امس كان موعد حمودي ولدي مال الفحص وطلع دمة 10.6 وقالت لي الدكتوره دمة ناقص انا استغربت اني ااكله واعطيه كل شي زين ماادري شسوي امس رجعت علطول سويت له كبدة وبروكلي بدون ولا شي وما حباه طلعه كله صاير يبي فيه طعم يعني ملح وبهارات وانا خايفه اروح الموعد الجاي ويطلع نفس الشي
ثانيا قالت لي أأكله لحم وانا سمعت ان اللحم يعطونه للي عمرهم 11 شهر وحمودي عمره 9 بس
ثالث شي قالت لي ان الروب يمتن الطفل لان حمود وزنه زايد بس انا اول مره اسمع ان الروب (الزبادي) يمتن اشوف لكبار الي يسوون ريجيم ياكلون روب ياليت الي تعرف تفيدني بلييير حدي محتاره
بالنسبة للدم الناقص انا بعد نجودة كان دمها ناقص
اكلي ولدج لحم عادي انا نجودة اكلتها لحم في الشهر التاسع
اخذي اللحم المفروم وخليه ينسلق على نار هادية وارمي فيه فص ثوم وشوية زيت زيتون " كل هذي الاشياء ضرورية للدم" وبعد ما تشوفين ان الماي خلص راح يكون اللحم استوى وعطي ولدج بصحة وعافية على قلبه
مشكوره ام شجاع تسلمين على الوصفه