هذا الموضوع اهداء مني للاخت همس القلوب بناء على طلبها في تنسيق غرفة المعيشة
على ذوقها في الالوان .. وماشاءالله الوانها روعه :clap:
ان شاءالله تعجبها الصاله .. والكل يستفيد يارب ..
نبـــدأ ..
1. الألوان
عندك خيارين وثنينهم احلى من بعض ..
اما تكون الالوان بهالشكل ..
او تكون بهالشكل
2. الصبغ
فكرتك عن الصبغ روعه نفس اللي كنت بقترحها عليك ..
جدار واحد زيتي والباقي بيج بس مايكون البيج الفاتح لا يكون البيج الرملي ..
3.الاثاث
الكنب عندك مشجر بزيتي واصفر غامق .. ، وفكرتك انك تشترين كراسي زيتيه وتحطينها
مع الطقم ..>>>>برافو 
تنسيق الكنب بيكون : الكنب المشجر تحطينه امام الجدار الزيتي وتحطين على الجدار لوحتين
جمب بعض او 3 لوحات جمب بعض
والكراسي الزيتيه تحطينها على الجمبين للطقم أو مقابله .. على حسب شكل الصاله عندك ..
زيني الكراسي الزيتية بمخدات ساده لونها اصفر ، والثانية احمر او برتقالي على حسب
الالوان اللي بتختارينها ..
وارمي علي الكراسي الزيتيه بعد ( ثرو ) يكون لونه اصفر او احمر او برتقالي المهم يكسر لون
المخدات اللي راح تحطينها على الكرسي ..
راح تلقين الكراسي الزيتيه في ( هومز ار اص ، حول الامارات شارع سلوى ، بيور شارع سلوى ،the one(
والمخدات والثرو تلاقينها في ( هوم سنتر ، the one )
4.الارضية و السجاد
الارضية سويها باركيه راقي وحلو للصالات وايد .. او سيراميك بلون الخشب ..على حسب الميزانيه
واختاري سجاد بسيط مايكون مشجر ابدا .. الا في حال اذا لقيتي نفس تشجيرة كنباتك تقريبا او قريبة منها
او سجاد بلونين احمر واصفر او برتقالي واصفر او لون واحد
لاتختارين زيتي ساده .. ممكن يكون داخل مع احد الالوان
او بيج ساده ( في البيت الامريكي تلاقين قطع سجاد بيج حلو وايد مثل الفرو او الريش )
مثل هذا
وهذي قطع صغيره بنفس الفكره
وكارفور بعد عندهم قطع سجاد حلوة وايد
5. اللوحات
احب اللوحات في الغرف تعطي منظر جميل جدا جدا .. بصراحه من المكملات اللي تحلي المكان
اختاري مجموعه لوحات عن الطبيعه او ورود .. والوانها متناسقة مع الالوان اللي بتختارينها
ونسقيها فوق الكنب على الجدار الزيتي بهالطريقة
او لوحه وحده معبره
او 3 لوحات بحجم متوسط او صغير وتعلقينهم بهالطريقة
تلاقين اللوحات في ( هوم سنتر لوحات حلوة وايد واسعارها حلوة )
6. الاكسسوارات
اعتمدي الازهار ، واختاري فازة شفافه وحطي فيها ازهار بالوان مختلفة برتقالي و اصفر و احمر
اما تحطينها على الطاولة .. او تحطينها فوق رف خشبي يكون معلق على الطوفة ..
او فازة زيتيه وفيها ورود بالوان مختلفه وافضل الاصفر مثل هالصورة
7. نباتات الزينة
انصحك ماتهملين هالنباتات في صالتك وخصوصا ان الوان صالتك الوان الطبيعه والخضار
عندك خيارين اما نباتات طبيعيه بس لازم تهتمين فيهم وماتهملينهم ابدا .
وتلاقينهم في المشاتل
او نباتات زينة وبعد في اشكال روعه منهم وكأنهم طبيعي ..
