هلا بنااات اشحالكم…عيد ميلاد زوجي قرب ف محتارة شو اهديه من الهداية كل شي سويت له ف هالمرة ما اعرف ف بلييييييييييييز ساعدونس اللي عندها فكرة بسيطة مب تكون ثقيلة علي…
جان قلتي شنو اهديتيه قبل عشان ما نكررلج الهدايا اللي بنقولها لج
اذا يلبس ثوب ممكن قلم يكون حلو ومميز
طقم كريمات من بدي شوب
طقم فوط
مسباح
تكرمين نعال او حذاء
تقدرين اتسويين شي بسيط كلش يعني مثلا
كيكة بسيطة
وزيني غرفة النوم بورد وشموع والحمام بعد
وأما عن الهدية مثل ماقالت الاخت كتبي اللي عطيتينه من قبل ونشوف شنو ماأهديتيه
أو تقدرين تعزمينه على مطعم وتقدمين له الهدية
احجزي ليموزين.. وتمشوا فيها.. والله يوفقكم ويسعدكم يارب..
هلا اختي
شخبارج؟ ان شاء الله بخير
ماشاء الله البنات ما قصروا بالافكار
اذا تبين شيء بسيط
وما يكلفج وايد
تقدرين اطرشين له باقة ورد مع رسالة فيها كلام حب منج على شغله
او تقدرين اتنثرين ورود في سيارته واتحطين علبة صغيرة فيها ساعة له
او تقدرين اتسوين له احلى طبق من يدج مع كيكه وحده بيستانس
وسامحيني على القصور
وان شاء الله قدرت اساعدج وافيدج لو بشيء بسيط
والله يعطيج العافية
شخبارج؟ ان شاء الله بخير
ماشاء الله البنات ما قصروا بالافكار
اذا تبين شيء بسيط
وما يكلفج وايد
تقدرين اطرشين له باقة ورد مع رسالة فيها كلام حب منج على شغله
او تقدرين اتنثرين ورود في سيارته واتحطين علبة صغيرة فيها ساعة له
او تقدرين اتسوين له احلى طبق من يدج مع كيكه وحده بيستانس
وسامحيني على القصور
وان شاء الله قدرت اساعدج وافيدج لو بشيء بسيط
والله يعطيج العافية
 |
اقتباس |  |
 |
المشاركة الأساسية كتبها ✿..شShــرينـهَ..✿  |
 |
 |
| جان قلتي شنو اهديتيه قبل عشان ما نكررلج الهدايا اللي بنقولها لج
اذا يلبس ثوب ممكن قلم يكون حلو ومميز طقم كريمات من بدي شوب طقم فوط مسباح تكرمين نعال او حذاء |
||
 |
 |
اهديته عطور وساعة وبزمة وفصلت له كندورة ونعال وسويت له كييكة وزينت الغرفة …بس انا جتني فكرة انني اسوي له بوكس مزين داخليه قران بس مرت حميي سوتها ل ريلها …وهو ما النوع ما يحب البدل …بس ابي شي انه يعني ينصدم منه اول مرة يشوفه…ودي اعطيه قلبي بس والله مايستوي :o:o…ومشكورين ع المساعدة…
طيب ممكن تشتري طقم مناشف وتوديه لخياط يخيط اسمه عالمناشف بسويها مرة ان شاء الله انا يوم ميلاد زوجي سويت الهدية بنفسي اشتريت له خاتم وبوكيه ورد وكيكه وزينت الطاولة بشموع وورد الهدية جبت صندوق وزينته بتحفتين والورق المقصقص وغريتهم وجبت الدبدوب وليته يحضن شمعه مكتوب عليها مع حبي وجبت شكولا من شكولاين على شكل بطه وجبت حامل الكرت على شكل قلب مكتوب عليه love youواشترين بلونتين على شكل قلب مرررة تجنن وحطيتها بطرف الصندوق وطبعا كنت حاطه الهدية على طاولة الاكل وعلى كل كرسي لصقت بلونه حمراء ونثرث الورد بالطاولة والشموع وجبيت الكيكه والعشاء والعصير وسويت له عرض فيcdوعرضته عال dvdكنت مجمعه صور له وابدعت فيهم صراحه وكتبتله عبارات وكلام في العرض وانبسط فيه وبالحفلة وممكن تعزميه في مطعم وتتفقي مع واحد من الموظفين انه يسويلكم طاولة بيحط شموع وورد ودلع وخليه يختار العشاء وبعد العشاء خليهم يجيبوا الكيكه وهم طبعا بيغنوا ويصفوا وخذي كاميرا معاكي وصوريه او هما يصوروكم وتكون مفاجاه حلوة ان شاء الله اكون افدتك بشء واسفه طولت عليكي