أسعد الله صباحكم بالخير و السرور…
أمس جربت هذي الأكلة من Rachel Ray، و غيرت عليها أشياء بسيطة…
و طلعت جداً لذيذة… أنصحكم تجربونها 
نبدأ بسم الله مع المقادير و الطريقة:
الكمية تكفي شخصين
أول شي نحمي الفرن على حرارة 350 فهرنهايت…
بنحتاج:
4 صدور دجاج
عصير برتقالة
ملعقة كبيرة خل بلسميك
ملح – فلفل أسود
نخلط كل المقادير اللي فوق مع بعض في صينية بايركس و نترك الدجاج يتبل فيها لمدة نص ساعة أو أكثر إذا عندكم وقت…
و بنسوي مع الدجاج رز بنكهة البرتقال بعد
و بنحتاج:
كوب رز أمريكي
كوبين ماء
بشر برتقالة
نصف مكعب ماجي
ملح
ملعقة زبدة
نغلي الماء و بشر البرتقال و الملح و الماجي مع بعض…
بعدين نضيف الرز، و نخليه يغلي لحد ما يبدأ يبقبق مثل ما نقول بالعامية J
و نضيف عليه الزبدة و نخفف الحرارة على أخف شي و نغطي القدر…
للخطوة الثانية بنحتاج:
ملعقتين كبار زيت زيتون
نص كوب فاصوليا خضرا مقطعة
نص كوب فطر مقطع أرباع
ملعقة و نصف كبيرة طحين
ملعقتين كبار زبدة
نصف كوب ماء مغلي مذوب فيه نصف مكعب ماجي
نجيب مقلى كبير، و يفضل يكون تيفال، نحط فيه زيت الزيتون، و نحميه على أعلى درجة…
نرفع صدور الدجاج من التتبيلة و نحتفظ بالتتبيلة…
نصف صدور الدجاج في المقلى و نحمرها على الوجهين بشكل سريع… ما نبيها تستوي، بس تتحمر…
بعد ما تتحمر نرجع الصدور للصينية البايركس اللي تبلناه فيها (و نترك المقلى مكانه لأننا بنستخدمه مرة ثانية) ، و نغطيها بورق ألمنيوم و ندخلها الفرن لمدة ربع ساعة…
وهذا شكل الصدور بعد التحمير…
الحين في نفس المقلى، نخفف الحرارة لأقل من النصف و نضيف الخضار، الفاصوليا الخضرا و الفطر…
إذا الفاصوليا مثلجة ضيفوها على طول، لكن إذا كانت طازجة، اسلقوها أول في ماء مغلي لمدة 3 دقايق…
نقلب الخضار لحد ما ينشف الماء اللي يطلع منها و تتشرب لون تتبيلة الدجاج اللي في المقلى، بعدين نرفعها في صحن على جنب و نغطيها…
في نفس المقلى مرة ثانية، نذوب الزبدة و نضيف عليها الطحين و نحرك لمدة دقيقة…
نرفع المقلى عن النار و نضيف مرقة الماجي مع التتبيلة اللي احتفظنا فيها و نحرك بسرعة لحد ما يصير عندنا صلصة ثقيلة…
نخفف الحرارة على الصلصة، و نطلع صينيتنا من الفرن…
أول ما تطلعونها بتلاحظون إن مع صدور الدجاج في مرقة، ارفعوا الصدور على لوح التقطيع و أضيفوا المرقة للصلصة في المقلى علشان تصير خفيفة…
قطعوا الصدور شرائح، و قدموها مع الرز و الخضار و أكيد صلصة البرتقال و البلسميك…
و هذا الشكل النهائي لطبقنا…
و بالعافية (f)
واشكرج على هاي الوصفة وانشالله بجربها
شكلها يشهي و طبق جديد ..
تسلم يدينك حبيبتي ..
و احلى تقييم
الله يحفظكك ويسعدك يارب
يااااااااااااااااااااااااااااااارب حقق لى احلامى …….. -@ا
أسعدتوني بإطرائكم الرائع…
و إن شاء الله تجربونها و تعجبكم (f)