تلاقينهم في بيت الروائع في شارع سلوى
هذا مخطط بسيط لفكرتي كلها
هذي بعض افكار غرف المعيشه ان شاءالله تعجبك
شوفي فكره صبغ جدار واحد فقط والكراسي بنفس لون الجدرا تكون مواجهه له وايد حلوة لفكره الصبغ الزيتي
والكراسي الزيتيه
وهنا فكره الكراسي ساده وكرسي مشجر نفس فكرتك بس العكس
شوفي فكره اللوحات في الغرفه روعه
ولاحظي الارضية والسجاد
شوفي النباتات شلون رهيبه وروعه في الصالة .. لاتفوتينها
فكره الاضاءه جميلة حلوة وستايل
ما شاء الله
بصراحة ابدعتي :clap:
ما اقدر اوصف لج شقد مستانسة ، كنت بشكرج في رسالة خاصة
بس قلت احسن اشكرج على العام تقديرا لجهودج..
والله شغل ولا أروع وذوق ولا أحلى .. والله إنج كفيتي ووفيتي
وما نسيتي شي أبد.. وساعدتيني وايد..
الله يجزيج كل خير وينولج اللي في بالج ويجعل الخير في طريجج دايم إن شاء الله..
واكيد باقي البنات بيستفيدون من الموضوع بعد..
كل شي ابيه ذكرتيه بالموضوع وما خليتي لي مجال أسأل اي سؤال :2_106:
عجبني الخيار الاول
وكان خاطري اركب باركيه فعلا وايد حلو وراقي بس للأسف أن الصالة مركبين فيها رخام..
التعديل الثاني مستقبلا ان شاء الله يكون باركيه :2_22:
كنت بسألج عن شي وباخذ رايج فيه <<< غصب تسأل :dd:
أنا شفت ردج في احد المواضيع وذكرتي فكرة سجاد الحائط
على واحد من الطوف حاطين صندوق الكهربا فكنت محتارة بشنو اغطيه،
فشفت فكرتج عجبتني.. شرايج؟؟ حل زين ولا عندج فكرة ثانية..؟؟
واذا الحل زين، وين أحصل سجاد الحائط هذا؟؟
شاقول وشاخلي بصراحة عاجزة عن التعبير ، بس البنات إن شاء الله ما راح يقصرون
وأكيد بيعجبهم الموضوع ، وكل رد بيعبر لج عن اللي ابي اقوله :B_wink:
الله يعطيج العافية وربي يسلم هاليدين ويرزقهم من نعيمه..
إن شاء الله أول ما تتم التعديلات راح اطرش لج صور بس ادعي لي ان الله ييسر لي اموري :B_wink:
مشكوووووورة مليون مرة
ولج اطيب تحية
:9_33:
عن جد اللون الزيتي بدرجاته من الأخضر العشبي إلى الدرجة الزيتونية .. رائـــــــــــــــع
أنا صالتي الأثاث خشبي و الألوان بيج و أخضر عشبي :B_wink:
و عجبتني هالصورة كثيـــــــــــــــــــــــــــــــر :clap:
شلون عن الستاير؟؟؟ سادة ولا مشجرة؟؟ واي لون؟؟
وسؤال ثاني، يصير ادخل معاهم الاخضر التفاحي ؟؟ في الاكسسوار مثلا؟؟
شرايج؟؟ 
_smil1:
 |
اقتباس |  |
 |
المشاركة الأساسية كتبها ~¤¦¦§¦¦¤~ جود_الحزن ~¤¦¦§¦¦¤~  |
 |
 |
| ماشاءالله رووووعة | ||
 |
 |
شكرا عزيزتي على مرورك الطيب
حبيبتي الحمدلله ان الغرفة عجبتج .. ومشكورة وااايد يالغالية على الدعوه الطيبة منج ..
بالنسبة لصندوق الكهربا .. اي فكرة وايد حلوة تحطين عليه سجاد الحائط بس لاتحطين لوحات
اذا بتحطينه لو كانت الصاله صغيره .. وخلي السجاد يكون متناسق مع الكنب يعني بعد يعبر عن الطبيعه
اذا الغرفة كبيرة حطي لوحات عادي ..
وتقدرين بعد ترسمين على الصندوق نقشات او رسمه تخلينه كأنه لوحه بارزة
بالنسبة للستارة .. افضلها مشجرة رومانية في الوسط وعلى الجمبين شيفون ساده
اتمنى فهمتي قصدي لو مافهمتي قوليلي علشان ادور لك صورة توضح ..
ممممم الاخضر التفاحي .. !! شنو نوع الاكسسوار اللي تقصدينه ؟
بالتوفيق يارب
ايه فهمت قصدج بخصوص الستارة ..
بس ما قلتي لي وين أحصل سجاد الحائط؟؟ :think:
ولج جزيل الشكر مرة ثانية :9_33: