عرايس اشحالكم عساكم طيبن
حبيباتي ما بطول عليكم ، والجواب باين من عنوانه فديتكم
يالغوالي خاطري اتفنن بالقهوة العربيه
ابوي يمووووووووووت فيها وخاطري يشربها من يدي
اريده اسمعه وهو يقول احلى قهوة شربتها في حياتي هي قهوتك هههههههههههه طماعه هع
جد والله بنات خاطري اتعلمها
فلا تحرموني من وصفاتكم ومساعدتكم
اختكم في الله xxx-meme-xxx
ومشكورة زوجي نايف على المساعدة
ماقصروا الاخوات افادوكي
الناس أذواق في القهوة، في اللي يحبها خفيفة و اللي يحبها ثقيلة، و في يحبونها بالبهارات و ناس يحبونها سادة… انتي شوفي أبوج يحب أي نوع و سوي له…
البداية من نوع القهوة، أفضل شي هرري، و على حسب تبين تحميصتها غامقة أو خفيفة أو نص و نص، و ممكن تاخذينها خضرا و انتي تحمصينها بالبيت و تطحنينها… الوالدة تسويها بالبيت بس أنا آخذها جاهزة لأنها تاخذ وقت إذا بتسوينها في البيت…
و عادةً أخذها مخلوطة وسط مع غامقة، و طريقتي إني أقيس مقدار الماي بدلة القهوة، يعني أصب في الدلة ماي و أزيد عليها شوية، و أرجع أصب الماي في ابريق القهوة و أول ما يغلي أضيف عليه القهوة، إذا الدلة كبيرة أنا أحط فنجالين و شوي إلى 3 فناجيل قهوة و إذا صغيرة يكفي فنجال واحد، و أحط مسمار إذا مطحون أحط قد ملعقة السكر الصغيرة و إذا حب أحط تقريباً 10 حبات، و أحط بعد زعفران، و أحياناً أحب أضيف زنجبيل بودرة بس شوي ما أكثر… في ناس يحبون يضيفون حليب أو كوفي ميت للقهوة بس شي بسيط يكفي يعطي لون بدون ما يبين الطعم… و بس غطي الابريق و خليها تغلي على نار عالية ربع ساعة بالضبط، و في الدلة طبعاً حطي هيل مطحون تقريباً ملعقتين صغار و وشوية زعفران، و بعدين "زلّي" القهوة زي ما نقول 
و عوافي إن شاء الله F:
بالتووووووفيق
وخليها تغلي لمده خمس دقائق تم احط عليه ملعقه هيل مطحون في وقته وهو السر الي تحطيه في الترمس اوتلاجه القهوه
ما شاء الله مشكورات العضوات ما قصرن بالمساعدة
لكن انتِ ما طليتِ على الموضوع