يارب تكونو بأفضل حال دائماً
ادخل في الموضوع على طول معاكم
انا شعري طبيعته جاف ونافش متطاير خشن وكيرلي، يعني من الاخر مسكينة أعاني منه
وخرب اكتر لم عملت له فير بالنار (اول مرة اعمل فير بحياتي) والصراحة ندمت لان فير النار حرق شعري
وأكل أطرافه بطريقة تحزن ، قررت أني ما استشور شعري الا في المناسبات الكبيرة وأبدا اهتم فيه اكتر
قصيت أطرافه المحروقة ( وانا قلبي محروق اكتر ) لأني احب الشعر الطويل
وعملت خلطة زيوت من نفسي في البيت ودامت عليها مرتين او ثلاثة في الاسبوع على حسب وقتي ( كسولة حبتين )
واللهم لك الحمد والشكر ، ما شاء الله تبارك الله .. شعري اتحسن بطريقة ملحوظة جداً ، طول ، نبت شعري،
تحسي الشعر ندي ورطب ، ومن غير مبالغة كأني ضاربته سشوار متوسط ( ولاحظو متوسط مؤ خفيف ) دا وانا
شعري خشن ، ما بالكم لو وحدة فيكم شعرها أحسن مني ..
المهم انا حقولكم عالخلطة واكتب لكم طريقة اهتمامي بيه مرة وحدة
للمعلومية انا ما امشي بمقادير معينة لان الكمية الي عملتها لي ولأخواتي وكانت لم تقل الكمية أضيف زيوت كمان من راسي من نفس الزيوت الي كاتبتها
الزيوت هي :
زيت لوز حلو
زيت الكثيراء
زيت أركان
زيت سمسم
زيت خروع
زيت النجمة الذهبية
مشاط
محلب مطحون
فيتامين هـ
حطيت كل الزيوت مع بعض والمشاط والمحلب عالنار يسخن شوي وبعدين حفظته في قارورة من غير ما اصفيه
وأضفت الفيتامين بعد ما برد الزيت
# قبل ما أحط الزيت على شعري أحط القارورة في موية حارة عشان يدفى الزيت ..
# أبدا بالجهة اليمين عادة ( اقتداء بسنة المصطفى صلى الله عليه وسلم ) واسمي بالله مع كل حطة زيت..
#الزيت احطو في شعري وما اقرب من الفروة ( هي كدا ولا كدا الفروة حيجيها زيت بس اهم شي أني ما أحط كمية كبيرة ) ..
#اعمل مساج لفروة راسي بحركات دائرية ..
#استنى ساعتين مش اكتر ( لان الشعر ياخد الفائدة بس في هذا الوقت اكتر من كدا ما بيستفيد الشعر ) والله اعلم
#اغسل شعري بالشامبو حقي ( سلفكرين بالبيض ) احيانا أغير للي بزيت الزيتون او بانتين..
# اترك شعري ينشف شوي مؤ مرة لكن ما أمشطه وهو مبلول( عشان المسام يكون مفتوح وممكن تطيح الشعرة بسرعة )..
#ادهن شعري بسيروم ( اختاري اي سيروم يناسبك عادي ) وشوي بديل الزيت حق غارنييه ..
# امشط شعري عادي جداً وعلى اربع جهات مرة عاليمين ومرة عاليسار ومرة على قدام وآخر مرة على ورا..
#الفه طاقيه (حواية) او اظفره ( ظرفية فرنسية ) على حسب ما انا أبغا شعري اما يكون مموج او مفرود..
#انام بيه عادي او اكمل يومي الين اليوم الثاني .. وافكو
الشهادة لله هي دي طريقتي من غير زيادة او نقصان ، بجد بجد ما شاء الله كانه مستشور حبتين ، حسيت ان سار اقوي والشعرة نفسها ما شاء الله تخنت وسارت ناعمة وفيه لمعة صحية
واي استفسار انا حاضرة ، للأسف ما اعرف أحط صور ولا كنت وضحت اكتر ..
اتمنى أني اكون افدتكم ويااااااااارب تفرحو وتتبسطو بشعوركم زي ما ربي فرحني ، يديمها علينا نعمة ويحفظها من الزوال
( لو سمحتو ادعولي ان ربي يفرج عليا كربتي، جزاكم الله خير الدنيا والآخرة )
بس كم المده اللي طلعت فيها النتيجه
الف شكر على نقل تجربتج
 |
اقتباس |  |
 |
المشاركة الأساسية كتبها لارسا بغداد  |
 |
 |
|
ربي يفرج كربتج |
||
 |
 |
اللهم آمين واياك يا رب.. عفوا حبيبتي دا اقل من الواجب , لأني اعرف معاناة الوحدة بشعرها الجاف والمنفوش والي ما ينعرف كيف يتسوى وقت الجمعات واللمات << معانااااااتي
|
اقتباس | |
|
المشاركة الأساسية كتبها ملاك£ |
|
|
| مشكووووووره حبيبتي من جد يسلموووو والله يهنيك بالنتيجه بس كم المده اللي طلعت فيها النتيجه |
||
|
|
العفو حبيبتي , ربي يسلمك يا رب..
الصراحة انو انا داومت عليه شهرين كل اسبوع مرتين او تلاتة مو اكتر ( بحكم كسلي ) .. صدقيني حتلاحظي بسرعة التغيرات قبل ما تخلصي الشهرين
|
اقتباس | |
|
المشاركة الأساسية كتبها وصال الطائف |
|
|
| الله يعطيك العافيه | ||
|
|
يعافيكي ربي من كل مكروه يا وصال
|
اقتباس | |
|
المشاركة الأساسية كتبها المعين |
|
|
| جزاك الله ألف خير على نقل تجربتك | ||
|
|
اللهم آمين و واياكي يا رب
و مبرووووك عليكِ النتيجة أختي
F:و مشكورة على طرح تجربتكF: