وحابة استشيركم با الأطباق اللي راح اعملها …من ناحية انها تكفي وتجمل و اقدر اجهزها
مع العلم اني ما عندي شغالة ولا احد يساعدني ….
1- شوربة
2- مكرونة باشميل صينيتين وسط
3- ايدام مشكل او محاشي <<< محتارة ؟؟
4- صينية التوست محشية دجاج او منتو كذاب <<بعد محتارة <<صينيتين
5- سمبوسك مقلي
6- سبيرنغ رول جبنه اصابع
7-معجنات <<<يمكن احذفها اذا ماكان عندي وقت ما ادري
8- تبولة
9-سلطة الذرة والبطاطس
10- فتوش
11- حلى الشامواه
12- كنافة فناجين
13- كريمة كراميل
14- لقيمات <<<امي تعملها لي
وفول و حمص زوجي يجيبه من برى ……….
ها ايش رايكم تجمل وتكفي او لا ؟؟؟
طبعا عدد الأشخاص تقريبا ….9 رجال & 6 حريم
شو رايكم ايش في شي يحتاج له اضافة او حذف ….ترى اول مرة اعزم حريم ورجال ..با العادة بس رجاجيل …
اللي راح ان شاء الله اعمله با الليل هو الآتي :
احشي السنبوسك والسبيرنغ رول و الف اصابع النتو … واجهز قشطة الكنافة وممكن اذا مداني احشيها وافرزنها … واجهز صينية المكرونة بدون ما ادخلها الفرن … وكمان اقطع البقدونس للتبولة
وطبعا اسوي الكريمة والشامواه ….
ردوا علي بلييييييز قبل العشاء …
من رأي الأطباق اللي قلتيها كويسه وكافية لكن الحلا كثير(حلى الشامواه -كنافة فناجين – كريمة كراميل- لقيمات) أختاري أثنين منهم مثلاً أمك الله يخليها بتسوي قيمات و أنتي سوي نوع ثاني..
الله يجعلها عزومة خير ولا تنسينا من الصور الزينة عشان نشوف التطبيق
الله يوفقج
قبل العزيمة بيوم بالليل (جهزي الحلويات) لأنها كلما كانت أبرد كانت أحلى وبتظل بالثلاجة
وسوي نوعين حلويات بارده ونوع ما يحتاج تبريد مثل القطع الصغيره
وجهزي سفرتج ( صحون وملاعق وقلاصات)
يوم العزيمة الصبح جهزي المعجنات والسبرنغ رول والسمبوسه بس لف
وبعد ما أتكملين من المعجنات جهزي صواني معكرونة البشاميل وصينية التوست وحطي في الصينية الوحده حشوتين يعني نصها لحم ونصها دجاج مفروم أو مرتديلا وتركيهم على جنب
الظهر جهزي الرز مع الودام (دجاج ولحم أو ربيان)
العصر دخلي الصواني الفرن ، وفي هالفترة جهزي الشوربة والسلطات (قطعيهم بالقطاعة الكهربائية أسهل لج)
وبعدها إقلي السمبوسة والسبرنغ رول وبعد ما ترفعين الصواني من الفرن دخلي المعجنات أو البيتزا اللي خمرتيها من الصبح، ولا تنسين الشاي والقهوة والتمر.
إذا مشيتي على هالجدول ما اتصير الساعة خمس إلا إنتي جاهزة، جهزي سفرتج وراعي أن يكون كل شي مغطى عشان يحتفظ بحرارته، وإذا عندج أواني تحفظ الحرارة إستخدميها.
والحين عندج نص ساعة تروحين تسبحين واتجهزين نفسج.
وألف هنا وعافية وان شاء الله تبيضين الوجه
نفس كلامها انا ساعات اسوي البشاميل بليل وخليها بثلاجه واطلعه الظهر وادخلها الفرن لين قبل المغرب وسخنهاا بس وتطالع جنان كانها مسويته اليوم
بعد سوي كفته البطاطس مره سهله ترى
وسوي الحلى قبلها بيوم وسلطه سويها بنفس اليوم بس لاتحطين عليها صوص
عندي سلطه خفيفه دايم اسويها لرجالي حتى لوحطيتي عليها الصوص مارح تخترب بلعكس راح تتشرب الصوص اذا بغيتها بعطيك ايهاا
اولا الحلى سويه بالليل لو تسوين ببسيه بدال الكراميل لانها تشبها وتحطينهافي بايركس عند التقديم حطيها وقطعيها مربعات وهي بصينيتهاوكل وشخص ياخذ زي نظام البوفيه اريح لك
المجعنات سويها لانها تغني السفرة
ولو تسوين قشطيه هي زي الجبنيه سويها بالليل وفرزنيها وقليها وقت العزيمه .
موفقة اختي.
اختي قطاف انا ما راح اقدر اقوم بدري من الصباح …حدي على الساعة 12 ممكن …علشان هيك بعمل شغلي كله من الليل …وبا النهار اقلي وادخل الفرن والسلطات …
عزيزتي أنا بالنسبة اللي
المعجنات في رمضان بتكون ثقيلة على المعدة ولو بدك تعملي أسهل انك تعملي صينيتين بيتزا
لأنها المعجنات بتغلب وهي لحالها فكيف مع السفرة
واعملي نوع واحد صلطة انتي كاتبة فتوش و تبولة واسهل الك الفتوش أنا لما عزمت فرمت الخضار كلها وحطيتها بالثلاجة وحطيت فوقها النعنع الناشف والزعتلا والسماق وقبل الفطور بربع ساعة
حطيت الليمون والملح والزيت أما الخبز حطيته على الوجه وقبل خمس دقايق خلطته مع الخضار
ونصيحة اعملي رز لأنه سهل ومرغوب في رمضان
والسمبوسك جهزيها من الظهر وحطيها بالثلاجة واقليها قبل الأذان بشوي
وكل شيء بيرجع الك
وانا عامله حلا كثير مقلي لأني افكر اعمل نافورة الشيرة ….. عندي النافورة لكن ما ادري با الشيرة كيف ؟؟؟؟ راح اجربها الليلة واشوف …