اخواتي ولدي عمره 8 شهور واليوم لاحظة حرارته مرتفعه
ولما رحت للعياده الدكتور قال لي ان وايد الحراراه مرتفعه عنده
وصلت الى 39.5 و قال لي ان بيعطيه ابره وتحميلات علشان تنزل
بسرعه
وبعد عنده زكام والتهاب باللوز و صدره تعبان من السعال ويستفرغ
المهم انه كتب لي تحاميل وقلت له مابي تحاميل ولدي يتضايق منهم
وكتب لي بدالهم دواء شراب وكل ما اعطيه الدواء من كره طعمه يستفرغه
أول مره أستفرغ الدواء ورجعت عطيته مره ثانيه نفس الجرعه وعلى دفعات
بين كل 2 ملي وهو المفروض 4 ملي وهم كان يستفرغهم والحين خفت اعطيه
مره ثالثه
شوروا عليي شسوي؟؟
خصوصا الدواء هذا تبع الصخونه يعني اخاف ترد ترتفع الحراره وايد ويتعب ولدي 
سبحيييية وسووي له كمادات …. وطمنينا عليية
افضل شي لارتفااااع الحراره التحاااااااااميل
كمديه بمويه بارده نسبيا مو مرره ,,و وحطي شوية خل وكمدي جسمه ولاتقربي من صدره ابدا ابدا
ودهني رجوله بفيكس او الكريم حق الشعر ماكسااام عرفتيه ابو ورده,,,,
اكيد لوعطيتيه دوا راح يستفرغه
لانزلت حرارته ,,, سخني شوية زيت سمسم وخليه يدفى ودهني صدره وضهره
بس طالما فيه حراره لاتدهنيه الزيت يكتم السخوووونه وماتروح عنه
افضلك روحي المستشفى لا يصيبه تشجنج لاسمح الله ولدك صغيير
لاتغامري فيه وربي يشفيه ويعافيه لك اللهم امين وطمنينا عليه
الا عقدته كل ما اجي أبغي أغير له الحفاظ يشد على نفسه و يتصلب
عباله تحميله و اذا أخليها يتألم ويضل يبكي فتره منها وحرمت استخدمها
و أنا البارح بس خذيته على العياده يوم ارجع الساعه 10 بالليل وهو الدكتور
مخلي له تحميله ونزلت حرارته مع الابره بعد بس الحين اخاف ترتفع مره ثانيه
لما ما يشرب الدواء او يضل يستفرغ الدواء
وانا قلت بسبحه بس أخاف صدره يزيد اكثر لانه ملتهب عليه من كثر السعال و الزكام
نازل له بصدره وصاير مثل الضيقه (ربو) من جذي محتاره ولا اعرف شسوي له
ياربي تشفيه لي وتحفظه يارب
كل شي الا ارتفاع الحراره
ولاتخاطرين وتعطينه دوا بعد الاستفراغ يمكن نزل وامتصه الجسم وانتي تزيدين الجرعه بدون ماتدرين
واعطيه قطره المويه والملح بانفه واستخدمي الشفاطه واشفطي انفه عشان يطلع البلغم وبعدها على طول رضعيه
حتى يمشي المجرى التنفسي من البلغم سويها 4 مرات باليوم
وسوو له تدليك بالضرب على ظهره وانتي مخليته على بطنه حتى ينزل البلغم
ووقت النوم ارفعي راسه عشان ينزل البلغم ويطلع من الحفاظ
مايشوف شر الحلو ربي يشفيه
اتركي عنك الادويه التحاميل الافضل ……..
الله يشفيه ياااااااااااااااااارب
ماتعرفون شكثر اتضايق لما ترتفع الحراره عند ولدي لأن شكله يكون مأساه
من التعب وانا متعوده على ولدي نشيط و مشاكس و الحراره تخمده مسكين
يكسر خاطري واخاف من ارتفاع الحراره
اختي lovely-one
والله أسوي الي تقولين عليه اعطيه قطور من الصيدليه مأخذته
و أسوي له تدليك على ظهره و أرتب عليه واهو على بطنه مسكين
وما يقدر يرضع من الألتهاب الي باللوز الله يعينه
والتحاميل صعبه جربتها مره ولا راح اعيدها انا بروحي اخاف منها
بس يعني مافي حل بديل أفضل خصوصا لما يستفرغ الدواء
انا قلت بعطيه كابول كل 6 ساعات عوضاً عن هالبلوه الي معطيني
الدكتور واذا شفت ان حرارته تنزل عليه خلاص بواصل عليه
حالياً حرارته أوكي بس الدكترو قال لي لازم تواصلين كورس العلاج
لمدة أسبوع أو مدري يمكن اتصل على الدكتور و استشيره
افضل شي التحاميل الى الحرارة
التحاميل تضمنينها .