سفيد آب فوائده استعماله طريقة عمله في البيت 2024.

سفيد آب فوائده استعماله طريقة عمله في البيت

بسم الله الرحمن الرحيم

هلا بكل حلوات منتدى عروس الغالي
اول شي خلي اقولكم شنو فوائد السفيد أب
ماكو وحده ايرانيه تقدر تستغني عنه مو بس الايرانيات حتى كل نساء و بنات المناطق الشماليه في العراق و آني واحده منهم
الهل سبب نشوف صفاء و نضاره و بياض البشره عندهم
السفيد آب انحوطه على الوجه و الرقبه قبل ما نبدي بنزع الشعر لأن يخفف الألم و يسهل على نزع الشعر و ما تطلع حبوب بعد الحف بلخيط مو بلحلاوه
بلليل نحوطه على الوجه و انام فيه الصبح نغسله بلماي و الصابون يطلع الوجه صافي و مورد أني كل ليله أخلي على وجهي بس لازم تخلطي بماي الورد حتى يصير مثل الكريمه و بعدين تحطينه على الوجه

حتى نحوطه على المنطقه الحساسه و مع الوقت تشوفين بياض و نعومه ما توصف

سفيد آب كلمه ايرانيه معناها الماء الأبيض للعلم يس أوكي ؟
زين شلون نسوي سفيد آب و احنا جالسين في البيت و ما نصرف فلوس ؟
لقولكم أني شلون على بركة الله نبدي
قشور بيض ما نرميها جمعيها و غسليها بلماي زين وحطيها في قنينه زجاجيه كبيره و بعدين ضيفي فوقه ماي بارد و كميه من الملح غطي القنينه و اتركيها لمدة عشرة 10 ايام

ملاحظه,,,,تقدرين تقيسين الملوحه المناسبه بحيث ما يكون اكثر من المطلوب و لا اقل املي قدر بلماي و حطي كميه من الملح و خلطي زين وحطي بيضه نيه بدون ما تكسريها و شوفيها أذا طافت فوق يعني الملح قليل و أذا نزلت للقاع يعني الملح مناسب

نرجع لقشور بعد 10 ايام نطلعه من الماي و نغسلها بلماي البارد و نحوطها على صينيه مفروشه بقطعة قماش ونتركها كم يوم حتى تنشف
بعد ما تنشف نطحنها جيدا و ننخلها و نحوطها في أي قنينه نظيفه و نستعملها عادي
نحوط ماي ورد بس للكميه ألي نحتجها بس الباقي نحتفض بي ناشف مثل البودره
أتمنى تستفيدون منه و يعجبكم يا رب

تسلمين اختي

انا استخدم صابونه السفيد اب من فترة …. ونتايجها جدا حلوة

°ˆ~*¤®§(*§*)§®¤*~ˆ°[CENTER]مرحبااااااا

تسلمين عزيزتي NARDEEN عالوصفة الرائعة ..

بالفعلا سفيد آب رائعة عند استخدامه خاصة عند عملا حمام بخار ..

ودمتم موفقين ..°ˆ~*¤®§(*§*)§®¤*~ˆ°

تسلمي عزيزتي على الوصفة ..يعطيكي الف عافية .. بس بصراحة يبيلها سالفة وانا ما عندي وقت ممكن نقدر نشتريها جاهزه ولا لا ..؟؟

السلام عليكم ورحمة الله وبركاته

يعطيج العافيه يالغاليه NARDEEN

بصراحه انا آخذ من عند العطار السفيد آب .. يكون على شكل كور لونها فاتح يعني ابيض على رمادي او على بيج مرات … مجرد اني امسك الكوره في ايدي تنكسر بسهوله وتتفتفت وبعد ما اتسبح اتكون مسامات البشره مفتوحه احط على ويهي منه مثل البودره مع شويت ماي عادي وافرك ويهي على خفيف وعقب اغسله .. بس طريقتج مع ماي الورد عجبتني … والسؤال هو:
هل هو نفسه السفيد آب اللي تقصيدنه ؟؟؟ يعني اللي آخذه من عند العطار مافيه مشكله ؟؟
واذا جربته بماي الورد بينفع ؟؟؟ للعلم اني اسمع مرات يقولون ان البشره الدهنيه استخذدموا لها ماي الورد بس !!
وجزاج الله ألف خير
أختكم
قـــــــــــــــــايدة الفيـــــــــــــــــــعه

هلا اختي .. مشكوره ..

انا من العام المااضي في الصيف .. قلت الى نااس اعرفهم يااخذو الي من ايراان ..

ولاااشافته هناااك ماادري ليشش ..

بسسس ….ز

بقووم بالبديل اللي له ..

مشكوره ومااقصرتي اختي .. تحياتي

حبيبتي اكتبو لنا اسمها بالانكليزي وشنو تسمى عند الدول الامريكيه والاوروبيه لاني عايشه بره الخليج ….
ياليت تكتبون اسمها بالانكليزي

flooona
شكرا على مرورك عزيزتي

طيف الورد
تتدللين ورده صح هو حلو مع الحمام البخاري بس ألي يكون على شكل اقراص

tayma
اشكرك عمري طبعا تقدرين تشترينه من بره نفس الشي

قايده الفيعه
هلا بيج عزيزتي شوفي الاقراص نفس السفيد آب بس الاقراص تستعمل للجسم كله في الحمام البخار أو الحمام العادي اما السفيد آب يستعمل لوجه و الرقبه مع ماي ورد بس يستعمل و هو ناشف يعني بدون ماي ورد لكل الجسم قبل نزع الشعر لتخفيف ألألم و منع ظهور الحبوب

أبتسام العمر
هههههه شلون ما شافوا بأيران ؟؟ هناك حتى الأطفال يعرفو لووول سوي طريقتي وما تخسرين شي

De3LaT_7aBeBY
عمري هذا أنتاج أيراني الأنكليز بعدهم ما أكتشفوا هههههه والله ما أعرف شنو أسمه بلأنكليزي و يمكن أصلا ماكو لا في أمريكا ولا أوربا لأن آني بعد عايشه في أوربا و ما لقيته

مشكورة يا عمرى على طريقتك انا راح اجربة من العطار او اشترى صابونة سفيد اب احسن لستخدامة فى الصباح واليليل:smile: