السلام عليكم ورحمة الله وبركاته ..
كل عام وأنتم بخيييييييييير .. وتقبل الله منا ومنكم ..
عندي لكم ساندويتشات أحبها مرررررة .. على اني أول مرة أسويها
لا من جد دايم أسوي التونة بهالطريقة عالفطور وناكلها مع الخبز المفرود (العربي)
لكن هالمرة أول مرة أسويها بالتوست ..
المقادير:
علبة تونة بالزيت الحجم العادي
بصلة متوسطة الحجم مقطعة شرايح نحيفة
ربع حبة فلفل بارد أو حسب الرغبة مقطعة شرايح نحيفة أو مربعات صغاااار
رشة فلفل أسود
رشة فلفل أحمر
شوي ملح
كم قطرة ليمون تقريباً ملعقة صغيرة << وهذا هو السر
ملعقة كبيرة مايونيز
شوي بقدونس مفروم حسب الرغبة .. أنا ماحطيت هالمرة
الطريقة:
فكي التونة، وحطي زيتها في القدر
وحميه وحطي عليه البصل واحمسي الين يذبل
حطي الفلفل البارد واحمسيه شوي
وحطي التونة و فتتيها زين وحطي الفلفل الأسود والأحمر والملح
وحركي شوي .. وطفي النار ..
وحطي عصير الليمون (والبقدونس إذا كنتي تبين) وحركي، بعدين حطي المايونيز
وحركي شوي ..
الخلطة خلصت ..
نجي للتوست ..
قطعي أطراف التوست بعدين قصي نفس التوست بالنص يصير عندك مستطيلين أصغر
وحشيه أنا أضفت شرايح خيار لكن موب ضروري
وهذي الصورة ..
تسلمين حبيبتي على هالوصفة الرائعة
ومشكورة
وتسلم ايدج والله
تسلمي على الوصفه السهله
وبالعافيه عليكم مقدما
