هاتى ترمس مر بنقول علية عندنا فى مصر ترمس بلدى بننقعة فى ماء مدة كافية ممكن يوم او اكتر لغاية ما يبداء يتنفخ وينزل المادة المرة بتاعتة فى الماء بتعرفى لما تدوقى المية حتلائيها مرة جدا المهم تاخدى المية دى وتشليها وانتى بتستحمى اغسلى شعرك كويس وبعدين اشطفية وهاتى المية دى و حطى على شعرك يعنى اخر شطفة تكون بمية الترمس وتاكدى ان الماء جة على الشعر كلة وسبية شوية على ما تغسلى جسمك وكل ما زادت الفترة يكون احسن يعنى سبية نص ساعة على ما تغسلى جسمك وتدعكى رجلك بالحجر وبعدين اشطفى شعرك بماء عادى وبس كدة البسي واخرجى طبعا عشان النتيجة تبان بسرعة استعمليها كل يوم فى الاول لاطول فترة تحبيها ممكن اسبوع او 10 ايام وبعدين اعمليها يوم ويوم وبعدين واظبى عليها مرة كل اسبوع بس ساعتها خليها اكتر شوية يعنى من نص ساعة لساعة
والترمس ممكن تشيلى منة المية وتحطية فى مية تانية حينزل برضة مادة مرة وتتاكدى بنسك دوئيها
مش حتاخد وقت منك كانك بتستحمى عادى وشعرك حتبان النتيجة على طول فى اختفاء القشرة وتحسى ان فتلتة حلوة بعد كدة تلاحظى توقف سقوط لشعر ومع الاستمرار تلائية تقل و ناعم اكتر ويطول بسرعة وجربيوها وادعولى
واهو نضرب عصفورين بحجر نطول شعرنا وناكل ترمس
وحياة اغلى ما عندكم ادعولى ربنا ينولى اللى فى بالى طبعا حقولكم اية اللى فى بالى
انا داخلة على امتحانات ودى اخر سنة لسة طبعا فى الترم الاول بس خايفة موت مستقبلى متوقف على السنة دى ادعولى انجح بتوفق زى كل سنة ربنا يسعدكم والحاجة التانية ربنا يفك همى و هم اقرب الناس ليا ويعدل حالة يا رب
واى سؤال موجودة بس ممكن اتاخر عشان مذاكرتى بس لجل عيونكم ادخل
اللى تجربها تقول النتيجة عشان اللى مش مصدق يصدق
:flower::flower::flower:
بس الترمس يكون مطحون أو حب؟
الله يوفقك ويناولك مرادك آمين
وبحرب الخطه ,, بس حبيت استفسر انتي من متى تستخدمينها ؟
محرقية قلبي رفاعي : اتوقع ترمس حب ع شرح اختنا 
بس خدوا بالكم اوعوا تسيبوة على شعركم وتخرجوا لازم تشطفوا شعركم بعدة لانك لو سبتية على طول حيجيب نتيجة بس حتحسي ان شعرك جاف شوية من طول مدة بقاؤة
وبئالى حبيبتى اسبوعين بستخدمة بس للامانة مش كل يوم بواظب احيانا كل يوم واحيانا يوم ويوم
امنيه
http://forums.3roos.com/showpost.php?p=14674754&postcount=262
على فكرة أنا كمان كسولة شوية
جدتى نصحتنى بماء الترمس قبل كدة لكن مجربتش
لكن المرة دى إن شاء الله أجرب
وربنا ينجحك ويفرج همك وهم أقرب الناس ليكى