بغيت أسألكم في شغلة
ابغي اشتري ليي عدسات ملونة وفي نفس الوقت طبية
لأنه نظري وايد ضعيف
وصار ليي يمكن أكثر من 6 سنين ألبس نظارة
وألحين حابة اني اتخلص منها للأبد لأنه وايد متضايقة منها
وما احب شكلي وانا لابستها
المهم بغيت اشتري لي عدسات بس مو عارفة أي نوع آخذ
في بنت نصحتني بجونسون >>> شرايكم فيهم أوكي ولا لا؟؟
أفكر آخذ ليي لونهم عسلي
شي ثاني شنو تنصحوني آخذ عدسات يومية ولا شهرية ولا اسبوعية؟؟
بحكم اني أول مرة ألبس عدسات
يعني آخذ يومية مثلا أحسن
لأنه ما اعرف شلون ينظفونهم
واذا ما عليكم أمر بغيت تعلموني شلون ألبسهم
وهل لبسهم ياخذ وقت وصعب ولا لا؟؟
واذا ما عليكم امر أي نصائح بخصوص العدسات
ومشكورين مقدما
وعذرا على الأطالة 😮
امممم مضبوط جونسووون وايد زينين وانا يناسبووني لانه عندي مشكلة الحساااسية
وجونسون وايد فرش ورطبين فكبداية لج انصحج تجربينهم والافضل تجربين اليومي وبعدين تجربين تبع 3 اشهرر
وان شاء الله خيير
حبوبة بس حبيت انصحك بنصحية قبل ما تروحين اي محل نظارات
المفروض تستشيرين طبيب لان ممكن عينك تكون فيها مثلا حساسية
من العدسات هذا اولا
وبعدين الطبية في انواع وتكون اغلبيتها الي موجودة في المحلات وفي شركات
تقوم بتصميم عدسة مخصصة لعينك وتناسب نظرك وانتي تحتاري نوعيتها اذا تبيها
لسنة او لستة اشهر او شهريا تغيرها او يوميا فاهمتني!!
بس ما تتاكدي من عدم اي مشاكل من لبس العدسة اختاري المحل واخذي معك
قيسا نظرك واطلبي يصمموا لك ااذا صعب تحصلي نفس نسب ضعف نظرك
صدقيني ما في اغلى من العين انا اختي كانت مثلك وراحت طبيب اسنان
والحين مرتاحة تتدفع لعدسة تصمم مخصصة لعينها ومناسبتنها
الشي الثاني طريقة لبسها صعب اي وحده تشرح لك حتى لو شرحت
صعب تنفيذها الا اذا سرتي الطبيب او احد من المحلات هما بيشرحوا لك
موفقة
اختي انتي لما تروحين محل قولي أبغى عدسات طبيه ملونه
بالنسبه لو تبين يوميه او شهريه هذا راجع لج
الماركات ((جونسون )) (( فريش لووك )) كلها اوكي مافيها شي
طريقة العنايه فيها وتنظيفها
العدسه لو كانت شهريه لازم تتقيدين بالمده لاتحتفظين فيها اكثر من شهر
وتبدأ صلاحيتها من اول ماتفتحين العلبه
ولازم كل يوم تتنظفين العلبه والعدسات سواء استعملتيها اولا ..
1-وقبل ماتلبسينها لازم تنظفين يدج بصابون غير معطر
2- تنظفين العلبه كل يوم وتنظفين العدسات بعد
3- لو لبستيها وحسيتي انج متضايقه هذا دليل انها مو نظيفه
طبعا عقب ماتغسلين يدج تحطين العدسه في باطن يدج وتصبين عليها من المحلول
وتحركينها بصبعج السبابه <<<<< اهم شي السبابه
وطريقه لبسها مااعرف شلون اشرح روحي المحل وإسألي علشان تعرفين الطريقه سهله لا صعبه ولا شي بتتعودين على لبسها بعدين
تحذير تحذير تحذير
1-تحملي تحملي تكونيني لابسه العدسات بالقرب من اي مصدر حرار
مثلا لو كنتي في المطبخ انتبهي من الفرن لاتفتحينه وانتي لابسه
عدسات ويمكن تتعودين بعدين عالعدسات وتنسين انج لابستها
فدايما تذكري هالشي
2-خلي دايما علبة العدسات والمحلول وياج في الشنطه من باب الاحتياط علشان تنظفينها يمكن تتضايقين منها لو كان الجو فيه غبار
3-وبعض العدسات يصير ترقدين فيهم وبعضهم لا
فأنا افضل انج تفسخينهم لما ترقدين
4-وانتبهي من العطور لو تعطرتي وانتي لابسه عدسات
5-البسي نظاره شمسيه
6-لاتلبسين عدسات لو كانت عينج تعاني من التهابات
7-وانتبهي من المنظفات الكيماويه لانها تتصاعد منها ابخره اللي
من السهل ان العدسه تمتص هالمواد
بإختصاااااااااااااااااااااااااااار
خليج عالنظاره ولاتلبسين عدسات 
ههههههههههههه امزح وياج