شلونكم بنوتات ؟
>> حتى المتزوجات من ضمن البنوتات ،، ندلعكم شوي
المهم
حبايبي
انا خاطري أفتح لي استوديو تصوير ،،
" مابي اقول شنو فكرته عشان ماتخترب "
النقطه الأهم
انا عندي استعداد أوفر كل شي من تجهيزات الاستوديو
لكن وين المشكله ؟
المشكله في المحلات و أجارتهم اللامعقوله ،، !!!
مافي اجار محل يقل عن 15 الف ريال !!
و كـبداية أكيد الوالد و الوالده بيساعدوني
بس لو خسرت !! هم شذنبهم يتحملون خسراتي ؟!
و الوالد يقول لي اصبري شوي لين ما تتخرجين
وانا بتخرج عقب سنه اذا الله اراد
بس ودي اليووووم قبل باجر اشوف المشروع خالص
وقلت ممكن ابدأ بصغير لين ما يكبر المشروع
مثلا لو جهزت غرفه فالبيت مثل الاستوديو
تتوقعون البنات بيجون ؟!
هل بيكون في ثقه فيني ؟!
مع اني ما أأيد الموضوع لان مابي الناس داشين و طالعين علينا !
قولوا لي شسوووي 
؟
:confused:
تعبت وانا محتاره
لكن اقترح عليك كبدايه..
توزعين ارقامك للي عندهم عروس..ولا مناسبات كبيره
لين تنعرفين..
ومنها راح تكسبين مربح توقفين على رجولك منه
وانصحك ان كنتي مبدعه انك تحطين لو مثال لهم من تصويرك
اتمنى افدتك ولو لقيت حل ثاني برجع
ماعندي الجرأه اني اوقف جدام مئات البنات و الحريم و أصور
راح ارتبك وعقب يدعون علي مب ناقصه
ممكن لو حفلة بنات !!
بس بعد بفكر
تسلمين حبيبتي ع المساعده
انه مافي عمل الا بيكون الف عقبه قدامك..
وبداية النجاح هو تحدي العقبات..
والخجل راح تواجهينه مره مرتين,,
وبعده خلااااص بتحسين انه امر عادي..
الا اذا انك تحطين انك كفيله بالخلفيات والاضاءه,,
بس يكون بغرفة انتظار العروس
ان شاء الله بفكر فيها
ألف شكر لج عزيزتي
تعبتج معااي
و هم راح يستنقصون شغلك حتى لو احسن من المحلات بيشوفونه عادي بس لانه مو في محل كشخه ( تعرفين الناس تحب المظاهر )
ابتدي فيه مثل ماقلتي صغير يعني محل صغير
اطبعي بطاقات تعريفيه فيها شرح مبسط عن نشاط الاستيديو تبعك و خريطه مبسكه للموقع ( مهمه جدا )
حطي عروض ترويجيه
في البدايه لا تخططين عشان ارباح عاليه خليها في البدايه عشان تغطيه المصاريف و بعدها بسنه مثلا ترفعين السعر بيكون صار لك سمعه و اسم
بالتوفيق ان شاء الله
والله قاعده أدور لي محل صغير مب محصله
أكيد ان شاء الله
و تسلمين على أفكااارج حبيبتي