يابنات عروس الحلوات أنامشكلتي إنه إذاصلحت كيك مايضبط معاي ياإنه ينفش ويفرحني شوي وبعدين يهبط أويسيرثقيل
أبي منكم حل وطريقه روعه بمقاديرمضبوطه تكفون ياحلوات
ما بتكوني محمياة قبل تدخيل الكيكة بالفرن
ولذلك ضروري تحميه عند البدء بعمل الكيكة
أو انك بتفتحي الفرن قبل ما تستوي الكيكة وهذا غلط
ومقادير الكيكة وجربيها
5 بيضات -2كوب سكر-ملعقتين صغار فانيليا -كوب زيت -كوب حليب
-3كوب دقيق -ملعقة ونص كبيرة باكنج باودر
عزيزتي، تأكدي في البداية من حرارة الفرن، و سخنيه قبل خبز أي كيكة… و الحرارة المثالية هي 350 فهرنهايت = 180 مئوية… إلا إذا الطريقة اللي تسوينها تتطلب حرارة غير!
تأكدي من تاريخ صلاحية البيكنج باودر قبل الاستخدام!
و شوفي بعد طريقتج في خلط الكيك يمكن تكون هي سبب المشكلة!
يمكن تخلطين الكيك بالخلاط لمدة طويلة، ظناً منج إنه كل ما كثرنا خلط كل ما صارت الكيكة نافشة و هشة! صح أو لا؟!
كثرة الخلط تسبب تكون مادة الجلوتين في الطحين، و هذي مادة بروتينية صمغية.. و هي مطلوبة في العجاين، عشان كذا دايماً ينصحون بعجن العجينة لفترة طويلة حتى تتكون مادة الجلوتين، و هي اللي تخلي العجين مطاطي و في نفس الوقت متماسك!
أما الكيك لا! في البداية تقدرين تخلطين مقدار البيض و السكر إلى 4 دقايق، لكن بعد إضافة الطحين، اخلطي لحد ما تختفي كمية الطحين و خلاص وقفي!
و عندج بعد مقاس الصينية! يمكن تستخدمين صينية صغيرة أصغر من كمية خليط الكيك فما تنضج بالتساوي!
و حطي الكيكة في الرف الأوسط في الفرن، و تأكدي إنها ما تكون ملاصقة لباب أو جدران الفرن عشان توزيع الحرارة يكون بالتساوي…
و الكيك عادة ياخذ 45 دقيقة في الفرن، و انتي شوفي إذا الكيكة تحمرت و انفكت عن حواف الصينية يعني تشوفين فراغ بسيط بين أطراف الكيكة و الصينية، يعني خلاص الكيكة استوت!
و موفقة إن شاء الله F:
صلحت كيكه اليوم وتقريباضبطت من ناحية الشكل والمقادير بس أطمح أن أتفنن فيهافإذامافيه إزعاج أبي طرق مختلفه عشان أضبطها مابي أضبط طريقه وحده بس !
الله لايحرمني منكم يابنات عروس صدق إنكم (كفو)
مشكورين ياحلوات!!