سويت الشوكلاتة الأسود مع الكابتشينو من يد أم المهند حياكم الله 2024.

بسم الله نبدأ ..

المقادير مثل ما واضح في الصورة ،،

بسكويت ماري أو أي نوع بسكويت شاي + ملعقة صغيرة نسكافيه + ملعقة صغيرة كريما الشوكلاتة + علبة كاملة من الحليب المركز + إصبع زبدة ..

في ملة نقوم بتكسير البسكويت لقطع صغيرة – انتبهوا لا تطحنوه

نسيح اصبع الزبدة <<< حشا هاي يد مو اصبع ،
ونصبها على قطع البسكويت الصغيرة ، ونقلب فيهم عشان الزبدة تتوغل في كل القطع

نضيف الشوكلاتة + النسكافيه + الحليب المركز .. ثم نقلب فيهم عدل مدل
أنا استخدمت يدي عشان أضمن ان الخليط تجانس برابر :tongue:

وفي صحن نصب الخليط اللي صار متماسك ويانا ، ونساويه أي نضغط عليه بإيدينا ، وعادي لو ما صار متساوي وياك من الجوانب ، لأن عقب تقدرين تقصين الأطراف

وأخلي العجين شوووووي داخل الثلاجة لين ما يزهب وياك ( التوفي ) ، وطريقته معروفة عند الجميع بس للي ما يعرفون ، الواجب اننا نعرفهم – خصوصاً المبتدئات :tongue:

ما صورت كل المراحل بس كالتالي ،، ثلاث فناجين سكر + قشطة

في صفرية نذوب السكر لين ما يشقر لونه ، وعقب تضيفون القشطة بالتدريج يعني ما تصبونها كلها مرة وحدة ، ملعقة ملعقة لين ما تخلص العلبة ،، ولا تنسي في كل مرة تصبي ملعقة القشطة تضلي تمزجي فيها وهكذا <<< أمحق شرح :tongue:

وهاي النتيجة النهائية

وهي ساخنة نصبها مباشرة على البسكويت ، ونحطها بالثلاجة ساعة أو أقل ..

وهنا بعد ما طلعتها من الثلاجة وصارت متماسكة جدا قطعتها مربعات .. وشلت الأطراف الشين شكلها

ومثل ما قلت لكم سويت كابتشينو بطريقة سهلة أيضاً ،، مقاديرها عبارة عن :

تخلطيهم كلهم سوا ( ما عدا الحليب ) في الخلاط لين ما يتجانسوا ويصير لون المزيج بني فاتح أو بيج ..
وهنا الصور تبين لكم الطريقة ..

لاحظوا الخلاط كيف صار في الخليط لونين ،، نحن ننتظر لييين ما يصير لونهم بيج مثل ما قلت لكم (y)

وهنا بعد ما خلصنا خلط ،، صبيت لييين ربع الكوب من هالمزيج ، لا يطوفكم تشكلت وياي ( قلبين ) من المزيج وأنا جالسة أصب

وفي هالأثناء أكون مسخنة الحليب الطازج <<< سخنيه لييين ما تشوفي دخانه ،
وأصب من الحليب الساخن في المزيج لين أوصل لفوووووق ، وبس خلي الحليب يتفاعل مع الخليط ، يعني ماله داعي تحركيه بملعقة أو شي ، الحليب بوحه يطلع لفوق ويشكل نفسه <<<< تشرح للمبتدئات 😎

وهاي اللوك الأخير للكابتشينو ،، (y)

للعلم ، تقدرين تضيفين شوي من بودرة النسكافيه كرشة في السطح ،، عشان التنسيق لا أكثر 😉

صبري تو بجي هناك :tongue: بس أرد على الحلوات اللي مروا الموضوع ،،

تسلمين حبيبتي ويا ذوق انتي على هالكليمات الحلوة مثلك ،،

ما مشكلة بكون خطيرة وبنفجر بعد ، لكن لمدة بسيطة يا خسارة :ss:

يلا تجربة حلوة مريت فيها :tongue: ، وبعدين بنشتاق للطبخ ،،