عرايس انا استخدم حمام زيت للشعر واسمه hair treatment cream look’n cream اللي بالثوم شو رايكم زين ولا لاء …
لاني استخدمه وما احس انه منه فايده ما ادري يمكن طريقة استخدامي غلط ..
ممكن اتخبروني كيف …
لان احس شعرري صار خشن شوي من بعد ما كان ناعم … 🙁
ممكن ماناسبج يالغاليه انتي شوفي نتايجه وبتعرفين اذا يناسبج او لا
انا عني مره استخدمت زيت ثوم وسبب لي تساقط وعقبها ودرته وتووووووووووبه
الله يوفقج يارب
بس نصيحة شوفي زيت السمسم او زيت الزيتون ترا زينة حيل وبالتوفيق
<<<<<<< هاذي معادية كل الزيوت للشعر
انا فروة راسي تحرقني يوم احط عليها اي زيت ….
صارلين اكثر من سنتين ما احط اي زيت لشعري هههههههه
شامبو وبس.
ان شاء الله بفيدونج ومثل ما قالت الاخت اذا حسيتي انه مب اوكي وقفية
السلام عليكم ورحمة الله وبركاته
عزيزتي اكيد الطريقه مكتوبه على العلبه شوفي شوكاتبين عنه..
ومن الاسم يبين انه كريم للعنايه مش حمام زيت لان اذا حمام الزيت يعني Oil mask او Oil cream او شي فيه تركيبة زيت..
حبذا لو تحطين لنا صورة الكريم علشان يسهل علنا عملية البحث والرد الغاليه..
وعلى فكره يستخدم مره بالاسبوع شوفي انتي كم من مره تستخدمينه..
والسموحه على القصور..
وشكرا..
ام سعيده … مكتوب حمام زيت عليه … ولونه بنفسجي فاتح بحاول اصوره ان شاء الله بس كيف طريقه استخدامه …
وسؤال ثاني … ممكن اتخبريني شو اسم الكريم الللي يخلي الشعر رطب خخخ يعني لو احطي يبين انه مبلول
السلام عليكم ورحمة الله وبركاته
عزيزتي ابترياج تحطين الصوره علشان اقدر افيدج اكثر ان شاء الله..
وعن كريم يخلي الشعر كانه مبلول.. عندج بالمرز بس توزعين مسحات لان اذا كثرتي بيطلع جنه دهني.. خذي ال بالجوز الهند ولونه ابيض اخف شي..
وعندج كريم باراشوت وعندج ماركة ويللا كولكشنات رهيبه للشعر..
وشكرا..