سلام عليكم ورحمة الله وبركاته
مقادير جوكلت ووبي بايز"Chocolate Whoopie Pies" من مطبخي
3ونص كوب دقيق
ملعقة كوب ملح
1ونص كوب كاكاو بودرة
1ملعة اكل بيكنج صودا
1ملعقة كوب بيكنج باودر
8 ملاعق زبد بحرارة الغرفة
كوبين سكر
بيضتين
كوبين حليب
2 ملعقة كوب فانيلا
طريقة العمل:
اولا نسحن الفرن لدرجة 400 F
نخلط الطحين , ملح , بيكنج صودا, بيكنج باودر و الكاكاو في طاسة
في طاسة ثانية نخلط الزبدة مع السكر وبعدين نضيف البيض بس بالتدريج مو كلها سوى
الى ان يكون شكلهم كذا
نضيف الحليب والفانيلا ونخلط بشكل جيد
الافضل تستخدمون خلاط كهربائي اني ولدي كان نايم خفت استخدمه ويصحى:worn_out:
بعد ماخلطانهم بشكل جيد
مضيف خلطة الطحين على خلطة الحليب
ونخفق بشكل جيد جيد
الخلطة تكون ثقيلة ولزجة ايدي تعبت :worn_out:
نجيب القالب ونفرشه ورق قصدير
استخدمت ورق دهني من قبل بس ماادري ليش التصق :thumbs_down: فقررت استخدم قصدير
وباستخدام ملعقة ايس كريم ناخذ شوية من العجين ونحطه عالقالب على شكل كور
وندخلهم للفرن لمدة 12 دقيقة لا اكثر
وهذا بعد ماطلعوا من الفرن
احب التشققات اللي عالفيس :adore:
وريحة المطبخ كاكاو :adore:
نتركهم بالقالب 10 دقايق بدون مانحركهم عشان يتماسكو
وببعدين ننقلهم على شبك تبريد عشان يبردوا بالكامل اني خليتهم تخت المكيف خخ
نجهز الحشوة:
عندكم خيارين حشو
حشوة مارشميلو : زبد سكر فانيلا مارشميلو
بعد ماتسيحون المارشميلوز بالميكروويف تخلطونهم مع باقي المواد وتحشون البسكويت
والحشوة الثانية اللي اني استخدمتها هي
بالكريم جيز
226 غم جبنة فلدلفيا
5 ملاعق زبده
2 ملعقة كوب فانيلا
2ونص كوب سكر
كوب جوكلت تشب هيرشي
مكسرات حسب الرغبة
اهم شي الزبده والجبن يكونو بحرارة الغرفة
نخلطهم بالخلاط
بعدين نضيف السكر والفانيلا
ونسيح الجوكلت بالميكروويف ونضيفه على خلطة الجبن
استخدمت لوز
اول شي طحنته وضفته للكريمة
مايحتاج تستخدمين اكياس الكريم او حلواني ماادري شنو تسمونه
استخدمت كيس عادي وسويت فيه ثقب
بعد ما بردت الكوكيز بشكل كامل
نحاول مانكثر من الكريم
وهذا بعد ماخليت الطبقة الثانية
كملت العدد
طبعا اني سويت الكوكيز حجم كبير عشان اخلص بسرعة :p
يعني اللي فاضية تقدر تعملهم اصغر
للتعذيب
صورة اقرب
بدون فلاش
وبالفلاش 
طبعا البسكويت يكون هش مثل الكيك
والطعم جوكلت x جوكلت :adore:
جربوه راح يستانسون الاطفال عليه مثل ما زوجي استانس
انتظر ردودكم وتجاربكم 😉
في امان الله
تذكرت بعد ما نزلت الموضوع ههههه
ملاحظة:اللي حابة تضبط المقادير
الافضل تستخدم معالق واكواب خاصة للقياس
لان معالق واكواب العادية مو مضبوطة
شكله شهي وفكرة جديده
يم يم
بما أن الرد الأول لي فمن حقي آخذ نص حبة لأنها كبيرة
تسلم دياتك .. المبدعة
يختي شكله تعذيب الله يهديج ههههههه
عاد شبعانة بس اشتهيته خخخ
هذا بعد حلو تسوين فيه آيسكريم ساندويتش… بيطلع يميييي 
تسلم إيدياتج و ربي يخلي لج إيفرن و أبو إيفرن F:
ماشاء الله ابدعت روووووووووعه ويجننننننن بعد ..F:
وريحه الكاكو واصله عندي
تسلمين يالغالية على الدعوة أحلى دعوة وصلتني بس ياليتها حقيقية:o
تم التقيم تستااااااااااهلين;)
….جوجو….
تعذيب كتير مش شويه
وخاصتا بنعمل ريجيم ويادوب
ناكل توست ههههههههه
يسلمو ايديكي وتم التقيم
ما شاء الله
شكلها بشهي
تسلم الأيادي عزيزتيF:
الميزان رافض التقييم:badly:
خاطري فيه
هنا وعافيه على قلوبكم
تستاهلي التقييم والتميز فعلا"
تقبلي مروري
دمتي بخير
2 ملعقة كوب فانيلا
يعني ملعقتين ولا شنو ؟؟؟؟
لك ودي
تستاهلي أحلى تقييم
والله يعطيكي العافيه
دقات في قلبي اكيد ملعقتين فانيليا