أخواتي أتمنى منكم أن تساعدنني في إختيار هدية لثنتين من أخواتي … وإلي راح يكون عرسهم في يوم واحد
أتمنى تكون هدية مميزة وحلوة وبنفس الوقت طريقة تغليفها يكون رائع .. لأنهم خواتي وما في أغلى من الأخوات
أنا فكرت إني راح أجيب لهم الواحدة سلسال ذهب أبيض أو أساور ناعمة ذهب أبيض كمان لأن الذهب العادي الأصفر ما هو حلو …
كمان مع الهدية راح أجيب لهم درعين وأكتب فيه كلام حلو أمنيات ودعوات لهن
فكرت كمان أضم للمجموعة .. علبة عطر صغيرة بس ما أدري إيش راح أختار …
كمان راح أحطلهم مطويات حلوة فيها دعوات ونصائح عن الزواج وعن الحرص على الصلاة وأشرطة تنفعهم بس ما أدري أي شريط أختار ممكن السحر الحلال أو بين قلبين ..
وراح أجيب لهم دفتر للذكرى لكل واحدة بس بدون ما يدرون راح نخلي المعازيم يكتبون لهم أمنيات ودعوات بعدين نفاجئهم بالدفاتر .. يعني ما راح نقولهم إننا راح نجيب كذا علشان يكون الفرح أكثر من فرحة
وما أدري إيش كمان .. أتمنى منكم خواتي مساعدتي وكمان في طريقة تغليف الهدية للواحدة هل أجعل لكل واحدة شكل أو نفس الشكل لهن …
وقولولي إذا الهدايا ما تناسب وإيش أغير أنا أبغى مشورتكم …
… ها طلبتكم طلبة تساعدوني …
الله يعطيج العافيه وذوقج مقدما حلو ماشاء الله … والله يتمم لأخواتج على خير ويسعدهم 
اقتراحي لج هو ….
تسوين لكل وحده فيهم هديه مميزه وعلى كيفج اذا اخترتي ان هداياهم تكون متشابهه أو مختلفه ..
بس شخصيا أحس هدايا مختلفه بيكون أحسن .. لأن كل وحده ذوقها غير وخذي اللي يناسب شخصية كل وحده على انفراد ..
اشتري خاتم ذهب أبيض راقي .. أو طقم كامل … أو قلاده .. أو ساعه راقيه ماركه مميزه …. وهاذي بتكون الهديه الأساسيه …
وخذي معاها … طقم عطورات اللي تجي مجموعه مع بعض مع كريماتها العطريه المناسبه جدا للعرايس …
واشتري بعض العطورات العربيه .. مثل مخلط دهن العود .. عطر فراش .. عود .. بخور … وغلفيهم تغليف حلووحطيهم …
وحلو بعد لو تشترين قميصين نوم لكل وحده منهم وتحطينه مع الهديه بيدعوووولج من القلب
واذا سمحت لج ميزانيتج .. خذي بدله لك وحده .. شنطة يد .. نعال الله يكرمج … طقم أرواب وفوط …
وبرواز مكتوبه فيه قصيده باسم كل وحده فيهم ممكن تخلين أحد يسويه لج في المكتبات
وجمعي كل الهدايا وغلفيهم تغليف راقي وحلو وكشخه وحطيهم في صندوق مندوس خشب كبير وراقي
وانثري ورد مجفف عليهم ورتبيهم … أو ممكن تخلين حد في المحلات المتخصصه في التغليف للهدايا يغلفونه لج
وروووووعه فكرتج في دفتر الهدايا عجبتني كثير … سويها وايد حلوووووه 
وبعد مطويات النصائح والأدعيه والشرائط روووعه حطيهم الله يجزيج خير
.. عندي فكره ثانيه …
ممكن تجيبين لكل وحده هديه مختلفه … يعني وحده … صندوق مندوس مليء بقمصان النوم .. 5 قمصان نوم مثلا … مرتب ترتيب مميز ومغلف تغليف حلووو ….
والثانيه .. تجيبين لها .. مندوس ثاني … ملي عطورات وكريمات … عربية وفرنسية … مرتبه ومغلفه تغليف راقي حلوووو ….
… عندي فكره ثالثه :cool2: …
بوكس مكياج ماراكات مميزه وراقيه عالميه لوحده منهم ومغلف ومرتب ..
والثانيه بوكس بدل حلوووه راقيه …. أو فوط وأرواب للعرايس مميزه وراقيه … أو ملابس داخليه كشخه
هذا اللي عندي والله يوفقج حبيبتي ويسعد خواتج .. ومبرووووك لكم
على حسب ميزانيتي …
بس بالنسبة لقمصان النوم احس إنهم راح ياخذون أنواع وأشكال وخفت أخذ نفس الشكل لأني بمنطقة وهم بمنطقة ثانية …
لكن الله يجزاك ألف خير …
*بيلسان*
الله يخليهم لج ويخليج لهم يارب ياتني فكرة وانا اقره الموضوع وان شاء الله تعجبج..
ممكن تاخذين لوحدة منهم مجموعة مختلفة من شنط المكياج اللي يكون جواها مكياج او شنطة مكياج حجم كبير ومعاها وحدة صغير لوقت الخروج وتاخذين لها معاهم ساعة او عطر
وممكن للثانية تاخذين مجموعة شموع معطرة من احجام مختلفة او صينية فاخرة مع بخور وعطورات عربية ومبخر حلو مع علبة صغيرة فاضية وحلوة عشان تخلي فيها البخور وغرشة زجاجية حلوة للعطر العربي تعينها لها بعطر عربي على ذوقج
وفي فكرة بعد انج ممكن تاخذين لوحدة منهم البوم حلو وتزينينه بطريقة وتحطينه في سلة متوسطة الحجم وتنثرين عليه ورد وتخلين حواليه شموع معطرة بأحجام مختلفة وتضيفين له اي شي ثاني تحبينه
وللثانية ممكن تاخذين طقم متناسق وراقي على ذوقج ينحط على التسريحة مثلآ علبة مجوهرات مع مراية وعلبة كلينكس وفريم تحصلينها بالمرينا مول بالسعودية او هوم سنتر وتغلفينهم بطريقة حلوة تعرفين البنات تحب هالشغلات
ان شاء الله قدرت اساعدج يارب
تحياتي لج
ذهب
بس انا من رايي تاخذين لهم نفس الهدايا احس بيكون احلا
بدال ما تاخذين لكل وحده شي زياده عن اللزوم مثلا وحده بس عطور والثانية بس ملابس.. لو تقسمين الأغراض من بينهم احسن
وانتي شوفي حاولي تعرفين كل وحده شو احتياجها يمكن شي ينقصها حاولي تكملين عليها ..
واذا كنت تميزين اذواقهم عدل خذي حق كل وحده حسب ذوقها
الله يوفقهم ان شاءالله
وعقبال نفرح فيج يااارب
أفكارك مرة حلوة وأعجبتني .. وراح أمر الأسواق إلي قلتيها و أخذ أشياء حلوة زي إلي ذكرتيها …
حلو إن الواحد يشكل .. وحلو كمان إن الواحد يطقم نفس الشي …
أنا راح آخذ من أفكار البنات وأغلف لهم الهدايا بشكل متناسق إن شاء الله يعجبوهم …
ممكن بعضها أخذها نفس الشي والبعض الآخر مختلف …
أشكرك أختي … على الدعوة ولكن ترى أنا متزوجة وحامل بالثاني … :shy:
* بيلسان *