كيف حالكم خواتي؟؟؟ ان شاء الله الجميع بخير….
اليوم موضوعي عن غسيل الملابس وخصوصا" اني اشوف كثير من التساؤلات عن كيف نخلي الملابس البيضا ناصعه البياض …؟؟ وكيف نحافظ على اللوان الملابس الملونه زاهيه…؟؟؟ غير الأسئله اللي عن غسيل الملابس الداخليه وملابس الاطفال وووو…..
أنا طبعا" مو خبيره لكن ماشي حالي وانا اغسل ثيابي وثياب زوجي وبنتي والحمدلله ماعندي مشكله…..
راح ابتدي موضوع اليوم اللي بيكون عن الملابس البيضا وراح أخلي الملابس الملونه ملابس الأطفال الملابس الرقيقه والداخليه في مواضيع منفصله… الله يقدرني على كتابتها…… ( أدعولي الله يسهل علي ولادتي ويقومني بالسلامه ويعطيني طفل كامل الخلق والخ‘لق )
ملاحظه: انا غسالتي ال جي اوتوماتيك اللي تتعبى من فوق سعه 7.5 كيلو وراح يكون شرحي على أساس هالغساله وهالحموله,,,..
نبدأ بالملابس …
بسم الله….
أو ل شي من المهم تقسيم الملابس على حسب اللون… أنا أقسمها أربعه أقسام…
1. الملابس البيضا…
2. الملابس الملونه الفاتحه
3. الملابس الغامقه والجينزات
4. الملابس الحساسه أو اللي تحتاج غسيل منفصل لانها ممكن تنزل لون….
طبعا" أول خطوه تسوينها لما تغسلين قطعه لاول مره هو انج تقرينه الورقه اللي عليها تعليمات الغسيل لان في بعض الملابس ما ينفع تنغسل ألا غسيل جاف وحرام تخربينها بس لأن تكيسلتي تقرين….. غير كذا انا انصح ان اي قطعه تنغسل أول مره تنغسل بروحها لان وايد قطع تنزل لون أول كم غسله….
نبدي بغسيل الملابس البيضا….
هذي عدتي في غسيل اللون الابيض……
أهم نقطه تعلمتها انج لازم تحطين كميه كافيه من مسحوق الغسيل عشان يخلي الملابس بياضها ناصع
مع العلم اني ما استخدم الكلوركس( المبيض ) الا في حالات معينه راح اذكرها فالأخير
تعبين الغساله بالماي وتحطين 3 أكواب من من مسحوق الغسيل ومكيال واحد من فانيش للملابس البيضاء
وتشغلين عليهم الغساله…
أذا كنت بتغسلين طواقي معاهم خليهم في كيس الغسيل….( عشان يحافظ عليهم…)
واذا ما عندج كيس غسيل لازم تشترين لانهم روعه ويفكونج من غسيل اليد
ملاحظه: أذا لا حظتي أن الثياب نظافتها مو زي ما تبين زيدي كميه مسحوق الغسيل..
النيله أنا ما أستخدمها وايد لكني أذا بستخدمها
أعبي الغساله ماي وأحط فيها أربع أو خمس نقاط من النيله السايله…
واتأكد انها انخلطت زين بعدين أحط الثياب وأخليها تنقع نص ساعه بعدين اشغل الغساله عليها غسيل عادي
عدت أزاله البقعه….
طبعا" هذي عدت الطوارئ فالغالب أستخدم للبقع فالملابس البيضا الكلوركس والباقي حق الملونه…. وبتيي فالمواضيع القادمه ان شاء الله
احط الكلوركس على البقعه واخلها نص ساعه وبعدين اغسلها عادي….
طبعا" أغلب البقع تروح … بس في بقع بالنسبه لي مستحيل ازالتها حاليا" ( عندي أمل أكتشف لها حل فيوم من الايام)
مثل بقع المناكير والشاي بالحليب والصدأ
أتمنى انه يفيد ولو بنت وحده
تحياتي للجميع وانتظروا بقيه السلسله
أختكم بكيفي أحبه
/
::
يعطيتج العافيه خيتو
وصابون الوزير روووعه قليله فيه
دايم استخدمه ع الملابس تعطي نظافه وريحه مو طبيعيه
/
::
انا اعاني من الملابس ماتطلع بيضا مع اني استخدمت انواع مختلفة من الصابون تايد وبونكس واومو وانقعهم احيانا ونفس الشي تطلع صفراء تنصحيني استخدم النيلة ولا كيف..؟؟
تحياتي لك
تسلمين حبيبتي .. و ننتظر باقي السلسلة .. رووووعه ما شاء الله عليك و بكون متابعة لك اول بأول ان شاء الله ..
وننتظر الباقي بحماس ..
بس ياليت تساعدوني عندي سؤال / كيف تستخدمو صابون الوزير ؟؟
وفي ايش تستخدموه لاني مااقد استخدمةالا في المطبخ !!؟؟
اني عندي ملابس بتي احسها البقع ماتطير
الدهون وغيره
 |
اقتباس |  |
 |
المشاركة الأساسية كتبها امنيه  |
 |
 |
| موضوعك حلو غاليتي
انا اعاني من الملابس ماتطلع بيضا مع اني استخدمت انواع مختلفة من الصابون تايد وبونكس واومو وانقعهم احيانا ونفس الشي تطلع صفراء تنصحيني استخدم النيلة ولا كيف..؟؟ تحياتي لك |
||
 |
 |
شوفي ياعمري انا ما عمري عانيت من اصفرار الملابس بس كبدايه بقولك ابتعدي عن الكلوركس وجربي تزيدين كميه الصابون وتستخدمين فانيش للملابس البيضا وبين فتره وفتره استخدمي النيله
بس عندي ملاحظه انتي يمكن تنعقين الملابس فتره طويله والافضل انها ما تتجاوز النص ساعه…..