خواتي ماخليت كتاب خليجي او بالنت عن برياني الربيان ماسويته بس الربيان ماينضج او فيه زفر ابي وحده تضبط البرياني تقولي مو تحطون روابط ابي شي مجرب
اخوي طالبه مني وما ابي اتفشل معا ربعه
وجزاكم الله خير
عقب ما تنظفين الربيان، حطي خلطه مكونه من الكركم والفلفل الأسود والملح والثوم والبصل وليمونه وزيت (حطيهم في الخلاط اول وبعدين صبيهم على الربيان..
خليه حوالي ساعه وبعدين، فوري ماي وحطي فيه الربيان وخليه من 5 لــ عشر دقايق بس (يعتمد على حجمه)..وبعدين شليه من الماي
حمري بصل مقطع وضيفي له بعدين ثوم وزنجبيل وقلبي شويه, وبعدين ضيفي الربيان (طبعا بدون الماي اللي سلقتيه فيه)
قلبي شويه وضيفي بهاراتج وحطي كزبرة مفرومه وشوية طماط مقطعتنه مكعبات..ممكن تضيفين قطع بطاط مسلوقه او خضرة مسلوقه (المثلجه) ولو تحبين الحار ممكن فلفل أخضر بعد…حطي مكعب ماجي مار الخضره وحطي ملح وشوية صلصة طماط لو تحبين….قلبي على نار هاديه
هاتي جدر وصبي فيه حوالي ملعقه او ملعقتين زيت وحطي ثلث العيش المسلوق…ضيفي نص الربيان
وحطي الثلث الثاني من العيش وفوقه باقي الربيان وألحين حطي باقي العيش وومكن تصبين ملعقة زبده او سمن سائل…حطي قطعة حديد تحت القدر وخليه على نار هااااااااااديه من 10 لـ ربع ساعه عشان يتسكر العيش,,,
ونصيحتي سوي حمسة الربيان وعقب سوي العيش عشان تضمنين انه يكون حااااااار وقت التقديم
وووووووووووووووووووبالعافيه عليكم
هذي طريقتي ..
وبالتوفيق
مشكوووووووووووره ياقلبي احس ريحته وصلتني..ماقصرتي
شمعه جلاس قطر…
كفيتي ووفيتي حبوبه بجربهم اكيد ربي يوفقكم
أقول لك الزفره حق الربيان ماااااااااااااااااتروحها غير الهيل ويفضل يكون مطحون + القرنفل الصحيح من غير طحن(يسمونه مسمار)….
أول شيء نظفي الربيان من القشر والرمل اللي بالظهر وغسليه بماء بارد وضعية في الطنجره وأضيفي ملعقة صغيره هيل مطحون بس مليانه شوي+ 5 أو 6 حبات قرنفل صحيح مع ماء غسيل الربيان (((يعني لا تكثري مااااي))) وخليه على النار حوالي 20 دقيقة .. ثم أستخدميه بأي طبخه…
بالعافية
أنا اللي حاطه الموضوع
………… جربيه وقولي أيش رأيك……بالعافية