ان شاء الله كلكم بخير
سمره متبقعه بشرتها مو جذابه ابي وحده بهالمواصفات
ابغى حل بنت كانت بهذي المواصفات وتغيرت الى بياض ولون واحد وبشرة جميله
؟؟
انتظركم
وعليج السلام ورحمة الله وبركاته
حبيبتي باين من طريقة عرضج كثر الضيقه الي انتي حاسه فيها بسبب بشرتج وترى هالشي يلعب دور كبير في صفاء البشره
وعشان اهون عليج اغلب البنات في الدول الغربيه ولبنان يشترون السمار بفلوس وما يحصل لهم
أحمدي الله سبحانه على هالنعمه وترى والله انه نعمه كفايه انه يحمي من سرطان الجلد اسم الله على السامعين وغير ان مانكتبت احلى القصايد الا في السمر وشتبين بعد احلى من كذا
أما الشي الي انتي محتاجته هو رونق للبشره الي يجي من توحيد لونها وصفاءها وهالشي مب صعب بس محتاج اهتمام ومداومة على روتين يومي وان شاء الله تشوفين نتيجه تسرج
حبيبتي في كريمات كثيره مع الغسول مالهم من نفس الشركة يعطي هالنتيجه وان شاء الله البنات مب مقصرين معاج وانا عن نفسي استخدمت كريم الصويا من روك وكانت له نتيجه حلوه بس محتاج معاه جدول للماسكات الطبيعيه الي بتحصلينها في المنتدى
واسمحيلي فديتج على الاطاله
أختج : ريــــــــــــــــنا
حياك الله ويجزاك خير ويحفظك
اشكرج على مرورج الكريم نورتي والله واسعدتيني فيه
حصلت من كلامج افاده ومعلومات لا غبار عليها
بس الكلام بموضوع اللون يطول
الحين مايجيك رجال خليجي يبغى بنت سمره
والمشكله اذا كانت سمره وبشرتها مو جذابه يعني سمرتها مو زينه
وفيه تبقع الخ
والحمدالله على كل حال
بمشي على نصيحتك المداومه اليوميه في الاعتناء في البشره
ودي اسمع خلطات او كريمات من تجارب مضمونه
حبيبتي والله الكريمات والخرابيط الطبية لاتنفع ولاشي انا عن نفسي حطيت معاشي كله من طبيب لي طبيب ومانفع معاي شي الحمدلله بشرتي بس حبوب شباب خفيفه بعدين لجأت للطبيعة بجد كل شي طبيعي روعة للبشرة والكل لاحظ ويقولي متغيره يارب لك الحمد والفضل يرجع الى:
حلبة + قشر الرمان + عسل طبيعي لمدة ساعة على البشرة = نضارة وصفاء ويخفي آثار الحبوب
ماء ورد + سفيد اب قبل النوم والصباح تغسلينه = بياض للبشرة الكل يسألني عن السر
والحمدلله على الاشياء هذي مرتاحه انا واتمنى اني افدتج واسفه على الاطالة
تشاو تشاو
الله يديم عليج الراحه يا الغاليه ويوفقك
يجزاك الله خير على المرور الطيب
افدتيني وان شاء الله بمشي بنصيحتك
ياليت بالمزيد
بس تبين الصراحه انا كسووووووووووله المفروض اراجعها وانا سحبت ولا رحت بس قريبا ان شاءالله رايحه دعوااااااااتك
مشكورات بنااااااااات
ماتقصرون يجزاكم خيييييييييييييييييير