شاركينا بشعورك عند إستقبالك لطفلك الأول 2024.

:flower: مرحبا فيكم حبيباتي،،،،،
كل وحده تدخل تخبرنا كيف كان شعورها لما حملت طفلها الأول بين أحضانها:yes: وكيف قضت اللحظات اللي بعدها…..يعني كيف كان إحساسها بالأمومه:shy: 🙂

أبدي أنا لما شفت على طفلي نسيت كل الألم اللي كان ،وكنت مامصدقه إنه هذا الطفل لي:shy: وهذيك الليله مانمت طوال الليل وأنا أشوف عليه ،،،ماقدرت أنام من الفرحه..(الحمدلله)الله يرزق الجميع…ويحفظ لنا أولادنا.

يالله كل وحده تكتب لنا ويش اللي صار…..لا تبخلوا
سلام

أنا بصراحة ما اعرف الشعور اللي انتابني غير اني حسيت والله العظيم اني فوق الغيوم ما احس ولا بأحد جنبي حتى كانو ا يخيطون الجرح ولا ادري فيهم والله من غير مبالغة يعني ما احس بألم حسيت بنشوة غريبة ما تنوصف يا ترى هل بحس نفس الاحساس بالطفل الثاني؟؟؟؟؟؟؟؟؟؟؟؟؟؟؟؟؟؟؟ :think:

شكراً أختي أكبر قلب على المرور،وإن شاء الله ماتحسين بالألم دوووووووووووم

انا عن نفسي بطفلي الاول عبدالله مادري شنو شعوري لاني في حملتي به كنت متعذبه من النساه وحالفه ان اول ما ااشوفه اطقه صطار ههههه بس بصبعي بلعدال اول ما ولدت نفس الاحساس الي صار لج اختي اكبر قلب اني مابحاسه شي بس ولا قدرة انام ابي اشوفه كل وقت ونسيت الالم كله بس الصراحه اول مارضعته كنت خايفه منه هههههههه حتي امي كانت ميته من الضحك عليه ماشاء الله عليه كان فاتح عيونه كلها ووجهه مافيه تجاعيد نفس بعض اليهال وكان يخوزر فيني ولما امي تطل عليه وهو يرضه يرد يخوز بامي وهني صج خفت من قلب مدري شله

بس الحين صار ريال ماشاء الله الله يحفضه بس ماحسيت بتربيته لان امي الله يطول بعمرها هي الي ربته لي كنت بالجامعه

اما بنتي الزين بعد تعذبن بنساتها بس اول ماولدتها تميت اضحك من قلب حتي الممرضات ابالهم انهبلت وانا كنت اضحك لاني افتكيت ولدت بالسلامه ههههههههه هبله بس ماشاء الله جميله تينن ولا خلتني ليلتها انام من كثر ما اشوفها واحركها نعووووووووومه من قلب

الله يحفظ عيالي واعيال امة محمد من كل شر امين يا رب العالمين

مشكووووره أختي .نووووووره على مشاركتنا والله يخليلك عبدالله والزين
وإن شاء الله تدووووووووووووووووووووووم الضحكه:shy:

شعور لايوصف (عبدالله هو كل حياتي)، ،على كل الألم اللي عانيته يوم طلع نسيت كل شي وحطوه علي مابغيت يشيلونه من الخرعة،، حبيبي الحين كبر ومازلنا نذكر ذاك اليوم….

تسلمي أختى على هذا الموضوع الحلو….

انا اول طفل لي كان ولدي حبيبي اول ما طلع حسيت بالفرحة وتميت اطالعه وابي اعرف من يشبه <<<<<<<<مستعيلة

وببنتي كنت فرحااااااااااااااااااااااانة وايد ومااباهم ياخذونها لاني اموووووت على البنوتات
الحمدلله ان الله رزقني هالاثنين

:shy: انا عن نفسي كنت تعبانه في حملي بس لما ولد قيصرية ما صحيت الا لما قالو لي يلا اصحي وشوفي بنتك زي القمر طبعا قد ما حاولو يصحوني بعد العملية ما قدرو غير لما حطوها قالو لي اني حضنتها ونمت معاها طبعا انا حاسه بس ما اقدر اتفاعلبس والله كان شعور رائع و الله يعيني واحسن تربيتها(r) (r)

يا الله ما أحلاه من شعور
والله نسيت الوجع كله يوم حطوها على صدري وأخذت ابكي وأقول يا حبيبتي يا ماما وأمي أخذت تبكي و ما صدقت يخلصوا لي الخياطة عشان أحضنها مرة ثانية

شعوور رهيييييب من أقوى ألم في العالم إلى لاااااااااااااااا ألم حضنتها و هي كلها دم و قلت بلا وعي هادي حقتيييي و كانت ماما جمبي وتبكي و انا دايخة بس شعوور جميل وخاصةإني كنت والدة بدون بنج ((بس ما راح أعيدها طبعاً المرة الجية راح آخد ابرة الظهر بدون تفكير))
الله يعطي كل اللي يشتهي