حبيباتي بغيت أسأل عن شامبو دوف الأزرق اللي مكتوب عليه معالج التلف الشديد شامبو مع سيروم الاصلاح
هل يصلح لشعري مع العلم ان شعري دهني و طويل و مصبوغ و متقصف
الله يجزاها بالخير اللي تجاوب وينول لها اللي في بالها
ان شاء الله البنات يفيدونك
للاسف ان مجربتوش بس بجرب حاجات تانية كتير لدوف زى الصابون والكريمات والشاور جيل وكله ماشاء الله معايا كويسه
ان شاء الله بنات يفدوكى مع العلم ان منتجات دوف حلوة قوى
الله يجزاكم خير
أذكر مرة جربت شامبو دوف بس مو هذا إللي تسألين عنه .. أعتقد إن إللي جربته إللي للشعر الجاف .. ما أذكر عدل بس عموماً ما حبيته …
و إذا على التقصف أعتقد إن أفضل علاج له هو قص أطراف الشعر كل كم شهر و غير هذا المختصين بالشعر دائماً ينصحون بإستخدام البلسم و إذا كان الشعر دهني ينصحون إن تحطين البلسم على أطراف الشعر و ما تخلينه يوصل لمنابت الشعر يعني جلد الرأس بس على الأطراف .. و بعد لا تستخدمين مخمريات أو حتى البخور المعطر أو العود المعطر … كلها تدهن الشعر .. ممكن تكتفين بالعود (الخشب إللي يتبخرون فيه مو دهن العود) العادي إللي مو معطر .. و حتى إذا تدهنين جسمج بالزيوت أو الكريمات و طاح شعرج عليه ممكت تدهن الشعر …
هذرت وايد … بس إن شاء الله أكون قلت لج شي مفيد