيج وكراسي الصغيره بني
هذا بالنسبة للصاله اذا عجبتك الالوان وتناسقها .. باذن الله راح اكمل لك باقي
الشقة ..
واذا عندك اي تعليق قوليلي .. ومن عيوني
في انتظارك علشان نكمل الباقي:21_207:
روووووعة روووعة هالافكاار
واجد عجبتني
تسلمي لي يا عسل يا ورد جوري
الله يخليك و يحفظك و يسلمك
مو عارفة كيف اشكرك
في انتظار الباقي حبيبتي
اهلا فيك ياعسل من جديد
نجي الحين لغرفة النوم
بما ان اثاثها بني غامق .. ماراح تلقين اروع من هاللونين لغرفة عروسه حلوة مثلك
البنفسجي والبيج ..
وااااو روعه جدا وغير اعتيادي
انصحك تفرشين السجاده بيج ..
وتصبغين الغرفة بنفسجي
وتجيبيني مفرش السرير من الالوان هذي ( بنفسجي + بيج )
وترمين عليه ثرو ومخدات باللون ( الوردي والبرتقالي الباهت)
والستارة جيبيها مشجره باللونين وخلي محل الستاير ينجد لك
كرسي صغير بنفس قماش الستارة بس معاكس له
يعني لو جبتي الستارة مقلمه .. جيبي الكرسي مشجر او ساده
او ممكن تسوين الكرسي وردي بلون المخدات والثرو .. راح تطلع الغرفة جنان
شوفي فكره الكرسي روعه وفخمه
شوفي الوان الغرفة شلون بتكون
او ممكن تخلينها بنفسجي ووردي وبيج لو ماعجبك البرتقالي
بس انصحك تخلينه تراه روعه
واختاري سجاده باللون البنفسجي مثل هذي
او مثل هذي مقلمه بالوان الغرفة لو لقيتي
في انتظارك حبيبتي
روووووووووووووعة قليلة في حقك
تسلمين يا الغالية
الله يجزاك كل خير
—————————————-
عندي ملاحظات ::
اشرايك لو صبغت الغرفة بيج و الجدار الللي ورا السرير هو بس اللي خليه بنفسجي ؟؟؟
و عندي الغرفة الثانية
اشرايك اصبغ 3 جدران وردي و الرابع اخضر او 3 جدران اخضر و الرابع وردي ؟؟؟