كيف حالكن خواتي أمهات عروس ……؟؟
انا اليوم بكتب لكم مشكلتي مع بنتي ذات 6 سنوات انا عمري 26 سنة وصار لي 8 سنوات متزوجة وعندي ولد بعمر سنة و11 شهر .
بعد المقدمة الطويلة عني وعن قصة حياتي :pاشعر اني لم استطع ان اربي إبنتي كما يجب إبنتي من النوع المسيطر والمغرور تفهم وذكية جداً بشهادة معلماتها والآخرين ذهبت لرياض الأطفال بسن 3 سنوات تقريبا وكانت مثال الطفلة النشيطة والذكية والواعية وكان الكل وانا نشهد برجاحة عقلها كلنا نشعر بإنها اكبر من سنها حقا ً .
ذهبت إلى المدرسة هذا العام ولكني اشعر بإنها تغيرت ..!! تركيزها اصبح اقل !!! قدرتها على الحفظ اقل بكثير عن ذي قبل ..!! دائما تريد اللعب وتتحدث عن اللعب في الفسحة وتريد الذهاب للمدرسة فقط للعب تغيرت تغير جذري لا تهتم بشيء اسمه التعلم ..!
هل هذة فوبيا مدرسة مثلا ً ..؟
انا من النوع العصبي جدا ً ما ان تأتي من المدرسة حتى تنهمر عليها الأسئلة عن ماذا عطوكم اليوم ؟؟ شنو قالت المعلمة ؟؟ وشنو سويتوا ..؟ تقول لي علموني شيء بس نسيته ..!! قالوا لنا شيء بس نسيته .؟ انا اعرفه بس نسيته ؟؟ ! انا اعصابي انهارت بس لما تقول شنو سوت وفعلت في اللعب ما تنسى شيء ..!! وتعليقاتها على افعال الآخرين ما تنساها إلا فلانة سوت اليوم هلون .. إلا علانه اليوم ما تفهم إلا فلانة غبية ..!!
انا انصدمت في تصرفات بنتي طبعا ما تمالكت نفسي ابد .. وتعرفون اش صار :mad:ابي طريقة من خلالها اخليها ترجع كما كانت .. انا صرت اعايرها بذكائها ودوم اقول لها كنتي وين وصرتي وين ..؟ وهي تصيح وتبجي ..؟ تقول لي ما احب الدراسة واجد احب اللعب واجد والدراسة شوي ..؟ ! هل هذا تأثير الي راحت معاهم المدرسة ولا شلون .؟ مو عارفة يا امهات شوو صار لبنتي تغيرت كلش .؟ يا ريت لو وحدة تحاول تفهمني .؟
على فكرة انا صرت جافة معاها في التعامل وقاسية ساعدوني اخاف اضيع بنتي من خلال تصرفاتي ..
انا احس اني ضغطت عليها كثير .. بس ما ادري شنو الحل ..؟ ابي النصيحة والدعم منكم امهات حدي بضيع بنتي بإيدي ..
مشكورة ما تقصرين والله ..
حبيبتي انا تعبانه وخصوصا اني كمان ادرس بعد بالجامعة يعني كلش مخي احسه بينفجر .. ساعات اقول يمكن لأني الح عليها كثير .. ! يمكن لأني اضغط عليها .. ! فأقوي قلبي واتغاضى بس ما كو فايدة .. ما تتعظ والي يقهرني زود انها تنقهر إذا شافت وحدة اشطر منها تكرها كره العمى وتقول عن البنت غبيه وما تفهم .. بس ما تحاول انها تصير احسن منها .. تقهرني .. !
جربت انواع عديدة من الرشاوي .. يعني طريقة الوسائل جربتها معاها وإذا جمعت نقاط اكثر بتلقى الهدرية الي عدد النقاط .. بس احسها كلش بايعتها مو مهتمه ابد ..!
وهالشيء متعبني .. وخصوصا انها من 3 سنة روضة تغيرت لهلون يعني مو من الحين ..وصارت عنيفة مع اخوها الي اصغر منها ..!
انا بالصيف علمتها الاساسيات للتهيئة لها للمدرسة وكانت متقبله التعليم بس الحين ما ادري شنو فيها ..؟
ارجوكم والي يرحم والديكم .. ساعدوني بموت من القهر والاعصاب .
