شعرك يا عروسة . مجموعة من الاقتراحات 2024.

السلام عليكم ورحمة الله وبركاته

كيف حالكم اخواتي؟ ان شاءا لله بخير وصحة وسلامة ..
حبيت اني اساعد اخواتي العرايس في اختيار تسريحة حلوة ليومها المميز
كل العرايس يبغوا شي حلو مرتب مميز وشيك
ونحتار من كتر ما نشوف تسريحات ونصايح في كل مكان

حبيت اني احط كم اقتراح هنا عشان اساعدك…

* رفع الشعر: ممكن تكون هذه افضل اختيار للعروسة لانو دائما رفع الشعر يعطيك اناقة ورقة وراح يبرز جمالك الطبيعي بدل ما يعطي شعرك وجهك ، ويصبح التركيز على وجهك الجميل ومن بعده الفستان الابيض ! وكمان راح يساعدك رفع الشعر التقليل من التعرق

* انزال الشعر: هذه راح تكون حلوة لو انك تبغي تخفي شي معين، تستخدمي شعرك كعامل طبيعي لاخفاء العيوب ، ممكن مثلا عيوب الوجه مثل الخدود، او الرقبة او حتى الكتوف… الخ.. واضيفي عليه تاج كبير، او طرحة مطرزة، جميل! ، او حتى تستخدمي الطرحة تدخليها في الشعر وتصبح هي التاج او الاكسسوار للشعر، طرحة مطرزة!

* التاج: العروسة حلاها تكون اميرة وملكة في يوم فرحها، مميزة ومختلفة عن الحضور، حلو انك تحطي شي يمزيك بهذا الشكل، تاج، ورد، الطرحة نفسها.. اكسسوار.. تزيين الشعر بشكل ما تسويه دائما امر مميز ومختلف عن لما تكوني انتي معزومة، ممكن تحطي تاج حلو وبسيط وناعم يبرز جمالك، او حتى ورد ( انا حطيت ورد في زواجي) صدقيني راح يعطيك شكل مختلف تماما!!

مجموعة صور ممكن تساعدك:

رفع الشعر مع تاج، مثالي ومكرر، ولكن ما عمره صار قديم! شيك وكلاسيكي

ناعمة وبسيطة بالورد، لو تحطي الطرحة من تحت ، راح تكون ناعمة وانيقة جدا

من زاوية اخرى

ناعمة جدا بس مررررة تتجنن

اضيفي الطرحة عليها، ما شاءا لله راح تكون مرة روعة

مرة حلوة!

مرة حلوة الفكرة، مرة شفت عروسة عملتها طلعت مرة تجنن ما شاءا لله عليها
حطت قبعة اكبر من كدا، والطرحة لفتها من فوق القبعة
وبعدين حول رقبتها بس على خفيف

كان شكلها مرة كلاسيكي وفي نفس الوقت شيك ومختلف
طلعت مرة خيالية ما شاء الله

مرة حلوة وناعمة

للشعر القصير اكسسوار فقط وطلعت التسريحة شي روعة وناعم
يعني ما يحتاج حتى تتعبي نفسك في تسريحة وحالة

هنا كمان شوفي الاكسسوار اللي في راسها
مرة حلو ومعطي طابع خطير
التسريحة بسيطة
والاكسسوار غير كل شي

ومن الخلف

صورة اوضح

من الجنب

اكسسوار!!!!

الريش!

اهم شي يا عروسة انك تفكري في الموضوع وتجربي تعملي عدد من التسريحات بروفة
عشان تعرفي ايش يناسبك واي كوفيرة ما تسوي لك كدا وانتي ما تعرفي شغلها احسن لك ما تتعاملي معاها، اكدد على البروفة عشان تطمني على التسريحة
مو بس بروفة للمكياج، صحيح انو ما في كوفيرات يعملوا لك بروفة
عشان كدا يبغالك تروحي لكوفيرة تعرفي شغلها
قد اشتغلت على شعرك عشان تطمني
او احد تعرفيه شفتي شغلها على شعرها
لانو شعرك مختلف عن غيرك
ممكن تضبط شعر غيرك بس ما تضبط شعرك

ما ادري احس المفروض في بروفة للشعر
بس انا لسة ما قابلت الكوفيرة اللي تعلمها !!
بس فالحين ياخدو منا فلوس ههههه
حسبي الله ونعم الوكيل فيهم تدفعي بالالوف عشان تسريحة ومكياج يوم واحد! حرامية!
طلعنا عن الموضوع ههه

ان شاء الله اكون اعطيتكم افكار اخواتي
بالتوفيق

(f)

ooooh come on its a new subject!
where are the replays!

عروس