ساعدوني في عربة الأطفال وكرسي السيارة 2024.

الغاليه ماقلتي انتي من أي دوله و أي مدينه علشان البنات يفيدونج أكثر ..؟

بس على العموم فيه نوع من العربات يجي معاهم كرسي السياره مثل الطقم و يتركب عليه علشان اذا نام الطفل في السياره ما تضطرين اتشيلينه و يصحى .. يظل في كرسيه و تنقلين الكرسي و تركبينه على العربه .

شوفي في مذركير ممكن او بيبي شوب اذا عندكم .

السلام عليكم
تلقين الطقم في سنتربوينت ومذركير
شريت وحده لولدي بس احس اني ماستفة منها كبيره
اذا صفطتيها وما تصلح حق سفر

فيه نوعية من كراسي السيارة ممكن تنزليها عشان طفل حتى عمر ال 3 شهور..
وبعد ذلك فيه درجات ترفعينه شوي شوي كل ما يكبر الطفل..
وهذا الكرسي يكون في البداية مواجه للكرسي.. وبعد ذلك مواجه للامام..

اسئلي عنه في مذركير.. للاسف يوم اروح اشتريلي ما كان متوافر.. فرحت الاسواق العادية والحمدلله حصلت..

تحصلينهم بمذركير أو البيبي شوب،، يجي طقم كرسي السيارة مع العربة،، بس هذا إستخدامه لعمر السنة وبعدين تضطرين تشترين كرسي سيارة أكبر من عمر سنة لحد اربع سنوات….

عليكم السلام عزيزتي..برد على سؤالج و ان شاء الله رح افيدج..

بحط مجموعة صور للكراسي مع الفتره اللي ممكن تستخدم فيها ..

هذا النوع مناسب من سن الولاده إلى تسع شهور ,, أو إلين يوصل وزن الطفل 9 كيلوجرام ..
و في الأغلب يكون مواجه للخلف.. و ممكن بعد يتركب على كرسي السياره ( يجي طقم مع العربه)..

هذا النوع مناسب من 9 شهور إلى الـ 4 سنين.. أو 9 كيلو جرامات إلى 18 كيلو جرام ..و له قابلية
الانحناء لوضعيه النوم..

و هذا النوع للأولاد الكبار اللي أعمارهم من 4 إلى 11 تقريبا ..أو من 15 كيلوجرام إلى 36 كيلوجرام..

هذا بالنسبه لكراسي السياره … الرد الجاي بيكون عن العربات ان شاء الله..

نكمل ..

العربات..

النوع الأول عملي جدا .. أنا عني آخذها لعيالي.. خفيفه و ما تاخذ مساحه كبيره في دبة السياره..

ترفل سستم .. العربات الكبيره قويه .. و ممكن هذا النوع يجي العربه و الكرسه وياه..

عربات التوائم …

انتهى .. و اتمنى اني اكون افدتج..