ما حبيت ادخل ولا ارد بس ادعي الله ان يهديها ويشرح صدرها للدراسة
بس نصيحه حبيبتي اذا هي أول سنة مدرسة فهذا شيء طبيعي ولاتخافين بس انتي تابعيها باستمرار وتواصلي مع معلمتها سواء كان بالتلفون او بالحضور وقت الفراغ اني ولدي حسون اللعام الفايت كان جدي ماخذ المدرسة كله لعب وكله يقول مادري ونسيت بس اني تمالكت نفسي مع اني من داخلي بركااان ههههه :mad:بس عشان لايكره الدراسة ظليت أسأله بحنية وخليته يفتح لي كل كتاب ويقول اذا سوو شيء او علموهم شيء ويتذكر شوي شوي وكان حركي حتى في الصف مجنن المدرس بحركته الزايده وماخذ الصف كل لعب وسوالف وصرت اقعد وياه وانتين بنتش لازم تتبعين وياها اسلوب الاقناع والحوار لانه ماشاء الله بنتش مثل ماتقولين ذكية وأكبر من سنها فما ينفع وياها الضرب او الصراخ بل الحوار وثم العقاب بحرمانها من اشياء تحبها اذا ماصارت اوكي…خصوصا اذا كانت نشيطة وحركية ففي بداية الايام لازم تنبهر بالمكان الجديد وتعتبره مثل كأنه مكان ترفيه وجمعة بنات بس انتين عليش الدور انه تخلينها سييييده وتفهمينها انه هالمكان للتعليم والفسحه بس للترفيه والاكل وقولي لها انه بعدين يعطونش شهاده وتقدير واوعديها بهديه تحبها في نهاية السنة لتشجيعها كبداية وان شاء الله الله يصبرش ههه لاني عارفة شعورش كمجربة :confused:… بس ابتعدي عن التهزيء والذم والصراخ لانها بتكرهه ترى اولادنا ياختي مو نفسنا نجي بالصراخ والضرب الاول ههه الحين ماشاء الله عليهم مخهم يوزن بلد فعليش بالحكمه ولاتحرجييينها قدااام احد اهم شيء عشان لاتخسرينها خلي هذا الشيء بينش وبينها … وراجعي وياها اول بأول عشان تعرف ان الشيء جدي …اني ولدي كان اذا اكتب وياه الواجب يصيح يقول تعبت واستمليت وايدي تعورني وخنافري تعورني هههههه تدرين جته فتره اللعام يصيح مايبي يروح المدرسة وكانت أكره ايام حياتي شععوري باليأس كان يقتلني :sick:لان كنت خايفه انه صاير له شيء في المدرسة بس الحمد لله رجع اوكي بس قلت له كلنا كنا جدي تبغي تصير ماتعرف تقرأ كأنك أهبل لو تحب تتعلم وتصير مهندس او دكتور يقول لي لا انا ابي ااصير نجااار وانبط من داخلي هههه وفهمته ان كل شيء له وقته اللهب له وقت والدراسة لها وقت يعني يصير تاكل عشا الظهر لااا كل شيء له وقته ولازم نستفيد وشوي شوي صار أحسن والله يعينا هالسنة بعد ههههه:thumbs_up:
خيتو مشكورة على الدعاء ما تقصرين ..
جزاك ِ الله خيرا
انا ادري انها مستخفه على المدرسة .. وقلت لها اني انا كنت بعد مستخفة على المدرسة قلتها بحقيقة شعوري .. قلت لها انا يوم رحت المدرسة من عطوني الكتب خرفت من الفرحة ورجعت البيت اطالع الكتب وانتظر بشوق يوم ثاني عشان اروح اتعلم واشوف البنات والعب وكنت احب انافس المتفوقات عشان اصير احسن منهم . .. بس كانت تستمع مني وتقول ليي اي ماما لأني انتين تحبين الدراسة ..( معناته تبي تقول إنها تكره الدراسة ..) قصدها نغزه ليي ..
بحاول اني قد ما اقدر اني ما اهزئها ولا اصرخ عليها بس شلون .؟. صرت من اعصب اقول استغفر الله واطلع من المكان الي هي فيه واروح مكان ثاني واحاول انسى الي صار وبعد فترة ارجع لها اكلمها بهدوء عن الي صار وانه غلط وانه الصح جدي وجدي وانا اكلمها ترد تقول شيء لو تسوي شيء غلط ورد اعصب وساعات اتغاضى ولكن معظم الأحيان الشيطان شاطر .. على فكرة انا بنتي قبل ما تروح المدرسة حسيت انها محسودة لأن دوم يقولون بنتج ذكية وشاطرة مو مثل اولادنا بنتج عليها عقل ما شاء الله وبنتك فنانة وتعرف كل شيء .. وياريت اولادنا مثلها وانا يا غافلين ليكم الله وما ادري انهم حسدوها حسبي الله عليهم ..
على العموم ام حسين 2024 .. الله يقويش ويساعدج في مهمتج وهي تربية اولادنا الي ما ادري اشلون اتافهم معاهم .. انا مع اولاد الآخرين اتفاهم بصورة طبيعية وسهلة ويحبوني ويحترموني ويتقبلون نصيحتي بس بنتي لا ما ادري ليش ما اقدر عليها ..!!
بس انتين غيري تصرفااتج و معااملتج اليهاا و خلج حنوونة معاهاا
و ابعدي كثر ماا تقدرين عن العصبية
و اقرأي عليهاا المعوذاات و آية الكرسي كل يووم مرة الصبح و مرة المغرب
و شجعيهاا ع طوول و طوولي باالج عليهاا و ان شااء الله بتتغير
و بالتوووفيق ان شااء الله
اختي ام مرام
عزيزتي قلت لك انا حاولت اغير من طبعي وتصرفاتي معاها بس عمدا ترجعني لحالتي الجنونية وإن شاء الله انا اقرء المعوذات عليها اثناء النوم بس بقرء عليها بالصبح وما تقصرين خيو مشكورة على نصيحتك وبجرب اصير حنونه وما اتأثر بالي تسويه .. وحنشوف
وينكم امهات عروس تعالوا هنا ساعدوني ارجوكم