اول شيء لا تشوفوا وقت كتابة هالموضوع 
فلذات اكبادنا احباب الله,, لا يحلو لهم اللعب والاستيقاظ الا بالليل..
نضطر نحن الامهات الى مسايرتهم والسهر معهم بالطبع الى ان تنتظم ساعتهم الداخلية وينامون الليل..
في هذه الفترة.. اين اباء هؤلاء الاطفال؟
هل تخرجين بطفلك الى الصالة او غرفة اخرى حتى يتسنى للوالد النوم؟
ام تبقين معه بالغرفة محتمة عليه السهر معك؟
هل تسهرون معاً وتنامون جميعاً بوقت واحد؟
ام تفضلين التناوب على السهر والنوم… كل ساعتين واحد يستلم الطفل؟؟
هل سيختلف الامر لو كنت موظفة… او ربة بيت؟؟
وه ل هناك ما تفعلينه حتى تنقضي الساعات الليلية بانتظار نوم الطفل؟
بانتظار مشاركتكن 
الصراحه انا زوجي يسهر معايه الين الساعه 12 اذا مارقدت يطلع الصاله وساعات اذا تمت اتصيح
يحاول يهديها ويمسكها عني شوي
واذا مارقدت اجلب في القنوات والا ايب المسباح وايلس استغفر الين ماتنام
بالنسبه لي انا وزوجي نتعاون يعني اذا قام البيبي فالليل انا ابدل الحفاظه وهو يبرز المرضاعه
ويدفيها له طبعا انا ارضعه ولين نام البيبي نرجع ننام انا وزوجي مره ثانيه
انا الحين في اجازة وضع يعني ماعرف اشلون بكون ايام الدوام بس الله يسهلها وبعدين ولدي مايقوم
في الليل اعطيه مرضاعه قبل مانام على الساعه 1 او 2 ويقوم الساعه 6 او 7 الصباح
لين الحين ماتعبت معاه وانشالله دوم جذيه الله يحفظه لي
اي والله .. خوش فكرة هذي الاستغفار بوسط الليل…
مشكورة الغالية على تنويرج الموضوع
عني انا من تصيح بنتي شليتها ورضعيتها وبدلت لها بامبرز …اذا نامت زين اما اذا تمت اتصيح اشلها بسرعه الغرفه الثانيه او الصاله مب عشان ابوها لا عشان اخوها ما يقوم لانه ارقاده وايد خفيف بعكس ابوهم …واذا تمت اتصيح وما رضت تسكت وابوها ما عليه دوام الصبح اصحيه واخليه يشلها شوي وانا ارتاح شوي…
للاسف اباء كثيرين يتركون الجمل بما حمل للام.. بكل بساطة يقولون .. الياهل مسؤلية الام !
ان شاءالله ترجعين الشغل وسليطين يصير هادي وما يساهر لج بالليل..
موضوع حلو صراحه زوجي ماله دخل في البيبي من بعيد او قريب وقت النوم ههههههههههه
كلشي ولا تخربين نومه يمكن ما وراي دوام ولا شي ما اطلب من زوجي ياخذ البيبي
عادة مااطلع من الغرفه لان مايصير فوضى واذا تم سهران اصفحح في المجلات او في القنوات او افكر شو اسوي الغداء يوم ثاني هههههههه
الله يسلمج هذا من طيبج…
بالفعل .. انا اسوي ساعات مثل حركتج.. اطلع الصالة.. بس ساعا ت ما يفيد..لأنه ينتبه لصوت الباب وانا طالعة ويقعد.. 
انا بصراحة عجبوني الاجانب… يخلون رياييلهم يسهرون معاهم مهما كانت الظروف…
يسهرون وي بعض
ويرقدون وي بعض
مافيها ههههههههههه
مشكورة الغالية على تنويرج المووضوع
الله يعينج بصراحة جميله المحي !
ماعندي تعليق اكثر :ss:
حلو موضوعج ام حسين.
أنا أول ما ولدت نور ، صرت ما اشتغل يعني صرت اسهر الحالي اغلب الايام ، وبصراحة يكسر خاطري اني ازعجه وهو عليه دوام من الصبح ، فأطلع انا الغرفة الثانية الى ان تستقر وتنام، بس لو ما كان عليه دوام عادي ياخذها عني وقت اللي يقدر.