سلطه السيزر احلى من اللي في المطعم 2024.

السلام عليكم ورحمة الله وبركاته

المقادير:

1- خس امريكي

2- صوص جاهز (( سيزر صوص))

3- قطع خبز تباع جاهز بالسوبر ماركت اوتقطعين التوست مربعات وتدهنيها بالزبده وتحمصينها بالفرن لين يصير لونها ذهبي

4- صدور الدجاج

5-جبنه بارميزان

الطريقه:

1- تقطعين الدجاج قطع طوليه ونحيفه وتقلينها بالزبده على نار هادئه

2- تضيفين ملح وفلفل اسود وقليل من الصوص الى ان ينضج

3- تقطعين الخس قطع كبيره وتضيفينه الى الدجاج وتضيفين الخبز وايضآ الصوص

4- تضعينهم بطبق التقديم وترشين على الوجه جبنه بارميزان

طريقه اخرى:

المقادير خس عادي

خبز توست مقطع مربعات ومحمص

جبن بارميزان

زعتر مجفف

1 ملعقه صغيره ماسترده (( خردل))

3 او4 ملاعق كبيره مايونيز على حسب كميه الخس

قليل من عصير الليمون او ملعقه كبيره خل

رشه فلفل اسود

فص ثوم

الطريقه:

1- يقطع الخس قطع كبيره وتخلط الماسترد والمايونيز والزعتر المجفف والليمون والفلفل الاسود والثوم المطحون نضيف الصوص للخس المقطع ومبشور جبنه بارميزان وتخلط جيدآ

2- نضعه في صحن تقديم ويزين بالزعتر المجفف وجبنه بارميزان والتوست المحمص

الطريقه هذه افضل من الطريقه الاولى

وبالهناء والعافيه

[frame="2 80"]تسلم الأيادي
دلوعه زوجها (ان شاء الله على طول مش سنه بس):yes:
انا اموووووووت على السلطات راح أجربهم 🙂
والله يعطيج العافيه[/frame]

تسلم الايادي ياقمر

منوه القلب الله يخليك يارب وبالعافيه

kholoud_sa

الله يسلمك يا عيوني وبالعافيه