أنا تقدم لي شاب من اهل الشرقيه ويحب طبخ اهل الحساء وطبخ بنات الشرقيه
وأنا من الرياض نعرف بس الرز والجريش والمرقوق والقرصان
امس سويت الهريس علشانه يحبه
ساعدوني وخبروني شنو طبخكم علشان مافتشل عنده يقوال أنه يحب مجبوس الحم
هو نفسه كبسة الحم (رز مكبوس على قطع لحم أو بطريقه ثانيه اكبس الرز على مرقة الحم
واحط الحم فواقه بعد مايطبخ؟؟
افزعو لي تكفون ..
وثاني شي حبيبتي اذا هو من اهل الشرقية اساليه وش الاكل اللي يحبه عشان نقدرنساعدك بوصفات
وانا بالخدمة
الله يعافيك يارب ويخليك للي يحبونك ويغلونك
الجريش 0 عادانتي قولي له ويش احل اكله يحبه وانا في عطيش المقادير والطريقه
عيوني قبل أي شيء الاسم ( الأحساء )
وبالعامية نقول ( الحسا ) بدون الهمزة
لكن ( الحساء ) >>> هذي شوربة الله يسلمك
المهم اذا تبين التفاصيل الدقيقة عن أكلات الحسا
دوري في مدونة الأحساء في عدة مدونة دخليهم واقري
كل الوصفات الشعبية والحلا
ومن بين الأكلات اللي ذكرتيها نسيتي العصيده
واي نعم المجبوس هو نفسها الكبسة
مجرد تغيير المسمى
وانا بس أشوف مواضيع مفيده لك راح أجيبها لك بإذن الله
..
اكلات اهل الاحساء كثيرة المجبوس وهي الكبسة عندكم بس احنا نسويها حمره بطماطم و المندي والمظبي و المفلق والرز الحساوي
والمرقوق والقرصان و العصيدة بالتمر او السكر والهريس والجريش وانواع الرز المختلفة يمكن اهل الرياض والمناطق الاخرى عندهم نفس الاكلات بمسميات اخرى
انتي اسألية وبشري بسعدك
والله يهنيك في حياتك
العيش الحساوي
الرز الحساوي غير الرز العادي لونه بني محمر كأنه عنابي ويبيله وقت بالطبخ
وحلاته مع اللحم وعادي حتى بالدجاج وطريقته نفس طريقة الكبسة
الإختلاف بنوع الرز بس لأنه رز كامل …اللي تولد لازم تاكل منه يعوضها عن الدم اللي راح بسرعة
ـــــــــــــــ
اللقيمات
( لقمة القاضي )
عادية مثل ماتسوونها انتو الفرق انه نسكب عليه دبس التمر
طبعا اذا مافي دبس نحط عسل
بس الأساس دبس تمر
أحلى شي نسوها بالتمر أو دبس التمر
واللي ماتتوفر عنده يسويها بالسكر
بس باستخدام التمر أو الدبس صحية أكثر وتطلع حلللللللوة
أكثر من السكر
طحين بر ( أسمر ) + تمر أو دبس + ماي + فلفل + دهن
الهريس
حب هريس + دجاجا أو لحم + حبة طماطم + ملح + ماي + دهن
الثريد
باختصار هي مرق خضار باللحم وبعد الاستواء أثانء التقديم
قبل ماناكل نضيف عليه خبز الرقاق ( خبز مسح )
و هذا خبز الرقاق