ساعدوني ابي افطم بنتي من الرضاعة الطبيعية من الثدي 2024.

السلام عليكم
اخواتي العزيزات انا حابة افطم بنتي ولكن موعارفة كيف عمرها سنة وثمانية شهور ..ماهي الطرق اللي استعملتوها مع اطفالكم .. وكم احتاج من الوقت عشان افطمها نهائى …
متى صدري يوقف من الحليب ..
ارجوكم لا تبخلون الكل يكتب اللي عندة انا هذي اول طفلة …وتسلمون مقدما …وربي يحمي اطفالكم من كل شر .:confused:

مرحبا
اول شي في اشياء لازم تراعينها في هل مرحلة
تكون صحة بنتج زينه
وما تكون في فترة الصيف
وتبدين بشكل تدريجي
ومراعاة النظافة في اكلها وادواته
ادخلين في نظام بنتج اربع وجبات غذائيه
اذا كنتي متعوده ترضعينها في مكان محدد غيري المكان
لهيها باالعاب والتسليه
وييبيلها اصحون واكواب ملونه ومختلفه
وطبا الدعاء لرب العباد
انشالله تستفيدين
والله يعينج

هلا اختي
كلامج سليم والله يعين الحين حنا في عز الصيف ان شاء الله اتبع نصايحج وجزاج الله خير على الرد

اتمنى باقي الامها يشاركون

اول فطام يكون في النهار واستبدلي رضعاتها في النهار بالطعام الي تحبه

وبعد ما تعتاد وتنسى ابتدي معاها في الليل ويوم الي تقرريفطامها بالليل

اكليها قبل لاتنام شيء ثقيل اشوي مثل مكرونه مثل رز وروب

وخلي جنب السرير عصير وماي وكيك ومن تصحي اعرضي عليها الماي

وهي بتعبك او ليلتين بيكون فيه صياح وخلاص يوم ثالث انشاء الله تنام وتنسى

الله يعينك لان مزاج الاطفال متعب بالاخص لماتكون متعلقه بيكي واجد

كلام الاخت ربيعيه واضح اذا قدرتي تفطميها بالنهار بتسهل عليك الباقي
بتعبك تقريبا 3 ايام بعدين بيكون الامر عاي
قبل لا افطم ولدي كنت خايفه ولما فطمته حسيت المسأله سهله الله يعينك

تسلمون ياخواتي والله يسهل عليكم مثل ما سهلتو على في الدنيا والاخرة ..