مرحبا بكل الامهات (أعضاوات) عروس
وحبيت اشارككم بالسماعة اللي اخذتها حق بنوتتي
سألت اختي لان كانت ماخذة حق ولدها من محل (ون مول) اللي في عراد
والحمدلله عندها من فترة وتشتغل تمام التمام بـ 19.900 دينار
مع العلم انها جربت ثنتين قبلها كانت ماخذتهم من (مذر كير سنتربوينت) لكنهم ما نفعو كلش:042:
ولقى عندهم ماركة جيباس وسعرها في حدود 12 دينار
والحمدلله الحين استخدمها على طول .. شغالة من احسن ما يكون
وهاي صورتها
يسمع الصوت والا لا؟
بس للأمانة …
الجهاز المرسل لازم اشغله وارد اصكه وارد اشغله مرة ثانية ويوصل الصوت بدوووون اي مشاكل
(مع ان السماعة تشتغل .. بس قلبي ما يهياني .. كل شوي اطل عليها واتصوّخ)
حابين تخبروننا عن السماعات اللي استخدمتوها؟
من وين؟
عندكم صورة لها؟
بجم؟
شغالة تمام؟
لكن حتى الهمس تسمعينه يعني اول ما يقعد ولدش راح تسمعينة
ويلقط لمسافة 500 متر
بس هالاجهزة تستفيدين منها وااااااااااايد
انا ما استخدمت هالجهاز..كله احب اطل ع ولدي بروحي
بس الحين اخترب ما ادري اشفية ومو عااارفة وين اودية يصلحوونة
وعملي عدل ..
وبالعافيه الجهااز..!
عني مااخذت لبنتي لان كل 5 دقايق أو أقل اروح أطل عليها
ههههههههه
لكن أخذت جهاز لولدي
لان صرت مضطره أجلس مع بنتي بره وهو بالغرفه مسكر عليه الباب فأخاف مااسمعه <<كأني قلت قصة حياتي ههههههه
المهم استفدت منه واجد بحاول اصوره لش ان شاء الله
وصوته واضح جدا واي دقه تسمعيها حتى لو صوت نفس الطفل
ولو صاح الطفل يطلع لش لمبات مستويات تزيد عدد اللمبات الصفران لين مايوصلوا للحمران في حالة بكاة الطفل بشده
وسعره 500 وشوي
بتأكد منه وبرجع ان شاء الله
اني استخدم شيكو ممتاز وواضح ومن مميزاته ان مو بس انتين تسمعين البيبي حتى البيبي يقدر يسمعك وسعره 70 دينار بس اخذته في التخفيضات بـ35
يعطيكم الف عافية ومنكم نستفيد
الخرفشه تسمعينها
وشغل اضاء ه للبيبي اذا تبين
والبيبي يسمعك وتحاكينه
ويبين درجة حرارة الغرفه
واضح الى 300 متر
يعني واضح في كل مكان